Okuvaayo 13:5 - Baibuli Ekibono kya Katonda 2014

⁵ Era Musengwa Katonda bw'alibatuusa mu nsi ey'Abakanaani, n'Abahitti, n'Abamori, n'Abahivi, n'Abayebusi, ensi ye yalayirira badhaadha baimwe ng'aja kugigha imwe, mukuzanga olunaku luno mu mwezi guno. Ensi eyo ngimu era erimu ebirungi kamaala.

Okuvaayo 13:5 ပူးပေါင်းရင်းမြစ်များ

Amainhama 26:3

Senga mu nsi eno, ndidha kubanga n'iwe era nkughenga enkabi. Ndidha kukugha iwe ni baidhukulu bo, ebiketezo eby'ensi bino byonabyona, era ntuukirize ekirayiro kye nalayirira lata wo Aburahamu.

Amainhama 50:24

Agho Yosefu yaakoba baganda be ati: “Ndi kumpi okufa, aye Katonda taliroba kubalabirira n'okubatoola mu nsi eno, okubatwala mu nsi gye yalayirira Aburahamu, ni Isaaka, ni Yakobo.”

1 Ebyomubyanda 1:15

n'Abahivi, n'Abaraki, n'Abasini,

Okuvaayo 12:24

Mwidha kukolanga omukolo ogwo ng'ekiragiro ekiri n'okugonderwanga imwe, n'abaana, n'abaidhukulu, ebyanda n'ebyanda.

Okuvaayo 13:10

Kale mwidha kukuzanga olunaku olwo mu biseera bya lwo buli mwaka.

Okuvaayo 13:11

“Musengwa Katonda bw'alibatuusa mu nsi ey'Abakanaani nga bweyalayirira imwe ni badhaadha baimwe, n'agibagha,

Okuvaayo 3:17

Era nsazeegho nti nja kubatoola mu kudaazibwadaazibwa kwe mulimu mu Misiri mbatwale mu nsi ey'Abakanaani, n'Abahitti, n'Abamori, n'Abaperizzi, n'Abahivi n'Abayebusi ensi engimu era erimu ebirungi kamaala.’

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Okuvaayo 32:13

Idhukira abagheereza bo, Aburahamu, ni Isaaka, ni Yakobo, be weelayirira iwe mwene. Wabakoba oti oidha kubazaalagania babe n'abaidhukulu kamaala ng'oti ni muunienie edhiri ku igulu. Era waabasuubiza oti ensi ye wabagha eja kuba yaibwe n'abaana baibwe n'abaidhukulu, ebyanda n'ebyanda.”

Okuvaayo 33:1

Agho Musengwa Katonda yaakoba Musa ati: “Muve ghano, iwe n'abantu be watoola mu Misiri, muje mu nsi ye nalayira okugha Aburahamu, ni Isaaka, ni Yakobo, n'abaana baibwe, n'abaidhukulu.

Okuvaayo 34:11

Mugondere kye ndi kubalagira olwaleero, ndidha kubinga ye muja, Abamori, Abakanaani, Abahitti, Abaperizzi, Abahivi n'Abayebusi.

Okuvaayo 6:4

Era nakola nabo endagaano okubagha ekiketezo eky'e Kanaani, ekiketezo mwe baabanga ng'abasenze.

Okuvaayo 6:8

Era ndidha kubatwala mu nsi ye nalayira okugha Aburahamu, Isaaka ni Yakobo. Ensi eyo nja kugibagha imwe, ebe yaimwe ku bwaimwe. Ninze Musengwa Katonda.’ ”

Yeremia 11:5

Memale ntuukirizenga ekisuubizo kye nasuubiza badhaadha baibwe, nti ndibagha ensi engimu erimu ebirungi kamaala, era mwe bali buti.” Nze nairamu nti: “Wo Musengwa Katonda, ndidha kubakobera nga bw'okobye.”

Yeremia 32:22

Waabagha ensi eno engimu era erimu ebirungi kamaala, nga bwe wasuubiza badhaadha baibwe.

Ezekieli 20:6

Era ku olwo nabasuubiza okubatoola mu nsi Misiri, mbatwale mu nsi ye nabategekera engimu era erimu ebirungi kamaala, esinga edhindi dhoonadhoona ekitiibwa.

Abalevi 20:24

Aye imwe nabasuubiza okubagha ensi eno engimu era erimu ebirungi kamaala, era ndigibagha yaaba yaimwe. Ninze Musengwa Katonda waimwe, eyabaawula ku maghanga agandi.

Okubala 11:12

Ti ninze eyatoola enda ni nzaala abantu abo, memale onkobe okubabbeedera mu kifuba ng'omulezi bw'abbeeda omwana ayonka. Era oti mbatwale mbatuuse mu nsi ye walayirira okugha badhaadha baibwe.

Okubala 13:27

Baakobera Musa bati: “Twatuuka mu nsi ye watutuma okukeeta, twabona nga ngimu era ng'erimu ebirungi kamaala, era bino n'ebibala byamu.

Okubala 14:16

‘Musengwa Katonda yalemwa okutuusa abantu bano mu nsi ye yabalayirira okubagha, kyeyava n'abaitira mu irungu.’

Okubala 14:30

ghazira waire mulala ati alituuka mu nsi ye nabalayirira okubagha, okutoolaku Kalebu mutabane wa Yefune, ni Yoshua mutabane wa Nuni.

Okubala 32:11

‘Bwenebwene ghazira waire omuntu omulala ati ku bantu abaava e Misiri, abagheziiza emyaka amakumi abiri n'okusingagho, alibona ku nsi ye nalayira okugha Aburahamu, Isaaka ni Yakobo kuba abantu abo tibaaneesiga na mwoyo mulala.

Amateeka Agokubiri 12:29

Musa yaakoba Abaisiraeli ati: “Musengwa Katonda waimwe aidha kuzikirizanga abantu abali mu maghanga ge muli kumpi okwingiramu okutwala. Era mwidhanga kugatwala mubenga omwo.

Amateeka Agokubiri 19:1

Musa yaakoba Abaisiraeli ati: “Musengwa Katonda waimwe aidha kuzikiriza abamaghanga agandi, abali buti mu nsi imwe y'ali kubagha. Olwo imwe mutwale ebibuga byaibwe n'endhu dhaibwe.

Amateeka Agokubiri 26:1

Musa yaakoba Abaisiraeli ati: “Bwe mulimala okutwala ensi Musengwa Katonda waimwe y'ali kubagha okuba obutaka bwaimwe, ni mugityamamu ni mutereera,

Amateeka Agokubiri 7:1

Musa yaakoba Abaisiraeli ati: “Musengwa Katonda waimwe aidha kubaingiza mu nsi ye muja okutwala okuba obutaka bwaimwe. Amaghanga musanvu agasinga eryaimwe obukologho n'amaani, buti n'agaba mu nsi eyo, era ni gano: Abahitti, Abagirigashi, Abamori, Abakanaani, Abaperizzi, Abahivi, n'Abayebusi. Aye bwe munaabanga nga muli kumpi okutuukayo, Musengwa Katonda waimwe oyo aidha kugabingangamu goonagoona.

Yoshua 24:11

Mwasomoka Yorudani mwatuuka e Yeriko, abasaadha ab'e Yeriko baabalwanisa nga kw'otaire n'Abamori, n'Abaperizzi, n'Abakanaani, n'Abahitti, n'Abagirigashi, n'Abahivi era n'Abayebusi. Aye naagha imwe obughanguzi mwababinga.