Okuvaayo 15:21 - Baibuli Ekibono kya Katonda 2014

²¹ Miriamu yaabakulemberamu ati: “Leka nhembere Musengwa Katonda, kuba aghangwire n'ekitiisa, aswire embalaasi n'abavuzi baadho mu nhandha.”

Okuvaayo 15:21 ပူးပေါင်းရင်းမြစ်များ

2 Samueli 1:20

Mutakikoberaku bantu b'e Gathi, waire okukisansaania mu nguudo edh'e Ashikeloni; kuba mwidha kuleetera baghala b'Abafilisiti okusagamba, olwo muleetere baghala b'abantu abo abatali bakekete okutuumira ghaigulu olw'eisanhu.

2 Samueli 6:14

Daudi yaakinira Musengwa Katonda n'amaani ge goonagoona, nga yeesibye bwa mu nkende ekivaalo eky'obwakabona ekyakolebwa mu ngoye empegheevu.

2 Ebyomubyanda 5:13

Agho abembi n'ab'ebivuga baakwania amamiro, nga basaaka era nga beebaza Musengwa Katonda. Baagemagania ghalala mu lwembo amamiro gaibwe, n'ag'amagwala, n'ebide, n'ebivuga ebindi, bati: “Musaake Musengwa Katonda kuba mulungi, okugonza kwe tikukoma, kubaagho byanda na byanda.” Agho ekire kyagema woonawoona mu isinzizo,

Zabbuli 76:6

Bwe wabakaabukira iwe Katonda wa Yakobo, embalaasi dhaagwa, n'abavuzi baadho baagwa ghansi, baafa.

Okuvaayo 15:1

Musa n'Abaisiraeli abandi baayembera Musengwa Katonda olwembo luno, olukoba luti: “Ka nhembere Musengwa Katonda, kuba aghangwire n'ekitiisa; aswire embalaasi n'abavuzi baadho mu nhandha.

Okuvaayo 15:4

Yasuula abalwani ba Misiri n'ebigaali byaibwe eby'omu lutalo mu nhandha; abaduumizi ba Misiri abaasinganga okwesigibwa, baasaanagho mu maadhi.

Okwolekebwa 14:3

Baayemba olwembo mu maiso ag'ekityamo eky'obwakyabazinga, n'ag'ebitonde ebiramu ebina (4), n'ag'abakulembeze. Olwembo olwo nga luyaaka era nga ghazira wundi asobola kulwega, okutoolaku abo bonka emitwalo eikumi n'ena n'enkumi eina (144,000), abaali bamaze okununulwa mu nsi.

Okwolekebwa 15:3

Baayemba olwembo lwa Musa omugheereza wa Katonda, n'olwembo olw'Entaama Ento, nga bakoba bati: “Musengwa Katonda Aghanga Ebintu Byonabyona, by'okola bikologho era byewuunhisa! Kyabazinga ow'amaghanga goonagoona, by'okola bituufu era bya mazima.

Okwolekebwa 5:9

Baayemba olwembo oluyaaka, bati: “Ogwaine okutoola enzingo ey'ekitabo n'okukakampula obumanhiso obugisibye, kuba waitibwa era waanunulira Katonda abantu, aba kiisi kika, kiisi lulimi, kiisi luse, na kiisi ighanga.

Abalamuzi 5:3

Muwulire imwe bakyabazinga, mutege amatu imwe abafuzi; ndidha kwembera Musengwa Katonda, Katonda wa Isiraeli, olwembo.

1 Samueli 18:6

Agho bwe baali nga bali kwira eka, nga Daudi yeena ali kwira ng'amaze okwita Omufilisiti, abakazi baava mu bibuga byonabyona ebya Isiraeli, baaja okweisuusaayo kyabazinga Saulo. Baaja nga bemba enhembo edh'eisanhu nga bwe bakina. Era baakuba obugoma n'ebivuga ebindi bye bakubiraku enhembo.

1 Samueli 18:7

Abakazi abo baayemba nga basagamba bati: “Saulo aise nkumi na nkumi, Daudi yaita mitwalo na mitwalo.”