Okuvaayo 13:15 - Baibuli Ekibono kya Katonda 2014

¹⁵ kuba kyabazinga ow'e Misiri bweyakalanguka omwoyo n'aloba okutuleka tuve mu Misiri, Musengwa Katonda yaita abaana abalenzi ababeri boonaboona ab'Abamisiri era yaita n'ensolo dhaibwe enume dhoonadhoona edhaazaalibwa mu luzaalo olusooka. Kale kye tuva ni tughaayo eri Musengwa Katonda omusengo ogw'ensolo enume dhoonadhoona edhizaalibwa mu luzaalo olusooka aye abaana baife ababeri boonaboona tubanunula.’

Okuvaayo 13:15 ပူးပေါင်းရင်းမြစ်များ

Zabbuli 105:36

Yaita abaana ababeri abalenzi mu nsi omwo boonaboona, abasooka mu kiisi ndhu.

Okuvaayo 12:29

Mu bwire ghagati Musengwa Katonda yaita abaana abalenzi ababeri boonaboona ab'Abamisiri, okuviira irala ku muberi wa kyabazinga, ali ku kityamo kye eky'obwakyabazinga, okutuukira irala ku muberi ow'omusibe ali mu ikomera. Era yaita n'ensolo dhoonadhoona enume edhaazaalibwa mu nzaalo edhaasooka.

Okuvaayo 3:19

Nkiidhi bukalamu nti kyabazinga ow'e Misiri taidha kubaleka buleke muveeyo, okutoolaku ng'akakiibwa bukakibwe n'amaani agataloodheka.

Okuvaayo 34:20

Endogoyi enume ezaalibwa mu luzaalo olusooka muginunulanga nga mughaayo entaama ento. Aye bwe mubanga nga timuginunwire, muginiolanga enkoto yaafa. N'omwana omulenzi omuberi munaamununulanga mu nsambo n'endala eyo. “Ghatabangagho aidha kusinza ng'azira kigheebwayo.

Okuvaayo 4:23

era ndi kukukoba nti leka omwana wange oyo aje ampeereze. Aye bw'onaaloba okumuleka ndidha kwita mutabane wo omuberi.’ ”

Okubala 18:15

“Buli kintu kyonakyona ekinaazaalibwanga mu luzaalo olusooka ekigheebwayo eri nze Musengwa Katonda, k'abe omuntu oba k'ebe ensolo, kiidha kubanga kikyo. Aye oidha kuganhanga okutwala ekyo ekinaagheebwangayo okununula omwana omuberi, n'ekyo ekinaagheebwangayo okununula ensolo ezaalibwa mu luzaalo olusooka etali nongoofu.

Okubala 3:46

Aye ng'abaana ababeri ab'Abaisiraeli bwe bali nti basinga abasaadha Abalevi, obungi bwa bantu ebikumi bibiri na nsanvu na basatu, abo ebikumi ebibiri n'ensanvu n'abasatu oidha kubasasulira mpiiya okubanunula.