Okuvaayo 15:14 - Baibuli Ekibono kya Katonda 2014

¹⁴ Amaghanga gaabiwulira gaadhugumira olw'okutya. Abantu ab'omu Filisitia baalumwa emyoyo olw'okweraliikirira.

Okuvaayo 15:14 ပူးပေါင်းရင်းမြစ်များ

1 Ebyomubyanda 14:17

Daudi oyo yaamanhika mu nsi dhoonadhoona, era Musengwa Katonda yaaleetera amaghanga goonagoona okumutya.

Zabbuli 48:6

Baatya inho era baalumwa ng'oti n'omukazi bw'alumwa ng'azaala.

Zabbuli 48:7

Era baaba ng'oti n'amaato ag'e Tarushishi, agamenhebwamenhebwa kiwunga ow'amaani ava e buvandhuba.

Isaia 14:29

“Imwe Abafilisiti mwenamwena, mulobe kusanhuka inho waire ng'omwigo ogwabakuba mwenamwena gumenheike; kuba aghabairenga omusota ogwabuliidho, ghaidha kwiragho kiyiri. Era mu igi ly'ekiyiri mulivaamu omusota oguguluka ng'oti nhonhi.

Isaia 14:31

Imwe Abafilisiti ababa mu bibuga, mulire amaziga! Imwe Abafilisiti mwenamwena, mutekemuke mutye! Enkungu eri ng'oti kire eri kuva ku luuyi olw'omukono omugooda olw'e buvandhuba; eryo nga n'eigye ly'abazigu eriziramu mulwani adhugumira waire omulala ati.

Isaia 23:5

Amawulire ag'okuzikirizibwa kwa Tiro bwe galituuka e Misiri, abaayo baliwaamu n'omwoyo.

Ezekieli 32:9

“Ndireetera amaghanga kamaala okweraliikirira, bwe ndituusa amawulire ag'okuzikirira kwo mu nsi dh'otawulirangaku naire.

Habakkuku 3:6

Bw'ayemerera ensi etengeeta; bw'alinga ku amaghanga ati, gadhugumira. Ensozi edh'emyaka n'emyaka dhimenhekamenheka dhaawaagho; obusozi obw'olubeerera budimira mu itaka bwabuliramu. Edho n'ensozi dhe yatambuliraku ebiseera eby'eira.

Habakkuku 3:7

Nabona abantu ab'e Kushani nga bali mu kutya, n'ab'e Midia nga bali kudhugumira.

Okubala 14:14

baja kukobera abantu ababa mu nsi eno, kuba baawulira nga iwe oba mu bantu bano era ng'obonebwa maiso ku maiso. Era baawulira ng'ekire kyo kyemerera ghaigulu gh'abantu bano, ng'oli kubakulemberamu ng'oli mu kire ekiri ng'oti mpango omusana, era waaba mu muliro oguli ng'oti mpango obwire.

Okubala 22:5

yaatuma abakwenda ye Balaamu mutabane wa Beori e Pethori, ekiri okumpi n'omwiga Eufurate mu kiketezo ekyetebwa Amawa. Bamukobe bati: “Bona eno, abantu ab'eighanga eiramba baava e Misiri, baidha baasiisira era baamaamira ekiketezo kyaife, era bali ghano kumpi n'ife.

Amateeka Agokubiri 2:25

Okuva n'olwaleero, nja kukuba amaghanga goonagoona agali ku nsi entiisa, gabatye. Kiisi anaawuliranga ku liina lyaimwe, aidha kudhugumiranga olw'okutya.’”

Yoshua 10:2

Kuba Gibeoni kyali kibuga kinene ng'ebibuga ebinene bwe byali, ebyalingamu bakyabazinga. Kyali kinene okusinga Ayi, era n'abasaadha baamu baali baidhi inho okulwana entalo.

Yoshua 2:11

Bwe twawulira ekintu ekyo twatya inho era twawaamu n'amaani olwaimwe, kuba twidhi nga Musengwa Katonda waimwe, ni Katonda ow'eigulu ghaigulu era ow'ensi ghansi.

Yoshua 9:24

Baamwiramu bati: “Ekyatukoza ekyo lwa kuba ife abagheereza bo twawulira aghazira kubuusabuusa, nga Musengwa Katonda waimwe yalagira omugheereza we Musa, okubagha ekiketezo kino kyonakyona, era n'okuzikiriza abantu baamu boonaboona kiisi ye munaabanga muja. Kale twatya inho nga mwidha kutwita.

Yoshua 9:9

Agho baamukoba bati: “Tuva ghala inho aye olw'okuba twawulira ku bintu Musengwa Katonda waimwe by'akola, kye tuviire ni twidha.

1 Samueli 4:7

Abafilisiti abo baatya, nga bakoba bati: “Omusambwa gwidhie mu Baisiraeli. Tukagwireku, kuba ekintu ng'oti n'ekyo tikibangaghooku.

1 Samueli 4:8

Tukagwireku! Naani anaatuwonia emisambwa egyo egy'amaani gityo? Egyo n'emisambwa egyaita Abamisiri nga gibasindikira ebibamba ebya buli nsambo mu irungu.