Okuvaayo 14:21 - Baibuli Ekibono kya Katonda 2014

²¹ Agho Musa yaagolola omukono ng'agusonse ku nhandha. Musengwa Katonda yaasindika empewo ey'amaani eva e buvandhuba, yaayeyaagho amaadhi ag'enhandha obwire bwonabwona. Amaadhi geeyawulamu, aghabaire enhandha ghaafuuka itaka ikalu.

Okuvaayo 14:21 ပူးပေါင်းရင်းမြစ်များ

Amainhama 8:1

Katonda yaidhukira Noa, era n'ensolo edh'omu nsiko, n'edho enfuge dhe yali nadho mu lyato. Katonda yaasindika empewo yaafuuwa ku nsi, amaadhi gaakendeera.

2 Bakyabazinga 2:8

Agho Eliya yaagema ekivaalo kye, yaakizingamu, yaakikozesa okukuba ku maadhi, amaadhi geegabamu ghabiri ku luuyi ni ku luuyi, bombi baasomoka nga babita ku itaka ikalu.

Nehemia 9:11

Waleetera amaadhi g'enhandha okweyawulamu aghabiri, Abaisiraeli baabita ghagati mu nhandha ku itaka eikalu. Abo abaali bali kubabingirira waabasuula mu maadhi amaleeyi, ng'oti n'amabaale bwe gadimira mu maadhi amangi einho.

Yobu 26:12

Olw'obuyinza bwe yaghangula enhanda; olw'amagezi ge yaazikiriza Rahabu ogusota gwamu.

Yobu 38:24

Oidhi engira etuuka endhuba gh'eva? Oba oidhi empewo ey'e buvandhuba gh'eva okusansaanira ku nsi?

Zabbuli 136:13

Oyo n'eyayawula mu Nhandha Emyufu aghabiri; okugonza kwe tikukoma, kubaagho byanda na byanda.

Zabbuli 148:8

N'imwe omuliro, omugozi, omuzira, n'olufu era n'empewo ya kiwunga ejiira ku biragiro bye, mumusaake.

Zabbuli 66:6

Yafuula enhandha ng'oti bukalu abantu baasala omwiga nga batambula ku bigere. Agho twasagamba olw'ebyo bye yakola.

Zabbuli 74:13

Enhandha wagigabaniamu ghabiri n'amaani go, waakonkona emitwe egy'agasota ag'omu maadhi.

Zabbuli 78:13

Yagabaniamu amaadhi g'enhandha ghabiri, yaageemereza ng'oti bimante eruuyi n'eruuyi yaabaleka baagabitamu ghagati.

Okuvaayo 14:16

Iwe toola omwigo gwo, ogusonke ku nhandha, amaadhi gaidha kwegabaniamu ghabiri, Abaisiraeli baghange okubita mu nhandha nga batambulira ku itaka ikalu.

Okuvaayo 14:20

agho kyaba nga kiri ghagati gh'Abaisiraeli n'Abamisiri. Ekire ekyo kyakolera Abamisiri enzikiiza, aye kyagha Abaisiraeli obutangaavu. Obwire obwo bwabita nga ebikunsu byombi tibituukagaineeku.

Okuvaayo 15:8

Wafuuwa omuuka okuva mu nhindo yo amaadhi geebunga emungo, amaadhi amangi gaayemerera ng'oti kimante; amaadhi ag'oku ntobo ey'enhandha geegema, gaakalanguka ng'oti ibaale.

Okuvaayo 7:19

Agho Musengwa Katonda yaakoba Musa ati: “Koba Aaroni oti, ‘Toola omwigo gwo ogololere omukono gwo ku bifo mu Misiri byonabyona ebibaamu amaadhi bino: emiiga, emyala, ebibali n'ebidiba amaadhi gaamu goonagoona gafuuke musaayi. Era ghaja kuba omusaayi mu nsi Misiri yoonayoona, waire ni mu bintu ebiterekebwamu amaadhi.’ ”

Isaia 23:11

Musengwa Katonda agololeire omukono gwe ku nhandha, yaayuuzayuuza obwakyabazinga bungi. Alagiire ebifo eby'okwewogomamu eby'e Kanaani babizikirize.

Isaia 43:16

Eira einho, Musengwa Katonda oyo n'eyatema oluguudo mu nhandha, yaakola engira mu maadhi amaleeyi.

Isaia 44:27

Ninze ndagira amaadhi g'enhandha amangi gaakala, n'emiiga gyona gyakala.

Isaia 50:2

Lwaki tyayagaanagho muntu waire omulala ati lwe naidha okubawonia? Lwaki nayeta ni ghatabaagho anvugira? Omukono gwange n'ogufuuse omumpi einho, nga tigukaasobola kubatuukaku kubanunula? Oba amaani ag'okubawonia ge nzira? Mubone eno, nze nsobola okukaabukira enhandha yaakala, era naafuula aghabaire emiiga ghaaba irungu, ebyenhandha byamu byafa olw'okubulwa amaadhi era byawunha.

Isaia 51:10

Niiwe owakaza amaadhi amangi ag'enhandha, waata engira ku ntobo yaayo, abantu bo b'onunwire basobole okusomoka.

Isaia 51:15

“Ninze Musengwa Katonda wo asiikuula enhandha, n'agireetera okuwolomboka nga yeekuluumulula. Katonda Afuga Amagye.

Isaia 63:12

Musengwa Katonda oyo ali gha, eyakozesa obuyinza bwe, n'akola eby'amaani ng'abita mu Musa, n'ayawulamu amaadhi g'enhandha ng'abantu babona olwo eriina lya Musengwa Katonda oyo ni limanhikananga ebyanda n'ebyanda?”

Isaia 63:13

Yababisa mu nhandha ghagati nga tibeekontola naku, ng'oti n'embalaasi bw'ebita mu irungu.

Habakkuku 3:8

Wo Musengwa Katonda, wasungughalira miiga? Oba, ekiruyi kyakugema lwa nhandha? Ekyo n'ekyakuleetera okuvuga ebire ng'oti mbalaasi, era ng'oti n'avuga ekigaali eky'omu lutalo n'obughanguzi?

Ebikolwa by'Abatume 7:36

Yaabakulembera yaaja ng'akola ebyewuunhio n'obumanhiso, e Misiri, mu Nhandha Emyufu, ni mu irungu, okumala emyaka amakumi ana (40).

Yoshua 2:10

Kuba twawulira nga Musengwa Katonda yakaliiza Enhandha Emyufu bwe mwagituukaku nga muva e Misiri. Era twawulira bye mwakola bakyabazinga Abamori abaali e buvandhuba ew'omwiga Yorudani: Sihoni ni Ogi be mwazikiriza.

Yoshua 3:17

Abaisiraeli boonaboona baasomoka Yorudani nga batambulira ku itaka ikalu, ng'olwo bakabona beemereire ghagati mu mwiga era boona ku itaka ikalu, nga babbeedie Sanduuku y'Endagaano. Bakabona abo baasigala nga beemereire agho okutuusa abantu boonaboona bwe baamala okusomoka.

Yoshua 4:23

Kuba Musengwa Katonda waimwe yabakaliza amaadhi mu mwiga Yorudani okutuusa bwe mwagusala, era ng'oti ni bwe yakola Enhandha Emyufu ye yatukaliza okutuusa bwe twamala okugisala.