Okuvaayo 15:1 - Baibuli Ekibono kya Katonda 2014

¹ Musa n'Abaisiraeli abandi baayembera Musengwa Katonda olwembo luno, olukoba luti: “Ka nhembere Musengwa Katonda, kuba aghangwire n'ekitiisa; aswire embalaasi n'abavuzi baadho mu nhandha.

Okuvaayo 15:1 ပူးပေါင်းရင်းမြစ်များ

Nehemia 9:11

Waleetera amaadhi g'enhandha okweyawulamu aghabiri, Abaisiraeli baabita ghagati mu nhandha ku itaka eikalu. Abo abaali bali kubabingirira waabasuula mu maadhi amaleeyi, ng'oti n'amabaale bwe gadimira mu maadhi amangi einho.

Yobu 36:24

Ogwaine okumusaakanga olw'ebyo by'akola, abantu bye basaaka mu nhembo.

Zabbuli 105:43

Kale yaatoola abantu be mu nsi omwo nga basangaavu, abantu be abo be yeerondera baavaamu nga bemba.

Zabbuli 106:12

Olwo abantu be baakakasa bye yabasuubiza, era baayemba enhembo edhimusaaka.

Zabbuli 107:15

Bagwainenga okwebaza Musengwa Katonda olw'okugonza kwe okutakoma, n'olw'ebyewuunhisa by'akolera abantu!

Zabbuli 107:8

Bagwainenga okwebaza Musengwa Katonda olw'okugonza kwe okutakoma, n'olw'ebyewuunhisa by'akolera abantu!

Zabbuli 32:7

Oli kifo kyange mwe neewogoma, niiwe omponia ebizibu wandhidhuza eisanhu olw'okuwonezebwa.

Zabbuli 76:6

Bwe wabakaabukira iwe Katonda wa Yakobo, embalaasi dhaagwa, n'abavuzi baadho baagwa ghansi, baafa.

Zabbuli 76:7

Wo Musengwa Katonda, ghazira atakutya, ghazira akana n'asigala agho mu maiso go, bw'oba ng'osungughaire.

Okuvaayo 14:26

Agho Musengwa Katonda yaakoba Musa ati: “Ghanika omukono ng'ogusonse ku nhandha, amaadhi gaire ku Bamisiri, ni ku bigaali byaibwe eby'omu lutalo, ni ku bavuzi baibwe.”

Okuvaayo 14:27

Kale Musa yaaghanika omukono ng'agusonse ku nhandha, amaadhi gaatoolera okwira era bwaja okukya nga gali mu kifo kyago ekyabuliidho. Abamisiri baagezaaku okulumuka okuva mu maadhi, aye Musengwa Katonda yaabadimiza mu nhandha ghagati.

Okuvaayo 15:21

Miriamu yaabakulemberamu ati: “Leka nhembere Musengwa Katonda, kuba aghangwire n'ekitiisa, aswire embalaasi n'abavuzi baadho mu nhandha.”

Okuvaayo 18:11

Buti ntegeire nga Musengwa Katonda wa maani okusinga bakatonda boonaboona, kuba yatoola abantu be mu ngalo edh'Abamisiri abaabeeyagalirangaku nga tibababonamu ka buntu.”

Ensambo 29:6

Omuntu omubi, ebibi by'akola bimugemya ng'oti mutego, aye ole akola ebituufu abaagho ng'asagamba era ng'ayemba.

Isaia 42:10

Mwembere Musengwa Katonda olwembo oluyaaka. Ensi yoonayoona leka emusaake! Enhandha leka ewolome n'ebirimu byonabyona olw'eisanhu N'ebiketezo eby'oku nhandha leka byembe n'ababibaaku boonaboona.

Yeremia 51:21

Nakukozesa okuniantula embalaasi n'abavuzi baadho, n'okuniantula ebigaali eby'omu lutalo n'abavuzi baabyo.

Hosea 2:17

kuba tirimuganha kwiramu kabiri kwatula liina eryo.

Habakkuku 3:18

nze ndidha kusigala nga nsagamba era nga ndi musangaavu. Kuba Musengwa Katonda n'omulokozi wange.

Okubala 21:17

Agho Abaisiraeli baayemba olwembo luno bati: “Nsulo iwe, sembula enhindo dho dhiveemu amaadhi, twidha kugembera olwembo.

Ab'e Kolosai 2:15

Era ku musalaba okwo byonabyona ebyali n'obukumu era n'obufuzi yabitutoolaku, era yaayoleka obughanguzi bwe mu lwatu.

Okwolekebwa 15:3

Baayemba olwembo lwa Musa omugheereza wa Katonda, n'olwembo olw'Entaama Ento, nga bakoba bati: “Musengwa Katonda Aghanga Ebintu Byonabyona, by'okola bikologho era byewuunhisa! Kyabazinga ow'amaghanga goonagoona, by'okola bituufu era bya mazima.