Okuvaayo 15:17 - Baibuli Ekibono kya Katonda 2014

¹⁷ Obaleeta waabata ku lusozi lwo, ekifo Iwe Musengwa Katonda kye weerondera nga mw'onaabanga, eisinzizo iwe mwene lye wataagho.

Okuvaayo 15:17 ပူးပေါင်းရင်းမြစ်များ

2 Samueli 7:10

Ntegekeire abantu bange Abaisiraeli ekifo, mbate omwo babenga mu kifo ekyo nga kyaibwe ku bwaibwe, ghalobe kubaagho ekibatabula kabiri. Abantu ababi tibaja kwirayo kubadaazadaaza,

1 Bakyabazinga 8:13

Mpegaano nkuzimbiire eisinzizo ery'ekitiibwa, ekifo mw'onaabanga enaku dhoonadhoona.”

Zabbuli 114:2

olwo Abayudaaya lwe baafuuka abantu ba Musengwa Katonda abatukuvu, Abaisiraeli lwe baafuuka abantu be, be yeerondera.

Zabbuli 2:6

ati: “Kyabazinga wange ye nalonda, namuta ku lusozi lwange olutukuvu Sioni.”

Zabbuli 44:2

Nga bwe wabingagho amaghanga agandi mu bifo byago n'oizaamu abantu bo, nga bwe wadaazadaaza amaghanga ago era n'osobozesa abantu bo okukulankulana.

Zabbuli 68:16

Lwaki iwe olusozi oluli n'emitwe kamaala emigulumivu, olingirira n'ensaalwa olusozi Katonda lwe yeeroboza okubangaku? Bwenebwene Musengwa Katonda aja kubanga ku lusozi olwo ebyanda n'ebyanda.

Zabbuli 76:2

Katonda aba Yerusalemu ku lusozi Sioni.

Zabbuli 80:15

gwe wasimba iwe mwene, n'ogukuza nga gwa maani.

Zabbuli 80:8

Watuleeta ng'omuzabbibu okuva mu Misiri, waabinga amaghanga agaali mu nsi eno, waagusimbamu.

Okuvaayo 15:13

Waatambuza abantu bo be wanunula ng'obooleka okugonza okutakoma. Wabagema ku mukono n'omukono gwo ogw'amaani waabatuusa gh'oba aghatukuvu.

Okuvaayo 23:20

“Bona eno, ndidha kubatumira malaika okubakulemberamu ng'abakuuma, era abatuuse mu kifo kye mbategekeire.

Okuvaayo 25:8

Era koba abantu bankolere eisinzizo memale olwo mbabengamu.

Okuvaayo 32:34

Aye iwe ja okulembere abantu obatuuse mu kifo ekyo kye nakukoba. Era, bona eno, malaika wange aidha kukukulembera. Aye era ekiseera kiidha kutuuka mbabonereze olw'ekibi kyaibwe ekyo.”

Yeremia 2:21

Ate nga nali mbasimbye ng'omuzabbibu ogw'embala, ogw'ensigo esingamu bulungi. Aye bona bwe mwonooneike ni mufuuka ng'oti n'omuzabbibu ogw'omu nsiko!

Yeremia 31:23

Musengwa Katonda Afuga Amagye, Katonda wa Isiraeli, akoba ati: “Bwendiiza abantu bange mu nsi yaibwe, mu Buyudaaya ni mu bibuga byayo, ni mbaleetera ebintu kabiri okubajiiranga obukalamu, baliiramu okukobanga bati, ‘Musengwa Katonda akughe enkabi iwe olusozi olutukuvu, iwe ekifo ekitukuvu Musengwa Katonda mw'aba.’

Yeremia 32:41

Ndidha kusangaalanga okubakolera ebirungi n'okubaleetera okutyama mu nsi eno nga batereire.

Ezekieli 37:26

Ndikola nabo endagaano ey'emiraala etawaagho byanda na byanda. Naabagha enkabi beeyongera obungi, era naabataamu eisinzizo lyange libabeemu ebyanda n'ebyanda.

Ezekieli 37:28

Bwe ndibataamu eisinzizo lyange ni libabaamu ebyanda n'ebyanda, olwo amaghanga galimanha nga nze Musengwa Katonda mwene, ninze nalonda Abaisiraeli babe abantu abange ku bwange.”

Amateeka Agokubiri 33:19

Baidha kwetanga abamaghanga agandi ku lusozi lwaibwe, bagheerenga eyo emisengo emituufu. Baidha kufunanga eby'obukombe mu nhandha, ni mu musenho ku bukalu bw'enhandha.”

Yoshua 22:19

“Ekiketezo kyaimwe bwe kiba nga tiikirongoofu, nga timusobola kusinzizaamu Musengwa Katonda, mwidhe eno eri Weema ey'Okwagaananirangamu ni Musengwa Katonda. Mwidhe mufune eno ye tuli obutaka, aye mutadheemera Musengwa Katonda oba okutufuula twenatwena abadheemu nga muzimbayo alutaari eyindi ate nga eya Musengwa Katonda waife erigho.