Okuvaayo 15:26 - Baibuli Ekibono kya Katonda 2014

²⁶ Musengwa Katonda yaabakoba ati: “Bwe muliba abawulize obulungi bwene, nga mukola ebyo ebituufu ye ndi, era nga mugondera amateeka gange n'ebiragiro, tija kubabonereza na bulwaire ku obwo bwe nasindikira Abamisiri. Kuba ninze Musengwa Katonda abawonia endwaire.”

Okuvaayo 15:26 ပူးပေါင်းရင်းမြစ်များ

1 Bakyabazinga 11:33

Ndidha kukola ntyo, kuba Solomoni oyo yanvaaku yaasinza omusambwa omukazi Ashitorethi ogw'Abasidoni, n'omusambwa Kemoshi ogw'Abamoabu, n'omusambwa Milikomu ogw'Abammoni. Yandheemera yaakola ebibi, yaaloba kugema mateeka na biragiro byange, nga lata we Daudi bwe yakolanga.

1 Bakyabazinga 11:38

Bw'onaatanga omwoyo ku byonabyona bye nkulagira, n'ogumira ku nze, n'okola bye nsiima, era n'ogemanga amateeka n'ebiragiro byange ng'omugheereza wange Daudi bwe yakolanga, ndidha kubanga ghalala n'iwe. Ndikugha okufuga Isiraeli, era naaleetera ab'endhu yo okusigalagho nga bakaafuga, nga bwe nagha omugheereza wange Daudi.

2 Bakyabazinga 2:21

Yaaja aghali ensulo y'amaadhi, yaasuulamu omuunhu ogwo ng'akoba ati: “Musengwa Katonda akoba ati, ‘Amaadhi gano ngafiire malamu. Tigakairayo kuvaamu lumbe waire okutoolamu abantu enda.’ ”

2 Bakyabazinga 20:5

Yaamukoba okwirayo akobe Hezekia omukulembeze w'abantu ba Musengwa Katonda oyo ati: “Musengwa Katonda, Katonda wa Daudi dhaadha wo akoba ati, ‘Mpuliire ky'onsabye era naabona n'amaziga go. Kale ni bona, ndidha kukuwonia, era ku lunaku olwokusatu oidha kuja mu isinzizo.

2 Bakyabazinga 22:2

Yosia yaakolanga ebituufu Musengwa Katonda by'asiima, yaajiira ku mpisa ng'edha dhaadha we Daudi, yaaloba kukyuka kudhireka kwira eno oba ere.

Yobu 5:18

Kuba aja yaakuba omuntu oluguma, aye yaamunhiga amabwa; akubisa engalo dhe omuntu, aye engalo dhe edho dhaamuwonia.

Zabbuli 103:3

N'oyo asonigha okwonoona kwange kwonakwona, yaawonia endwaire dhange dhoonadhoona.

Zabbuli 147:3

Abo abawoiremu amaani abaizaamu amaani, yaasiba ebighero ku mabwa gaibwe.

Zabbuli 81:9

Mutasinzanga katonda wundi okutoolaku nze Katonda zenka; mutakubiranga makiryaivu misambwa egisinzibwa abamaghanga agandi.

Okuvaayo 12:29

Mu bwire ghagati Musengwa Katonda yaita abaana abalenzi ababeri boonaboona ab'Abamisiri, okuviira irala ku muberi wa kyabazinga, ali ku kityamo kye eky'obwakyabazinga, okutuukira irala ku muberi ow'omusibe ali mu ikomera. Era yaita n'ensolo dhoonadhoona enume edhaazaalibwa mu nzaalo edhaasooka.

Okuvaayo 19:5

Kale ni, bwe munaagonderanga bye mbakoba, ni mukuuma endagaano yange, mwidha kubanga bantu bange ab'endhawulo ku bantu bange abandi boonaboona. Ensi yoonayoona yange, aye imwe munaabanga bantu bange abalondemu.

Okuvaayo 19:6

Era munaabanga eighanga eitukuvu, mwampeerezanga nga bakabona. Ebyo by'obe okobe Abaisiraeli.’ ”

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Okuvaayo 23:25

Nze Musengwa Katonda wo, ninze y'obenga osinze, era nze ndidha kukughanga enkabi mu mere ni mu maadhi, era ntoolegho obulwaire obubadaaza.

Isaia 55:3

Mwidhe ye ndi mutege amatu; muwulirise bye nkoba musobole okufuna obulamu. Ndikola n'imwe endagaano etaliwaagho, ey'okugonza kwange okutakoma kwe nagonzangamu Daudi.

Isaia 57:18

“Waire namala ira okubona nga bwe beebisa obubi, aye era ndibakyusa naabawonia, naabakulemberamu, era ebibi byaibwe naabisasulamu ebirungi olwo naasangula amaziga g'abo abalira.

Yeremia 11:7

kuba bwe natoola badhaadha baibwe mu nsi Misiri, nabalabuliragho irala okumpuliranga. Era nkaabalabula ni ye buli eno aghazira kukoogha naire.

Yeremia 17:24

“Koba abantu abo oti bateekwa okugonderanga ebiragiro byange byonabyona. Balobe kubbeedanga kintu kyonakyona kukibisa mu miryango egy'ekibuga kino ku lwa Sabbato, waire okukolanga omulimo gwonagwona. Aye bakuumenga olunaku olwo nga lutukuvu.

Yeremia 30:17

Ndibalongoosa mwairagho bukalamu nga bwe mwali, era naawonia amabwa gaimwe waire ng'abazigu baimwe bakoba bati, ‘Sioni kiri ng'oti n'omuntu ye baabinga adaagiradaagira eyo atyo. Ghazira akifaaku naire.’ Nze Musengwa Katonda, ninze nkobye.”

Yeremia 33:6

Aye bona eno, ndiizaagho ekibuga kino bukalamu era naakireetera okuwona. Abantu baamu ndibaleetera okuba mu miraala kamaala, ng'ebintu bibajiira bukalamu.

Yeremia 7:23

Aye nabalagira kino nti, ‘Mumpulirenga, olwo nze ndidha kubanga Katonda waimwe, imwe mube bantu bange. Mujiirenga ku mateeka ge mbagha, olwo byonabyona biidha kubajiiranga bukalamu.’

Yeremia 8:22

Mu Gileadi tekaaliyo bulezi? Tekaaliyo bayigha? Kiki ekirobeire abantu bange okuwona?

Ezekieli 18:5

“Omuntu omutuufu n'oyo akola ebituufu ebigwaniire ng'ajiira ku mateeka.

Hosea 11:3

Ate nga ninze eyayegeresa Abaisiraeli okusiirula ekigere okutambula, era nga mbalera mu ngalo dhange. Aye baaloba kumanha nga ninze eyabalabiriranga.

Hosea 6:1

Abantu baja baakoba bati: “Mukole twire ye Musengwa Katonda. Waire nga mwene n'eyatuyuzayuza aye alituwonia; era waire nga n'eyatufumita aye alitunhiga ebibwa ebyo.

Abalevi 26:13

Ninze Musengwa Katonda waimwe, eyabatoola mu Misiri, mulekere okuba abairu. Naatoolagho obuyinza obwali bubasibiire ghansi, naabatambuza nga mwesimbye.”

Abalevi 26:3

“Bwe munaajiiranga ku mateeka gange, era ni mugondera ebiragiro byange,

Okubala 12:13

Agho Musa yaasaba Musengwa Katonda ati: “Wo Katonda wange, nkweghembye muwonie.”

Amateeka Agokubiri 12:25

Mutagulyanga naire, olwo mughange okubanga obukalamu, imwe n'abaana baimwe abaliiragho. Kuba olwo munaabanga nga mukoze ekyo Musengwa Katonda ky'abona nga n'ekituufu.

Amateeka Agokubiri 12:28

Mujiirenga buliidho ku bibono bino byonabyona bye mbalagiire, olwo mughange okubanga obukalamu, imwe n'abaana baimwe abaliiragho ebyanda n'ebyanda. Kuba olwo munaabanga nga muli kukola ebyo Musengwa Katonda by'abona nga birungi era nga bituufu.”

Amateeka Agokubiri 13:18

Aye muli n'okumuwuliranga, nga mukuuma ebiragiro bye byonabyona, bye ndi kubagha olwaleero, era nga mukola ebyo Musengwa Katonda waimwe by'abona nga n'ebituufu.”

Amateeka Agokubiri 28:27

Musengwa Katonda aidha kubasindikiranga amabuubuuto nga ge yalwaza Abamisiri. Abalwaze n'amabwa, n'ebizimba, n'omubiri okusiigha. Ebyo byonabyona nga tibiwona.

Amateeka Agokubiri 28:58

“Bwe mutaagemenga biri mu mateeka gano goonagoona agaaghandiikibwa mu kitabo kino ni mu bituukiriza, era bwe mutaatyenga liina lya Musengwa Katonda waimwe ery'ekitiisa erireetera abantu okumutya,

Amateeka Agokubiri 28:60

Era aidha kwiramu okubalwazanga endwaire embi edh'e Misiri, dhibeesibengaku nga tidhiwona.

Amateeka Agokubiri 32:39

Mpegaano ni mukimanhe, nga nze, era Nze zenka, ni Nze Katonda; ezirayo katonda wundi okutoolaku Nze. Ninze aita, era ninze agha obulamu. Nfumita era naawonia; ghazira asobola kuntoolaku kiri mu buyinza bwange.

Amateeka Agokubiri 5:1

Agho Musa yaayeta Abaisiraeli boonaboona, yaabakoba ati: “Imwe Abaisiraeli, muwulire amateeka n'ebiragiro bye ndi kubagha olwaleero. Mubyege era mwegendereze okubituukirizanga.

Amateeka Agokubiri 7:15

Musengwa Katonda aidha kubakugiranga endwaire dhoonadhoona dhirobe kubagema. Taidha kubasindikiranga ndwaire mbi dhe mwabona nga muli e Misiri. Aye aidha kudhisindikiranga abo ababakyagha.