Okuvaayo 14:14 - Baibuli Ekibono kya Katonda 2014

¹⁴ Musengwa Katonda aja kubalwanirira, kale imwe musirike busirike.”

Okuvaayo 14:14 ပူးပေါင်းရင်းမြစ်များ

2 Ebyomubyanda 20:15

Yahazieli oyo yaakoba ati: “Isebantu kyabazinga Yehoshafati, n'imwe mwenamwena abantu ab'omu Buyudaaya ni mu Yerusalemu, muwulirise: Musengwa Katonda akoba ati, mutatya, era eigye lino einene litabamalamu maani, kuba olutalo luno ti niimwe mwidha okululwana, aye Katonda mwene n'aidha okululwana.

2 Ebyomubyanda 20:17

Tikiidha kubeetaagisa imwe kulwana lutalo luno. Imwe mwetegeke, mwemerere bwemerere, olwo mubone obughanguzi Musengwa Katonda bw'anaabagha. Imwe abantu ab'omu Buyudaaya n'ab'omu Yerusalemu, mutatya era mutawaamu maani. Olwaidho imwe muje mubalumbe, Musengwa Katonda aidha kuba ghalala n'imwe.”

2 Ebyomubyanda 20:29

Abantu ab'omu bwakyabazinga obw'ensi dhoonadhoona bwe baawulira nga Musengwa Katonda alwaniisa abazigu ba Isiraeli, baatya inho Katonda oyo.

Nehemia 4:14

Bwe nabona ntyo naasitukiramu, naakoba abakulembeze, n'abakungu, n'abantu abandi boonaboona nti: “Abazigu abo mutabatya. Mwidhukire nga Musengwa Katonda mukologho era wa ntiisa. Kale mulwanirire baganda baimwe, ni batabane baimwe, ni baghala baimwe, ni bakazi baimwe, era n'amaka gaimwe.”

Nehemia 4:20

Kale bwe munaawuliranga eigwala eyo yoonayoona muli, mwidha kwesolokezanga ghe ndi. Katonda waife aidha kutulwaniriranga.”

Nehemia 9:11

Waleetera amaadhi g'enhandha okweyawulamu aghabiri, Abaisiraeli baabita ghagati mu nhandha ku itaka eikalu. Abo abaali bali kubabingirira waabasuula mu maadhi amaleeyi, ng'oti n'amabaale bwe gadimira mu maadhi amangi einho.

Zabbuli 35:1

Wo Musengwa Katonda, balumbe abo abaanumbagana, balwanise abo abaanwanisa.

Zabbuli 50:3

Katonda waife aidha, aye taidha kisiriikiriza; omuliro ogwaka einho gumukulemberamu nga kiwunga ow'amaani amwezungulwire.

Zabbuli 83:1

Wo Katonda, otasirika busirike, waire okuba obwagho nga toli kufaayo.

Okuvaayo 14:15

Musengwa Katonda yaakoba Musa ati: “Lwaki oli kundirira okubayamba? Koba abantu beeyongereyo mu lugendo lwaibwe.

Okuvaayo 14:25

Yaaleetera enkede edh'ebigaali byaibwe eby'omu lutalo okwesiba, byaloba kutambula bukalamu. Abamisiri baakoba bati: “Musengwa Katonda ali kulwaniragho Abaisiraeli. Mukole tuve ghano tubalumuke.”

Okuvaayo 15:3

Musengwa Katonda mulwani wa ntalo, eriina lye ni Musengwa Katonda.

Isaia 30:15

Musengwa Katonda Omutukuvu wa Isiraeli, akoba ati: “Mwire ye ndi mugumire ku nze, ndidha kubalokola; mwewombeeke era muneesige, ndidha kubagha amaani.” Aye imwe mwaloba okukola ekyo.

Okulira 3:26

Kale kiba kikalamu ole yaasirika, yaateegerera obulokozi obuva eri Musengwa Katonda.

Amateeka Agokubiri 1:30

Musengwa Katonda waimwe abakulemberamu, n'aidha okubalwaniragho, nga bwe mwabona byonabyona bye yakolera e Misiri

Amateeka Agokubiri 20:4

Kuba Musengwa Katonda waimwe aidha kuja n'imwe, abalwaniregho era abaleetere okughangula.’

Amateeka Agokubiri 3:22

Mutabatyanga naire, kuba Musengwa Katonda waimwe, n'aidhanga okubalwaniragho.’”

Yoshua 10:10

Musengwa Katonda yaaleetera Abamori abo okutya einho nga baboine Abaisiraeli. Abaisiraeli baita inho Abamori abo e Gibeoni, era baababingirira nga bagemye engira ebita ku lusozi Bethi Horoni. Baaja nga babaita okutuukira irala e Azeka n'e Makkeda.

Yoshua 10:14

Einhuma ere yali tebangayooku lunaku luli ng'oti n'olwo, era kasookanga olwo lubita, kabiri tebangayooku luli ng'oti n'olwo Musengwa Katonda lwe yagondera ekibono eky'omuntu kuba ku olwo Musengwa Katonda yalwanirira Isiraeli.

Yoshua 10:42

Yoshua n'abasaadha be, baaghangula mu lulwana lulala bakyabazinga abo boonaboona, era baabatoolaku ebiketezo byaibwe. Kuba Musengwa Katonda wa Isiraeli, yalwanirira Isiraeli.

Yoshua 23:10

Omuntu yeenayeena ku imwe, asobola okuleetera abantu olukumi (1,000) okulumukagho. Kuba Musengwa Katonda waimwe n'abalwaniragho entalo dhaimwe, nga bwe yabasuubiza.

Yoshua 23:3

Muboine byonabyona Musengwa Katonda waimwe bye yakola amaghanga ag'endhawulo ku lwaimwe kuba Musengwa Katonda oyo n'abaire abalwaniranga entalo dhaimwe.

Abalamuzi 5:20

Emuunienie dhaalwanira ku igulu, dhaalwanisa Sisera nga dhiri mu ngira dhaadho.

1 Samueli 4:7

Abafilisiti abo baatya, nga bakoba bati: “Omusambwa gwidhie mu Baisiraeli. Tukagwireku, kuba ekintu ng'oti n'ekyo tikibangaghooku.