Okuvaayo 15:20 - Baibuli Ekibono kya Katonda 2014

²⁰ Agho Miriamu omulanzi omukazi era mwanhina Aaroni, yaatoola akagoma yaakagema mu ngalo, n'abakazi abandi boonaboona baagema obugoma, baamunonereza nga babukuba bwe bakina.

Okuvaayo 15:20 ပူးပေါင်းရင်းမြစ်များ

Amainhama 31:27

Lwaki waanumukaku mu ngiso, ni weiba nga tonkobeire. Nandibaire nkusiibwire nga tuli kusagamba era nga tuli kwembera ku bugoma ni ku ndingidi.

2 Samueli 1:20

Mutakikoberaku bantu b'e Gathi, waire okukisansaania mu nguudo edh'e Ashikeloni; kuba mwidha kuleetera baghala b'Abafilisiti okusagamba, olwo muleetere baghala b'abantu abo abatali bakekete okutuumira ghaigulu olw'eisanhu.

2 Samueli 6:14

Daudi yaakinira Musengwa Katonda n'amaani ge goonagoona, nga yeesibye bwa mu nkende ekivaalo eky'obwakabona ekyakolebwa mu ngoye empegheevu.

2 Samueli 6:16

Esanduuku ya Musengwa Katonda bwe baali bali kugireeta mu kibuga kya Daudi, Mikali mughala wa Saulo yaalengeza mu dinisa yaalinga kuliya, yaabona kyabazinga Daudi ng'ali kutuuma bw'akinira Musengwa Katonda. Yaamunhooma mule.

2 Samueli 6:5

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Musengwa Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide.

2 Bakyabazinga 22:14

Agho Hilikia kabona, ni Ahikamu, ni Akabori, ni Shafani, ni Asaia, baaja eri Huluda omulanzi omukazi, muka Shallumu. Shallumu oyo yali mutabane wa Tikava era mwidhukulu wa Harahasi. Omukazi oyo yabanga mu kiketezo ekiyaaka ekya Yerusalemu, era nga iba oyo Shallumu n'akuuma eiterekero ly'ebivaalo eby'omu isinzizo. Agho baayogera n'omukazi oyo ku nsonga eyo.

1 Ebyomubyanda 15:16

Daudi yaalagira abakulu b'Abalevi bateegho Balevi banaibwe, bembe n'amaani enhembo edh'eisanhu nga bakubiraku entongooli, n'endingidi, n'ebide.

1 Ebyomubyanda 6:3

Amuramu yaazaala Aaroni, ni Musa, ni Miriamu. Aaroni yaazaala Nadabu, ni Abihu, ni Eleazari, ni Ithamari.

Nehemia 6:14

Agho naasaba nti: “Wo Katonda wange, otasonigha Tobia ni Saniballati okusinziira ku ebyo bye bakoze, oba waire okusonigha omulanzi omukazi Noadia, n'abalanzi abandi boonaboona abaayenda okuntiisatiisa.”

Zabbuli 149:3

Basaake eriina lye nga bakina, nga bakubiraku entongooli n'engoma.

Zabbuli 150:4

Mumusaake nga mukuba engoma bwe mukina, mumusaakire ku bivuga eby'enkosi n'endere.

Zabbuli 30:11

Onkyukiiza okulira kwange waakufuula kukina, onsibwire ebikaakaati eby'okunakughala wandhidhuza okusangaala.

Zabbuli 68:11

Musengwa Katonda yagha ekiragiro, abantu kamaala baatambuza amawulire bati:

Zabbuli 68:25

Abembi n'abakulemberamu, abaghala abakuba obugoma n'ensaasi bairirira, memale ab'entongooli n'endingidi baakoobera.

Zabbuli 68:26

Nga bemba bati: “Musaake Katonda mu bantu be abeesoloiza; musaake Musengwa Katonda imwe mwenamwena aba Yakobo.”

Zabbuli 81:2

Mutoolere olwembo, ow'obugoma ateeku, memale ow'endingidi ewooma n'ow'entongooli beeyimbe okwo.

Okuvaayo 2:4

Mwanhina w'omwana oyo yaafuna aghantu nga gheeswireku akata okuva aghali omwana, yaaba agho, aghange okubona ekinaatuuka ku mwanhina oyo.

Omulangirizi 3:4

Ekiseera eky'okuwowoola, n'ekiseera eky'okuseka. Ekiseera eky'okulira, n'ekiseera eky'okukina.

Yeremia 31:4

Ndiiramu kabiri okubazimba imwe abantu bange mube eighanga eiyaaka. Muliiramu kabiri okugema obugoma bwaimwe, mwabukuba nga musagamba.

Mika 6:4

Kuba nabatoola e Misiri, naabanunula okuva mu bwiru era naabagha Musa, ni Aaroni, ni Miriamu, okubakulembera.

Okubala 12:1

Agho Miriamu ni Aaroni beemuluguunhiza Musa, olwa Musa oyo okufumbirwa omukazi Omukushi.

Okubala 12:2

Baakoba bati: “Musengwa Katonda ayogerera mu Musa yenka? Tayogereraku ni mu ife twena?” Musengwa Katonda yaabawulira nga beemuluguunhia.

Okubala 20:1

Agho Abaisiraeli boonaboona baatuuka mu irungu ery'e Zini mu mwezi ogusooka, baaba e Kadeshi. Miriamu yaafiira eyo, era baamuziika eyo.

Okubala 26:59

Muka Amuramu oyo yayetebwanga Yokebedi, era nga mughala wa Levi ye yazaalira e Misiri. Amuramu oyo ni mukazi we oyo Yokebedi, n'abaazaala Aaroni, ni Musa, ni mwanhinaibwe Miriamu.

Luka 2:36

Era ghaaligho ni Anna omulanzi mughala wa Fanueli, ow'ekika kya Asheri, eyali omukazi omukaire. Okuva ku myaka gye egy'obwegha yamala n'iba emyaka musanvu.

Ebikolwa by'Abatume 21:9

Yali ni baghala be bana abaali bakaali kubayira, abaakoberanga abantu ekibono kya Katonda.

1 Ab'e Korintho 11:5

Aye omukazi yeenayeena asaba oba akobera abantu ekibono kya Katonda nga tiyeeghembye ku mutwe aswaza iba kuba omukazi oyo azira ndhawulo na mukazi amweireku nviiri.

1 Ab'e Korintho 14:34

Bwe mwesolozanga mu Kikunsu eky'Abaikiriza mu Kurisito, abakazi basirikenga busirike. Kuba tibaikirizibwa kwogera, era ng'Amateeka bwe gakoba babenga bawulize.

Abalamuzi 11:34

Yefutha bwe yairayo eka mu Mizipa, yaja okulinga ati ng'abona mughala we ali kwidha okumusangaaza ng'akina era ng'akuba obugoma n'ensaasi. Oyo yali nga n'omwana wa Yefutha yenka ati. Yali azirayo mwana wundi k'abe wa bulenzi oba wa bughala, okutoolaku oyo yenka.

Abalamuzi 21:21

Abaghala b'e Shilo bwe banaafuluma okukina ku kibinuko, olwo mwidha kuva mu masamba g'emizabbibu, kiisi muntu ku imwe agememu mulala bya ntaka amufuule mukazi we, muje nabo mu kiketezo kya Benjamini.

Abalamuzi 4:4

Mu biseera ebyo, Debora muka Lappidothi yali mulanzi era nga mulamuzi wa Baisiraeli.

1 Samueli 10:5

Olwo oidha kuja ku lusozi lwa Katonda Abafilisiti ghe baata enkambi dhaibwe edh'abalwani. Bw'onaaba oli kutuuka ku kibuga, oidha kwagaana ekikunsu ky'abalanzi nga bali kwikirira okuva mu kifo ekigulumivu eky'okusinzizaamu, nga bali kulanga era nga bakulembeirwamu ab'entongooli, ab'obugoma, ab'endere, n'ab'endingidi.

1 Samueli 18:6

Agho bwe baali nga bali kwira eka, nga Daudi yeena ali kwira ng'amaze okwita Omufilisiti, abakazi baava mu bibuga byonabyona ebya Isiraeli, baaja okweisuusaayo kyabazinga Saulo. Baaja nga bemba enhembo edh'eisanhu nga bwe bakina. Era baakuba obugoma n'ebivuga ebindi bye bakubiraku enhembo.