Okuvaayo 13:21 - Baibuli Ekibono kya Katonda 2014

²¹ Musengwa Katonda yaabayambanga basobole okutambula omusana n'obwire: omusana yabakulemberangamu ng'ali mu kire ekiri ng'oti mpango okubooleka engira ye babe babitemu, ate obwire yaabanga mu muliro oguli ng'oti mpango okubamuliikirira.

Okuvaayo 13:21 ပူးပေါင်းရင်းမြစ်များ

Nehemia 9:12

Omusana wabakulemberangamu ng'oli mu kire ekiri ng'oti mpango ate obwire waabanga mu muliro oguli ng'oti mpango, okubamuliikirira engira ye babe babitemu.

Nehemia 9:19

Aye iwe olw'okusaasira kwo okungi tiwabalekulira agho nga bali mu irungu. Tiwabatoolaku kire ekiri ng'oti mpango, ekyabakulemberangamu omusana, waire okubatoolaku omuliro oguli ng'oti mpango, ogwabamuliikiriranga obwire engira ye babe babitemu.

Zabbuli 105:39

Katonda yaayandhuluza ekire kyabwika abantu be, ate obwire yaataagho omuliro gwabamuliikirira.

Zabbuli 68:7

Wo Katonda, iwe wakulemberamu abantu bo waatambula ng'osala eirungu,

Zabbuli 77:20

Wabisa abantu bo ku maadhi ng'omwayi bw'atambuza ebyayo bye, ng'okozesa Musa ni Aaroni.

Zabbuli 78:14

Omusana yaboolekanga engira ng'akozesa ekire ekyabakulemberangamu ate obwire yaagibooleka n'ekintu ekyaka ng'oti muliro.

Zabbuli 99:7

Yayogeranga nabo ng'ali mu kire ekyesimbanga oti mpango, baagemanga kiisi kye yabakobanga; baagonderanga amateeka, ge yabaghanga.

Okuvaayo 10:10

Agho kyabazinga yaabakoba ati: “Musengwa Katonda anaaba ng'ali n'imwe bwembalekanga bwenebwene ni muja, imwe abakulu n'abato! Kuba muteekwa okuba nga muli n'ekigendererwa ekibi mu myoyo gyaimwe.

Okuvaayo 16:10

Aaroni bweyali ali kwogera eri Abaisiraeli, baaja okulinga bati mu irungu, nga babona ekitiisa kya Musengwa Katonda nga kibonekera mu kire.

Okuvaayo 32:1

Abantu bwe baabona nga Musa alwire okuniinuka okuva ku lusozi, beesoloza baidha ye Aaroni, baamukoba bati: “Situkiramu otukolere bakatonda abanaatukulemberamu. Ono omusaadha Musa eyatutoola mu Misiri titwidhi kyamutuukaku.”

Olwembo 3:6

Naani oyo ali kwidha ng'ava mu irungu, ng'ali ng'oti n'ekire eky'omwosi ekiri ng'oti mpango, nga bamusiize obuwoowo bwa mirra, baamuniokeza n'obubbaani, n'obuwoowo obwa buli nsambo abasuubuzi bwe batunda?

Okubala 10:34

Buli lwe baatooleranga okutambula nga bava mu kifo ghe baabanga basimbye weema dhaibwe, ng'ekire kya Musengwa Katonda kiba ghaigulu ghaibwe omusana.

Okubala 14:14

baja kukobera abantu ababa mu nsi eno, kuba baawulira nga iwe oba mu bantu bano era ng'obonebwa maiso ku maiso. Era baawulira ng'ekire kyo kyemerera ghaigulu gh'abantu bano, ng'oli kubakulemberamu ng'oli mu kire ekiri ng'oti mpango omusana, era waaba mu muliro oguli ng'oti mpango obwire.

Amateeka Agokubiri 1:33

eyabakulemberangamu okubaagalira ekifo eky'okusimbamu weema dhaimwe. Obwire ng'aba mu muliro oguli ng'oti mpango, ate omusana yaaba mu kire ekiri ng'oti mpango, okubooleka engira ye munaabitamu.”

Amateeka Agokubiri 31:8

Era Musengwa Katonda mwene n'aidha okukukulemberamu era abenga n'iwe. Talikuvaaku waire okukulekulira agho. Otatya era otawaamu maani.”