Okuvaayo 15:16 - Baibuli Ekibono kya Katonda 2014

¹⁶ Baatya baawaamu, olw'ebyo omukono gwo bye gwakola eby'amaani. Baaba agho nga basiriike ng'oti mabaale, okutuusa abantu bo, Iwe Musengwa Katonda, bwe baabitagho; abantu bo be watoola mu bwiru.

Okuvaayo 15:16 ပူးပေါင်းရင်းမြစ်များ

Amainhama 35:5

Yakobo n'abaana be bwe baatoolera okutambula, entiisa enene yaagema ab'omu bibuga ebibeezungulwire, baaloba kubalumba.

2 Samueli 7:23

Kale ighanga ki erindi ku nsi, eriri ng'oti n'ery'abantu bo Abaisiraeli iwe Katonda be waja n'onunula babe abantu bo? Waabakolera ebintu ebikologho era ebitiisa, ebyaleetera eriina lyo okumanhika mu nsi yoonayoona, ng'obingayo abamaghanga agandi n'emisambwa gyaibwe mu biketezo bye baalimu, ng'abantu bo bali kumpi okutuukayo.

Zabbuli 105:38

Bwe baavaayo Abamisiri baasangaala, kuba baali batooleire okubatya einho.

Zabbuli 74:2

Idhukira abantu bo be weerondera eira, be watoola mu bwiru, babe eighanga eriryo ku bubwo. Idhukira olusozi Sioni kwe wabanga.

Zabbuli 89:14

Obwakyabazinga bwo bujiira ku kukola ebituufu n'okukola amazima; okugonza kwo okutakoma n'obwesigwa bwo byeyolekera mu buli ky'okola.

Okuvaayo 11:7

Aye Abaisiraeli ghe baba teidha kubaayo kafufuma naire, waire embwa okuboigolera omuntu yeenayeena oba ensolo yoonayoona ey'Omuisiraeli. Olwo mulimanha nga Musengwa Katonda aboola Abamisiri ku Baisiraeli.’ ”

Okuvaayo 15:13

Waatambuza abantu bo be wanunula ng'obooleka okugonza okutakoma. Wabagema ku mukono n'omukono gwo ogw'amaani waabatuusa gh'oba aghatukuvu.

Okuvaayo 15:5

Amaadhi gaabamira; baika ku ntobo ey'enhandha ng'oti mabaale.

Okuvaayo 15:6

Wo Musengwa Katonda, omukono gwo omusaadha gukola eby'amaani ebitaloodheka; gutentena omuzigu gwamukutulakutula.

Okuvaayo 18:8

Musa yaaghayiraku mukoirume we ebyo byonabyona Musengwa Katonda bye yakola kyabazinga ow'e Misiri, ni bye yakola Abamisiri olw'okununula Abaisiraeli. Era yaamughayira ku bizibu bye baayagaana mu ngira, n'ensambo Musengwa Katonda ye yabawoniamu.

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Okuvaayo 23:20

“Bona eno, ndidha kubatumira malaika okubakulemberamu ng'abakuuma, era abatuuse mu kifo kye mbategekeire.

Okuvaayo 23:22

“Aye bwe mwisaayo einho omwoyo okugondera by'akoba era ni mukola byonabyona bye mbalagira, ndidha kubanga muzigu wa bazigu baimwe era ndidha kulumbanga abo ababalumba.

Okuvaayo 23:27

“Ndidha kuleeteranga abazigu abanaabanga emberi ye muja okutya einho, era ndeetengagho okutabukatabuka mu bantu abagezaaku okubalwanisa. Abazigu baimwe boonaboona baidha kukyukanga babalumuke.

Okuvaayo 6:7

Ndidha kubafuula bantu bange, era nze mbenga Katonda waimwe. Olwo mulimanha nga ninze Musengwa Katonda waimwe, nga mbatwikwire emirimo emikalangufu Abamisiri gye babakaka okukola.

Isaia 51:10

Niiwe owakaza amaadhi amangi ag'enhandha, waata engira ku ntobo yaayo, abantu bo b'onunwire basobole okusomoka.

Isaia 63:12

Musengwa Katonda oyo ali gha, eyakozesa obuyinza bwe, n'akola eby'amaani ng'abita mu Musa, n'ayawulamu amaadhi g'enhandha ng'abantu babona olwo eriina lya Musengwa Katonda oyo ni limanhikananga ebyanda n'ebyanda?”

Yeremia 31:11

Nnunwire Abaisiraeli, naabawonia eighanga ery'amaani.

Ezekieli 16:8

“Kabiri bwe nali ndi kubitagho nti naakubona ng'otuusiiza ekiseera eky'okufumbirwa. Agho naakughembaku ekivaalo kyange waalekera okuba amadu. Bwenebwene naakusuubiza okukufumbirwa era naamala naakola n'iwe endagaano ey'okufumbiraganwa, waafuuka wange.” Musengwa Katonda atyo bw'akoba.

Ebikolwa by'Abatume 20:28

Mwekuume imwe beene, mukuume n'abantu boonaboona Mwoyo Mutukuvu be yabagemya. Mulabirirenga Ekikunsu ky'Abaikiriza mu Kurisito, Katonda kye yeefunira olw'okufa kw'Omwana we.

Amateeka Agokubiri 11:25

Tighaliba muntu waire omulala alighanga kubeekiikamu. Kuba buli ye munaajanga, Musengwa Katonda waimwe aidha kuleeteranga abantu baayo kubatya butye, nga bweyabasuubiza imwe.

Amateeka Agokubiri 2:25

Okuva n'olwaleero, nja kukuba amaghanga goonagoona agali ku nsi entiisa, gabatye. Kiisi anaawuliranga ku liina lyaimwe, aidha kudhugumiranga olw'okutya.’”

Amateeka Agokubiri 2:4

Era yankoba ati, ‘Lagira abantu oti muli kumpi kubita mu nsi ey'ensozi ey'aboluganda lwaimwe baidhukulu ba Esau, ababa mu Edomu. Baidha kubatya. Aye mwegendereze inho,

Amateeka Agokubiri 32:6

Obwo bwene, mutyo bwe mugwaine okubisa Musengwa Katonda, imwe abantu abasiru era abatategeera? Ti ni iseimwe eyabataagho? Ti n'eyabafuula eighanga?

Amateeka Agokubiri 32:9

Yalondamu aba Yakobo yaabafuula babe, baaba bantu be ku bubwe.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Yoshua 2:9

Yaabakoba ati: “Ndidhi nga Musengwa Katonda yabagha ensi eno era twenatwena tubatya emyoyo gyaife gyatweghanika ira.

Yoshua 4:24

Olw'ekyo abantu boonaboona ku nsi baidhanga kumanha, nga Musengwa Katonda wa bukumu obutaloodheka, era mwena mwidha kutyanga Musengwa Katonda waimwe oyo ebyanda n'ebyanda.”

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

2 Petero 2:1

Nga bwe ghaaligho abalanzi abaguya mu bantu ba Katonda, ni mu imwe mulibaamu abeegeresa abaguya. Balyeibirira, baayegeresa ebikiidhamya Obukurisito era ebireeta okuzikirira. Era balyegaana Musengwa eyabanunula, beereetera okuzikirira amangu.

1 Samueli 2:9

Aidha kukuumanga ebigere by'abo abeesigwa y'ali, aye ababi aidha kubaleeteranga okufiira mu nzikiiza; kuba omuntu taghangula lwa maani g'ali nago.

1 Samueli 25:37

Nabali, omwenge bwe gwamuwa ku mutwe enkyo, mukazi we Abigaili yaamukobera byonabyona. Nabali bwe yabiwulira, omwoyo gwamugwa mu bigere, era yaasigala agho ng'ali ng'oti ibaale.