Okuvaayo 15:25 - Baibuli Ekibono kya Katonda 2014

²⁵ Musa yaalirira Musengwa Katonda, era Musengwa Katonda yaamwoleka omuti. Musa yaasuula omuti ogwo mu maadhi, amaadhi gaawooma. Mu kifo ekyo era Musengwa Katonda yaabagheeragho amateeka n'ebiragiro, era yaabaleba.

Okuvaayo 15:25 ပူးပေါင်းရင်းမြစ်များ

2 Bakyabazinga 2:21

Yaaja aghali ensulo y'amaadhi, yaasuulamu omuunhu ogwo ng'akoba ati: “Musengwa Katonda akoba ati, ‘Amaadhi gano ngafiire malamu. Tigakairayo kuvaamu lumbe waire okutoolamu abantu enda.’ ”

2 Bakyabazinga 4:41

Elisha yaakoba ati: “Muleeteyooku ku buwunga.” Yaabumiigha mu ntamu. Yaakoba ati: “Mubasenere balye.” Agho mu ntamu mwaba nga timukaalimu kabi naire.

2 Bakyabazinga 6:6

Elisha omuntu wa Katonda yaabuuza ati: “Egwire gha?” Ole yaamwoleka ekifo gh'egwire. Elisha yaatema akati, yaakasuula mu maadhi, yaaleetera empasa okulera ku maadhi.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 66:10

Iwe Katonda waife, watugezesa, waatwekebeedha ng'oti ni feeza bw'alongoosebwa.

Zabbuli 81:7

Bwe mwali mu buzibu mwansaba, era naabawonia, naabairamu nga neegisiisa mu kire eky'amaadhi n'olukuba, naabaleba nga muli ku maadhi ag'e Meriba.

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Zabbuli 99:6

Musa ni Aaroni baali bakabona be, ate Samueli yaaba owundi ku abo abaamusabanga. Abantu abo baaliriranga Musengwa Katonda, yaabaghanga kye baamusabanga.

Okuvaayo 14:10

Abaisiraeli baaja okulinga bati, baalengera kyabazinga wa Misiri n'abalwani be boonaboona nga bali kubaidhira. Agho baatya ebitoogerekeka era baalirira Musengwa Katonda abayambe.

Okuvaayo 16:4

Agho Musengwa Katonda yaakoba Musa ati: “Bona eno, nja kumagalisa emere okuva mu igulu ku lwaimwe. Era abantu baidha kujanga buli lunaku basoloze enaabamalanga olunaku olwo. Mu nsambo oti n'eyo ndidha kubaleba mbone oba nga banaajiira ku biragiro byange.

Okuvaayo 17:4

Kale Musa yaalirira Musengwa Katonda ati: “Wo Musengwa Katonda, nkole ntya abantu bano? Babulaku katono okunkuba amabaale nfe.”

Okuvaayo 20:20

Musa yaakoba abantu ati: “Mutatya, kuba Katonda aidhie kubaleba, n'okubongeramu okumutya, mulobe kwonoona.”

Ensambo 17:3

Omuliro n'ogukozesebwa okukenenula feeza ni zaabu okubona obulungi bwabyo, aye Musengwa Katonda n'aleba emyoyo gy'abantu okubona obutukuvu bwagyo.

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Yeremia 9:7

Kale ni Musengwa Katonda oyo Afuga Amagye akoba ati: “Bona eno, ndidha kubasaanuusa ng'omuntu bw'asaanuusa ekyuma, era mbeekebeedhe; kuba nzira kindi kya kukolera bantu bange abo.

Ezekieli 47:7

Naabona nga ku mbali ni ku mbali okw'omwiga ogwo kuliku emiti kamaala.

Ezekieli 47:8

Agho yankoba ati: “Amaadhi ago gakuuluula nga gaja mu biketezo eby'e buvandhuba ebiri mu kiiko ekirimu omwiga Yorudani. Bwe gatuuka mu maadhi ag'omu nhandha, galongoosa amaadhi ago ag'omu nhandha gaafuuka malungi.

1 Ab'e Korintho 1:18

Abo abali kuzikirira tibabona makulu mu kibono kya kufa kwa Kurisito ku musalaba, aye ife abali kulokolebwa tukibona nga n'amaani ga Katonda.

Amateeka Agokubiri 13:3

mutamuwulirisanga, kuba Musengwa Katonda waimwe aidha kubanga ng'ali kubaleba bulebe, abone oba nga mumugonza n'omutima gwaimwe gwonagwona, n'omwoyo gwaimwe gwonagwona.

Amateeka Agokubiri 8:16

Yabagha mannu mwalya mu irungu, emere badhaadha baimwe ye baali nga tibalyangaku.

Amateeka Agokubiri 8:2

Era muteerabiranga nga Musengwa Katonda waimwe bweyabakulemberamu mu lugendo lwonalwona, emyaka gino amakumi ana mu irungu, ng'agendereramu okubafuula abawulize. Era yaabaleba, asobole okumanha ekiri mu myoyo gyaimwe, abone oba nga munaakuumanga ebiragiro bye.

Abalamuzi 2:22

Ndidha kubeeyambisanga okuleba Abaisiraeli, mbone oba nga banaakolanga bye mbalagira, nga badhaadha baibwe bwe baakolanga, oba busa.”

Abalamuzi 3:1

Kale Musengwa Katonda yaaleka amaghanga agandi gaasigala mu nsi eyo, okuleba Abaisiraeli abataabona ku ntalo edhaali e Kanaani.

Abalamuzi 3:4

Abo Musengwa Katonda be yali ab'okweyambisa okuleba Abaisiraeli, okubona oba nga banaawuliranga ebiragiro bya Musengwa Katonda, bye yalagira badhaadha baibwe ng'abita mu Musa.