Okuvaayo 15:18 - Baibuli Ekibono kya Katonda 2014

¹⁸ Musengwa Katonda ni kyabazinga aidha okufuganga ebyanda n'ebyanda.”

Okuvaayo 15:18 ပူးပေါင်းရင်းမြစ်များ

Amainhama 21:33

Aburahamu yaasimba omuti omutamarisiki mu Beerisheba, era yaasinziza eyo Musengwa Katonda, Katonda oyo atawaagho.

Zabbuli 10:16

Musengwa Katonda ni kyabazinga ow'ebyanda n'ebyanda, abatamutya tibaja kubanga mu nsi ye.

Zabbuli 146:10

Musengwa Katonda ni kyabazinga ebyanda n'ebyanda. Iwe Sioni, Katonda wo aja kufuga abantu ab'ense n'ense. Mwenamwena musaake Musengwa Katonda!

Zabbuli 29:10

Musengwa Katonda n'afuga omwidhuzo gw'amaadhi; afuga nga ni kyabazinga ebyanda n'ebyanda.

Zabbuli 9:8

Asalira ensi omusango mu butuufu, era asalira abantu omusango nga tasaliriza.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 4:3

Obumanhiso bwe nga bukologho! Ebyewuunhio bye nga bya maani! Obwakyabazinga bwe bwa kubaagho byanda na byanda, era aja kufuganga abantu ense n'ense.

Danieli 7:14

Era baamugha obukumu, ekitiisa, n'obwakyabazinga. Olwo abantu boonaboona abava mu maghanga goonagoona, era aboogera enimi dhoonadhoona, basobole okumugheerezanga. Obufuzi bwe tibukoma, bubaagho byanda na byanda, era obwakyabazinga bwe tibalibuzikiriza.

Danieli 7:27

Olwo obwakyabazinga, n'obukumu, n'ekitiisa, ebiri ghansi gh'eigulu, balibigha abatukuvu b'oyo Ali Ghaigulu Yeene. Obwakyabazinga bwaibwe buliba bwa byanda na byanda, era abafuzi boonaboona ab'ensi balibagonderanga baabagheereza.”

Matayo 6:13

Totutwala mu kulebwa, aye tulokole mu bubi.’

Amateeka Agokubiri 33:5

Musengwa Katonda yafuuka kyabazinga w'Abaisiraeli, ebika byaibwe n'abakulembeze baibwe nga beesoloiza.”