Okuvaayo 12:7 - Baibuli Ekibono kya Katonda 2014

⁷ Agho batoole ku musaayi gwadho bagusiige ku myango egy'emiryango egy'endhu eriirwamu ensolo edho ku gy'omu mbali gyombi, ni ku gwa ghaigulu.

Okuvaayo 12:7 ပူးပေါင်းရင်းမြစ်များ

1 Bakyabazinga 6:31

Mu mulyango ogwingira mu Kifo Ekitukuvu Einho, yaaghangamu olwigi olw'omuti omwoliva nga lulimu ebitundu bibiri ebiigulwa ku luuyi ni ku luuyi. Emyango gyalwo, egy'omu mbali gyombi, ogwa ghansi n'ogwa ghaigulu ogwalimu ensonda esonse ghaigulu, nga woonawoona gikola ensonda itaanu.

Okuvaayo 12:13

Aye imwe, omusaayi gwe munaasiiga ku myango, n'akanaaba akamanhiso akooleka endhu dhe mulimu. Bwe nnaabonanga omusaayi, ndidha kubabitizanga. Era ezira kibamba kiribagwaku kubazikiriza lwe ndikuba Misiri.

Ezekieli 9:4

Musengwa Katonda yaamukoba ati: “Ja ng'obita mu kibuga Yerusalemu, ote obumanhiso ku byeni by'abo abawulira enaku n'obulumi olw'ebyenhinhalwa byonabyona ebikolerwa mu kibuga ekyo.”

Ab'Efeso 1:7

Olw'okufa kwa Kurisito ng'omusengo, tufuna okununulwa nga tusoniyibwa ebibi byaife olw'ekisa kya Katonda ekyodo,

Amateeka Agokubiri 11:20

Mubighandiikenga ku myango egy'emiryango egy'endhu dhaimwe, ni ku miryango gy'ebibuga byaimwe.

Abaheburayi 10:14

Olw'okughaayo omusengo guno omulala, abo be yatukuza yabafuula abatuukiriire ebyanda n'ebyanda.

Abaheburayi 10:29

Kale mulowooza ekibonerezo tikirisingagho bukambwe eky'omuntu oyo atyankirira Omwana wa Katonda, era atwala omusaayi ogw'endagaano ogwamutukuza n'agubona ng'ogutali mutukuvu, era n'adhooga Mwoyo ow'ekisa?

Abaheburayi 11:28

Okwikiriza n'okwamuleetera okutaagho Ekibinuko ky'Okubitizibwa, yaamansira omusaayi, olwo Namuzisa alobe kwita baana baibwe abalenzi ababeri.

Abaheburayi 9:22

Era mu Mateeka kumpi buli kintu kitukuzibwa na musaayi, era aghazira kuyugha musaayi, tighabaagho kusoniyibwa.

1 Petero 1:2

Katonda Lata yabalonda ng'entegeka ye bwe yali, era Mwoyo we yaabatukuza musobole okugonderanga Yesu Kurisito, era mwamulwe n'omusaayi gwe. Enkabi n'emiraala byeyongerenga mu imwe.