Okuvaayo 13:9 - Baibuli Ekibono kya Katonda 2014

⁹ Era lwidha kubabeereranga kamanhiso ng'oti n'omuntu k'ata ku mukono, era lubabeerenga ekiidhukizo ng'oti n'omuntu ky'asiba mu bweni, olwo amateeka ga Musengwa Katonda galobenga kubava ku minwa; kuba Musengwa Katonda yabatoola mu Misiri ng'akozesa amaani ge agataloodheka.

Okuvaayo 13:9 ပူးပေါင်းရင်းမြစ်များ

Nehemia 1:10

“Wo Musengwa Katonda, abo n'abantu bo abakugheereza be wanunula n'obuyinza bwo obungi era n'amaani go agataloodheka.

Zabbuli 136:11

Oyo n'eyatoola Abaisiraeli mu Bamisiri abo; okugonza kwe tikukoma, kubaagho byanda na byanda.

Zabbuli 136:12

Oyo n'eyagolola omukono gwe ogw'amaani, n'abatoolayo n'engalo dhe; okugonza kwe tikukoma, kubaagho byanda na byanda.

Zabbuli 89:13

Oli wa buyinza bungi, oli wa maani inho atatuukikaku.

Okuvaayo 12:14

“Olunaku olwo, mwidha kulwidhukiranga era mulukuzenga nga mukola ekibinuko ekyoleka okusiima kwaimwe eri nze Musengwa Katonda. Ense n'ense edhiriiragho dhiri n'okulukuzanga, era kino kiragiro ekiri n'okugonderwa ebyanda n'ebyanda.”

Okuvaayo 12:41

Era olunaku emyaka ebikumi ebina n'asatu (430) lwe gyawaayo giti, olukunkumuli olw'abantu ba Musengwa Katonda lwe baava mu Misiri.

Okuvaayo 13:14

Era mu biseera eby'omu maiso eyo, abaana baimwe bwe balibabuuzanga bati, ‘Kino kitegeeza ki?’ Mubainhonholanga muti, ‘Musengwa Katonda yatutoola mu Misiri mu bwiru ng'akozesa amaani ge agataloodheka,

Okuvaayo 13:16

Ako n'akaidha okubanga akamanhiso akanaabanga ku mikono oba mu bweni okutwidhukiza nga Musengwa Katonda bweyatutoola mu Misiri ng'akozesa amaani ge agataloodheka.”

Okuvaayo 13:3

Musa yaakoba abantu ati: “Mwidhukirenga olunaku luno lwe mwaviiraku mu Misiri, ye mwabanga nga muli bairu. Luno n'olunaku Musengwa Katonda lwe yabatoolera mu nsi eyo, ng'akozesa amaani ge agataloodheka. Mutaluliirangaku migaati gizimbulukusiibwa.

Okuvaayo 3:20

Kale nja kukozesa amaani gange mbonereze Misiri nga ngisindikira ebintu ebitiisa era ebyewuunhisa. Oluvainhuma lw'ebyo kyabazinga alibaleka mwavaayo.

Okuvaayo 7:4

Ndidhi nti taja kuwulira agho ni, ndita ku Misiri omukono gwange ogw'amaani era naatoolayo abantu bange Abaisiraeli mu bikunsu, nga mmaze okubonereza Misiri n'ebintu ebitiisa.

Ensambo 1:9

kuba biwoomya empisa dho, ng'oti n'ekitambaala ekidholige eky'oku mutwe n'ebinhere eby'omu nkoto, bwe biwoomya abivaire.

Ensambo 3:21

Mwana wange weegemenga ku magezi amatuufu ni kukukola ekigwaine, era otaganhanga bintu ebyo kukuvaaku.

Ensambo 7:23

akalaso mwe kagifumitira mu byenda. Omwisuka yali ng'oti n'enhonhi bw'eziinhuuka, ng'eri kuja okugwa ku mutego. Yali taidhi ng'ali kweita mwene.

Olwembo 8:6

Gonzanga mulala nze zenka, onsibe ku omwoyo gwo ng'akamanhiso. Olobenga kugemerera wundi mu makono go okutoolaku nze zenka. Kuba okugonza kuli n'amaani agaagayaga n'ag'olumbe; eighali liri n'obukambwe obwagayaga n'obw'okufa. Okugonza kutumbuka ng'oti muliro gwene, kwayokya ng'oti n'omuliro oguli kubbeibbera ogw'amaani.

Isaia 27:1

Ku lunaku olwo, Musengwa Katonda alikozesa empiima ye enkalangufu enkologho era endhogi einho, yaabonereza ogusota ogwetebwa Leviathani, ogwezingulula ni gulumuka. Aliita ogusolo ogwo oguba mu nhandha.

Isaia 40:10

Bwenebwene Musengwa Katonda wuuyo aidha ng'afuga n'amaani n'obuyinza. Wuuyo aidha n'ebirabo eby'okugabira abantu be, n'ebibonerezo eby'okwesasuuliza ku bazigu be.

Isaia 44:5

Ghalibaagho omuntu alikoba ati, ‘Nze ndi wa Musengwa Katonda.’ Ate ole alyetuuma eriina lya Yakobo, n'owundi yaaghandiika ku mukono gwe ati, ‘Nze ndi wa Musengwa Katonda,’ era yeebalira mu Baisiraeli.”

Isaia 49:16

Bona eno iwe ekibuga Yerusalemu, nkoze ekifaananie kyo mu ngalo dhange, era ebisenge byo mbibona n'amaiso gange buli kaseera.

Isaia 51:9

Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.

Isaia 59:21

Nkoze n'imwe endagaano, era mbaghaire obuyinza bwange n'endhegeresa yange, bibenga byaimwe buliidho. Era okuva ni mpegaano mwidha kungonderanga era mwegeresenga abaana baimwe okumpuliranga ebyanda n'ebyanda.”

Yeremia 22:24

Musengwa Katonda akoba ati: “Nga bwendi omulamu, iwe kyabazinga Konia mutabane wa Yehoiakimu kyabazinga wa Buyudaaya, ni bwe wandibaire ng'oli mpeta eba ku lwala lwange ku mukono omusaadha, eriku akamanhiso ak'obwakyabazinga, era nandikutoireku.

Danieli 9:15

“Wo Musengwa Katonda waife, iwe watoola abantu bo mu nsi Misiri n'amaani go agataloodheka, era ni ye buli eno amaani go ago abantu bakaagaidhukira. Aye ife twayonoona y'oli twakola ebibi.

Yoeli 2:11

Musengwa Katonda atyabuka ng'oti lukuba, yaagha eigye lye ebiragiro. Ebikunsu by'abaisirukale be ebingi era eby'amaani, bigondera ebiragiro bye. Bwenebwene olunaku lwa Musengwa Katonda nga lutiisa! Naani aliruwona?

Okubala 15:39

Amadhwenge ago buli lwe munaagalingangaku gaidha kubanga akamanhiso akanaabaidhusanga amateeka gange nze Musengwa Katonda n'okugagonderanga, mulobenga kunvaaku ni mujiira ku ebyo emyoyo gyaimwe n'amaiso gaimwe bye bibaleetera okwegomba.

Matayo 23:5

Era mu byonabyona bye bakola benda abantu bababone, kuba bagaziya fulakiteria dhaibwe, baaleeya amadhwenge ag'ebivaalo byaibwe.

Ab'e Roma 10:8

Aye ebyaghandiikibwa bikoba biti: “Ekibono kya Katonda kiri kumpi n'iwe, mu kanwa mwo ni mu mwoyo gwo.” Kino n'ekibono eky'okwikiriza kye tubakobera.

Amateeka Agokubiri 30:14

Aye biri kumpi inho n'imwe. Bibali ku munwa, ni ku myoyo, olwo mughange okubituukirizanga.

Amateeka Agokubiri 5:15

Mwidhukirenga nga mwali bairu mu Misiri, nze Musengwa Katonda waimwe naabatoolayo, nga nkozesa amaani n'obuyinza bwange. Kyenva ni, mbalagira okukuumanga olunaku lwa Sabbato.

Amateeka Agokubiri 6:21

Olwo munaabairangamu muti, ‘Twali bairu ba kyabazinga w'e Misiri, aye Musengwa Katonda yaatutoolayo ng'akozesa amaani ge agataloodheka.

Amateeka Agokubiri 6:6

Muteerabirangaku waire ekirala ku biragiro bino bye ndi kubagha olwaleero.

Amateeka Agokubiri 6:8

Mubyesibenga ku mikono gyaimwe, era mubyetimbenga mu byeni byaimwe ng'akamanhiso.

Okwolekebwa 18:8

Ebibamba bye kye biriva bimwidhira ku lunaku olulala, endwaire ya kawumpuli, obughafu, n'endhala. Era alyokebwa omuliro, kuba Musengwa Katonda ali kumusalira omusango okumusinga wa maani.”

Abalamuzi 2:12

Baava ku Musengwa Katonda, Katonda wa badhaadha baibwe eyabatoola mu nsi Misiri, baasinza emisambwa egy'abantu abaali nga babeezungulwire. Baakubira emisambwa egyo amakiryaivu, era mu nsambo eyo baaleetera Musengwa Katonda okusungughala.