Okuvaayo 13:3 - Baibuli Ekibono kya Katonda 2014

³ Musa yaakoba abantu ati: “Mwidhukirenga olunaku luno lwe mwaviiraku mu Misiri, ye mwabanga nga muli bairu. Luno n'olunaku Musengwa Katonda lwe yabatoolera mu nsi eyo, ng'akozesa amaani ge agataloodheka. Mutaluliirangaku migaati gizimbulukusiibwa.

Okuvaayo 13:3 ပူးပေါင်းရင်းမြစ်များ

Amainhama 15:16

Mu nsi eyo balibaayo ghaabitagho ense ina memale baira ghano, kuba tija kubingagho Bamori okutuusa nga beeyongeire okuba ababi einho okugwanira okubonerezebwa.”

1 Bakyabazinga 8:42

kuba abantu baliwulira nga bw'oli omukologho era nga bw'okola eby'amaani ebitaloodheka, memale n'aidha okukusinza ng'alingiriire eisinzizo lino,

1 Ebyomubyanda 16:12

Muteerabiranga ebyewuunhio n'eby'amaani bye yakola, era n'ensala ye yasalamu emisango,

Nehemia 1:10

“Wo Musengwa Katonda, abo n'abantu bo abakugheereza be wanunula n'obuyinza bwo obungi era n'amaani go agataloodheka.

Nehemia 9:10

Wakola ebyewuunhio n'ebyewuninkiriza eri kyabazinga w'e Misiri, n'eri abakungu be boonaboona, n'abantu b'omu nsi ye, kuba wamanha nga bwe baatuntuza badhaadha baife. Agho weekolera eriina erikaaligho ni ye buli eno.

Zabbuli 105:5

Muteerabiranga ebyewuunhio, n'eby'amaani bye yakola era n'ensala ye yasalamu emisango,

Zabbuli 114:1

Abaisiraeli lwe baava mu Misiri, baidhukulu ba Yakobo abo ni bava mu nsi etaali yaibwe,

Zabbuli 136:11

Oyo n'eyatoola Abaisiraeli mu Bamisiri abo; okugonza kwe tikukoma, kubaagho byanda na byanda.

Zabbuli 136:12

Oyo n'eyagolola omukono gwe ogw'amaani, n'abatoolayo n'engalo dhe; okugonza kwe tikukoma, kubaagho byanda na byanda.

Zabbuli 89:14

Obwakyabazinga bwo bujiira ku kukola ebituufu n'okukola amazima; okugonza kwo okutakoma n'obwesigwa bwo byeyolekera mu buli ky'okola.

Okuvaayo 12:15

“Mwidha kumalanga enaku musanvu nga mulya migaati egitazimbulukusiibwa gyonka. Ku lunaku olusooka mu edho omusanvu, muli n'okutoola mu ndhu dhaimwe kiisi kizimbulukusa kyonakyona. Omuntu yeenayeena anaalyanga omugaati oguzimbulukusiibwa mu nnaku edho omusanvu, anaabanga nga takaabalirwa mu Baisiraeli.

Okuvaayo 12:17

Mwidha kukuzanga Ekibinuko eky'Emigaati Egitazimbulukusiibwa, kuba ku lunaku lwene olwo ni kwe natooleraku olukunkumuli lwaimwe Abaisiraeli mu Misiri. Kale muli n'okulukuzanga imwe n'ense dhoonadhoona edhiriiragho. Kino kiragiro ekiri n'okugonderwa ebyanda n'ebyanda.

Okuvaayo 12:19

Mwidha kumalanga enaku musanvu nga timuba na kizimbulukusa mu ndhu dhaimwe. Era omuntu yeenayeena anaalyanga omugaati oguzimbulukusiibwa mu nnaku edho, anaabanga nga takaabalibwa nga Muisiraeli, k'abe musenze oba Muisiraeli.

Okuvaayo 12:2

“Mwidha kutwalanga omwezi guno nga n'ogwinhama omwaka.

Okuvaayo 12:41

Era olunaku emyaka ebikumi ebina n'asatu (430) lwe gyawaayo giti, olukunkumuli olw'abantu ba Musengwa Katonda lwe baava mu Misiri.

Okuvaayo 12:42

Obwire obwo, Musengwa Katonda bweyakuumiramu abantu be abo ng'ali kubatoola mu Misiri. Kale, Abaisiraeli boonaboona ense n'ense bakuuma obwire bwene obwo nga bwa kwebalizaaku Musengwa Katonda.

Okuvaayo 12:8

Obwire obwo emamba eri n'okwokebwa ku muliro, eriibwe n'emigaati egitazimbulukusiibwa era n'eiva erikaagha.

Okuvaayo 13:14

Era mu biseera eby'omu maiso eyo, abaana baimwe bwe balibabuuzanga bati, ‘Kino kitegeeza ki?’ Mubainhonholanga muti, ‘Musengwa Katonda yatutoola mu Misiri mu bwiru ng'akozesa amaani ge agataloodheka,

Okuvaayo 13:9

Era lwidha kubabeereranga kamanhiso ng'oti n'omuntu k'ata ku mukono, era lubabeerenga ekiidhukizo ng'oti n'omuntu ky'asiba mu bweni, olwo amateeka ga Musengwa Katonda galobenga kubava ku minwa; kuba Musengwa Katonda yabatoola mu Misiri ng'akozesa amaani ge agataloodheka.

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Okuvaayo 20:8

“Muteerabiranga kukuza lunaku lwa Sabbato nga lutukuvu.

Okuvaayo 23:15

Ekibinuko ekisooka n'eky'omu mwezi gwa Abibu, omwezi gwe mwaviiramu mu Misiri. Nga bwe nabalagira, bwe mukolanga ekibinuko kino mulyanga migaati gitazimbulukusiibwa gyonka okumala entangama ya nnaku musanvu. Era ghatabangagho aidhanga kunsinza ng'azira kigheebwayo.

Okuvaayo 3:20

Kale nja kukozesa amaani gange mbonereze Misiri nga ngisindikira ebintu ebitiisa era ebyewuunhisa. Oluvainhuma lw'ebyo kyabazinga alibaleka mwavaayo.

Okuvaayo 34:18

“Mwidha kukolanga Ekibinuko eky'Emigaati Egitazimbulukusiibwa. Mwidha kulyanga emigaati egyo okumala enaku musanvu, nga bwe nabalagira, mu biseera ebyateebwagho, mu mwezi gwa Abibu. Kuba mu mwezi gwa Abibu ogwo, ni gwe mwaviiramu mu Misiri.

Okuvaayo 6:1

Aye Musengwa Katonda yaakoba Musa ati: “Buti oja kubona kye nja okukola kyabazinga oyo, kuba aja kukakibwa bukakibwe na maani abakobe baje bwenebwene olw'okukakibwa okwo aja na kubabinga bubinge bave mu nsi ye.”

Okuvaayo 6:6

Agho ni, kobera Abaisiraeli oti, ‘Ninze Musengwa Katonda, era ndidha kubatwikula emirimo emikalangufu Abamisiri gye babakaka okukola. Nja kugolola omukono gwange ogw'amaani, mbonereze Abamisiri n'ebibonerezo ebikakali, mbanunule imwe era mbawonie okuba abairu baibwe.

Okuvaayo 6:7

Ndidha kubafuula bantu bange, era nze mbenga Katonda waimwe. Olwo mulimanha nga ninze Musengwa Katonda waimwe, nga mbatwikwire emirimo emikalangufu Abamisiri gye babakaka okukola.

Okuvaayo 7:4

Ndidhi nti taja kuwulira agho ni, ndita ku Misiri omukono gwange ogw'amaani era naatoolayo abantu bange Abaisiraeli mu bikunsu, nga mmaze okubonereza Misiri n'ebintu ebitiisa.

Yeremia 34:13

“Nze Musengwa Katonda nakola endagaano ni badhaadha baimwe, bwe nabatoola mu nsi Misiri ye mwabanga nga muli bairu. Naabakoba nti,

Danieli 9:15

“Wo Musengwa Katonda waife, iwe watoola abantu bo mu nsi Misiri n'amaani go agataloodheka, era ni ye buli eno amaani go ago abantu bakaagaidhukira. Aye ife twayonoona y'oli twakola ebibi.

Matayo 10:12

Ate nga mungira mu ndhu eyo, mukobanga muti, ‘Emiraala gibe n'imwe.’

Luka 22:19

Olwo yaatoola omugaati yeeyanza Katonda, yaagumegulamegulamu, yaabagha ng'akoba ati: “Guno n'omubiri gwange, [ogugheebwayo ku lwaimwe. Kino mukikolanga okundidhukira.”

1 Ab'e Korintho 11:24

era bwe yamala okusiima Katonda, yaagumegulamu era yaakoba ati: “Guno n'omubiri gwange oguligho ku lwaimwe. Mukolenga kino olw'okundidhukiranga.”

1 Ab'e Korintho 5:8

Kale ka tufumbe embaga, ti na mugaati ogulimu ekizimbulukusa ekikaire eky'eitima n'obubi, aye n'omugaati oguziramu kizimbulukusa, omugaati gwenegwene ogw'amazima.

Ab'Efeso 1:19

Era mumanhe amaani ge agataloodheka agakolera mu ife abaikiriza. Amaani ago

Amateeka Agokubiri 13:10

Oidha kumukubanga amabaale afe, kuba yagezaaku okukusendasenda ove ku Musengwa Katonda wo, eyakutoola mu Misiri, ye mwakolanga obwiru.

Amateeka Agokubiri 13:11

Agho Abaisiraeli boonaboona bwe banaawuliranga ekibairegho, baidha kutyanga. Olwo ghalobe kubaagho muntu wundi mu imwe airayo kukola kibi kyaga agho.

Amateeka Agokubiri 13:5

Aye omulanzi oyo oba omuvuunuzi w'ebirooto oyo, aitibwenga, kuba abakoba kudheemera Musengwa Katonda waimwe, eyabatoola mu Misiri, ye mwakolanga obwiru. Omuntu ng'oti n'oyo aba ali kubadaaliimya okubatoola ku mpisa, Musengwa Katonda waimwe dhe yabalagira okugemanga, ky'anaavanga n'aitibwa, ni mwetoolaku ekibi ekyo.

Amateeka Agokubiri 13:6

“Ni bw'aba muganda wo mwene, oba mutabane wo, oba mughala wo, oba mukazi wo y'oyenda einho, oba mukagwa wo einho, yeena asobola okukusendasenda mu kyama ng'akukoba muje naye musinze bakatonda iwe ni badhaadha bo be mutasinzangaku.

Amateeka Agokubiri 15:15

Mwidhukire nga mwali bairu mu Misiri, Musengwa Katonda waimwe yaabanunula. Kyenva ndi kubagha ekiragiro ekyo mpegaano.

Amateeka Agokubiri 16:1

Musa yaakoba Abaisiraeli ati: “Mukuzenga omwezi gw'Abibu, nga mukola Ekibinuko eky'Okwidhukiriraku Okubitizibwa. Kuba mu mwezi ogwo, Musengwa Katonda waimwe gwe yabatooleramu e Misiri obwire.

Amateeka Agokubiri 16:12

Mufengayo inho okutuukiriza amateeka gano, nga timwerabiire bwe mwali abairu mu Misiri.”

Amateeka Agokubiri 16:3

Ensolo eyo mutagiriirangaku migaati gizimbulukusiibwa. Mwidha kumalanga enaku musanvu nga muli kulya emigaati egitazimbulukusiibwa, nga bwe mwakola nga muva mu bwiru e Misiri, ye mwava embirombiro. Egyo n'emigaati egy'okunakughala. Mwidhanga kugirya, mughange okwidhukiranga mu bulamu bwaimwe bwonabwona olunaku lwe mwaviiraku e Misiri.

Amateeka Agokubiri 24:18

Mwidhukire nga mwali bairu mu Misiri, Musengwa Katonda waimwe yaabanunula. Kyenva ndi kubagha ekiragiro kino.

Amateeka Agokubiri 24:22

Mwidhukire nga mwali bairu mu Misiri, Musengwa Katonda waimwe yaabanunula. Kyenva ndi kubagha ekiragiro kino.”

Amateeka Agokubiri 26:8

Yaatutoola mu Misiri ng'akozesa amaani ge agataloodheka. Yaakola ebyewuunhio n'ebyewuninkiriza, era yaaleetera ebintu ebitiisa einho okubaagho.

Amateeka Agokubiri 4:34

Oba ghalighooku katonda eyaali ageziizaaku okuja okutwala abantu ab'eighanga erindi, abafuule ababe ng'abatoola ghagati mu ighanga erindi, nga Musengwa Katonda waimwe bweyabakolera imwe mu Misiri? Yakozesa amaani ge agataloodheka, yaasindika ebibamba n'olutalo, yaakola ebyewuunhio n'ebyewuninkiriza, era yaaleetera ebintu ebitiisa einho okubaagho, nga mubona.

Amateeka Agokubiri 5:15

Mwidhukirenga nga mwali bairu mu Misiri, nze Musengwa Katonda waimwe naabatoolayo, nga nkozesa amaani n'obuyinza bwange. Kyenva ni, mbalagira okukuumanga olunaku lwa Sabbato.

Amateeka Agokubiri 5:6

‘Ninze Musengwa Katonda, oyo Katonda waimwe eyabatoola mu Misiri, ye mwali nga mukola obwiru.

Amateeka Agokubiri 6:12

mwegenderezenga mulobe kwerabiranga Musengwa Katonda eyabatoola e Misiri, ye mwali nga mukola obwiru.

Amateeka Agokubiri 6:21

Olwo munaabairangamu muti, ‘Twali bairu ba kyabazinga w'e Misiri, aye Musengwa Katonda yaatutoolayo ng'akozesa amaani ge agataloodheka.

Amateeka Agokubiri 7:8

Aye olw'okuba Musengwa Katonda yabagonza, era yaayenda okukuuma ekisuubizo, kye yasuubiza badhaadha baimwe, kyeyava n'akozesa amaani ge agataloodheka okubanunula. Yaabatoola mu ngalo dha kyabazinga ow'e Misiri, ye mwakolanga obwiru.

Amateeka Agokubiri 8:14

Aye ebyo byonabyona nga bimaze okubaagho, mutagezangaku naire kwekuluntaza, ni mwerabira Musengwa Katonda waimwe eyabatoola e Misiri ye mwakolanga obwiru.

Amateeka Agokubiri 9:12

“Agho Musengwa Katonda yankoba ati, ‘Situka oserengete mangu, kuba abantu be watoola e Misiri boonooneike baakola ekibi. Bakyuse amangu ago, baava ku bye nabalagira okujiirangaku, beekolera ekifaananie mu kyuma ekisaanuusiibwa.’

Yoshua 24:17

Musengwa Katonda waife n'eyatoola badhaadha baife, n'ife beene, mu Misiri ye twalinga mu bwiru, era n'eyakola ebyewuunhisa ebikologho nga tubona. Yatukuumanga bukalamu eyo yoonayoona ye twabitanga, era yaatubisanga bukalamu mu maghanga goonagoona ge twabitamu.

Abalamuzi 2:12

Baava ku Musengwa Katonda, Katonda wa badhaadha baibwe eyabatoola mu nsi Misiri, baasinza emisambwa egy'abantu abaali nga babeezungulwire. Baakubira emisambwa egyo amakiryaivu, era mu nsambo eyo baaleetera Musengwa Katonda okusungughala.

Abalamuzi 6:8

Era Musengwa Katonda yaatuma omulanzi ye bali, yaabakoba ati: “Musengwa Katonda, Katonda wa Isiraeli akoba ati, ‘Nabatoola mu Misiri ye mwali mufugirwa obwiru,