Okuvaayo 12:51 - Baibuli Ekibono kya Katonda 2014

⁵¹ Ku lunaku lwene olwo Musengwa Katonda yaatoola Abaisiraeli boonaboona mu Misiri.

Okuvaayo 12:51 ပူးပေါင်းရင်းမြစ်များ

Amainhama 50:24

Agho Yosefu yaakoba baganda be ati: “Ndi kumpi okufa, aye Katonda taliroba kubalabirira n'okubatoola mu nsi eno, okubatwala mu nsi gye yalayirira Aburahamu, ni Isaaka, ni Yakobo.”

1 Bakyabazinga 6:1

Mu mwaka ogwebikumi ebina n'ekinaana (480) ng'Abaisiraeli bamaze okuva mu nsi Misiri, mu mwaka ogwokuna okuva Solomoni lwe yatoolera okufuga Isiraeli, mu mwezi ogwetebwa Zivu, ogwo nga n'omwezi ogwokubiri mu mwaka, Solomoni oyo yainhama okuzimba eisinzizo lya Musengwa Katonda.

2 Ebyomubyanda 14:12

Agho Musengwa Katonda yaaghangula Abaethiopia mu maiso ga Asa n'ag'Abayudaaya. Abaethiopia baalumuka.

Zabbuli 114:1

Abaisiraeli lwe baava mu Misiri, baidhukulu ba Yakobo abo ni bava mu nsi etaali yaibwe,

Zabbuli 136:11

Oyo n'eyatoola Abaisiraeli mu Bamisiri abo; okugonza kwe tikukoma, kubaagho byanda na byanda.

Okuvaayo 12:41

Era olunaku emyaka ebikumi ebina n'asatu (430) lwe gyawaayo giti, olukunkumuli olw'abantu ba Musengwa Katonda lwe baava mu Misiri.

Okuvaayo 12:50

Abaisiraeli baakola batyo nga Musengwa Katonda bweyalagira Musa ni Aaroni.

Okuvaayo 13:1

Musengwa Katonda yaakoba Musa ati:

Okuvaayo 16:1

Abaisiraeli boonaboona baasimbuka okuva e Elimu, baaja baatuuka mu irungu eryetebwa Sina, eriri ghagati gha Elimu ni Sinai. Abaisiraeli abo baatuuka mu irungu lino ku lunaku olweikumi n'eitaanu olw'omwezi ogwokubiri, okuva ku lunaku lwe baaviiraku e Misiri.

Okuvaayo 19:1

Nga ghaakabita emyezi ebiri kasookanga Baisiraeli bava mu Misiri, ku lunaku olwinhama omwezi ogwokusatu baatuuka mu irungu eryetebwa Sinai,

Okuvaayo 3:8

era n'okwika mbawonie Abamisiri, mbatoole mu nsi eyo, mbatwale mu nsi enene, engimu era erimu ebirungi kamaala ensi omuli buti Abakanaani, Abahitti, Abamori, Abaperizzi, Abahivi, n'Abayebusi.

Okuvaayo 6:26

Aaroni oyo ni Musa, Musengwa Katonda ni be yakoba okutoola Abaisiraeli mu Misiri nga babatoolayo mu bikunsu bikunsu.

Okuvaayo 6:6

Agho ni, kobera Abaisiraeli oti, ‘Ninze Musengwa Katonda, era ndidha kubatwikula emirimo emikalangufu Abamisiri gye babakaka okukola. Nja kugolola omukono gwange ogw'amaani, mbonereze Abamisiri n'ebibonerezo ebikakali, mbanunule imwe era mbawonie okuba abairu baibwe.

Okuvaayo 7:4

Ndidhi nti taja kuwulira agho ni, ndita ku Misiri omukono gwange ogw'amaani era naatoolayo abantu bange Abaisiraeli mu bikunsu, nga mmaze okubonereza Misiri n'ebintu ebitiisa.

Abalevi 23:43

olwo Abaisiraeli ab'omu nse edhiriiragho bamanhe ng'Abaisiraeli abaabasooka nabaleetera okusula mu ntindi, bwe nabatoola e Misiri. Ninze Musengwa Katonda waimwe.”

Amosi 2:10

Era ninze eyabatoola mu nsi Misiri, naababisa mu irungu okumala emyaka amakumi ana (40), naabaleeta mutwale ensi ey'Abamori abo ebe yaimwe.

Mika 6:4

Kuba nabatoola e Misiri, naabanunula okuva mu bwiru era naabagha Musa, ni Aaroni, ni Miriamu, okubakulembera.

Okubala 23:22

Beesiga Katonda oyo eyabatoola mu Misiri, ng'oti n'embogo bweyeesiga amayiga gaayo.

Okubala 26:4

“Mubale abantu abagheza emyaka amakumi abiri n'okusingagho, nga Musengwa Katonda bweyalagira Musa.” Abaisiraeli abaava mu nsi Misiri, ni bano:

Okubala 33:1

Bino n'ebifo Abaisiraeli bye baajanga nga basimbamu weema dhaibwe, bwe baava e Misiri nga bali bikunsu bikunsu, nga Musa ni Aaroni babakulembeire.

Ebikolwa by'Abatume 13:17

Katonda w'abantu bano Abaisiraeli, yalonda badhaadha baife yaabafuula eighanga eikologho, bwe baali mu buwanganguse e Misiri, era yaabatoolayo n'amaani ge agataloodheka.

Amateeka Agokubiri 16:1

Musa yaakoba Abaisiraeli ati: “Mukuzenga omwezi gw'Abibu, nga mukola Ekibinuko eky'Okwidhukiriraku Okubitizibwa. Kuba mu mwezi ogwo, Musengwa Katonda waimwe gwe yabatooleramu e Misiri obwire.

Amateeka Agokubiri 4:37

Olw'okugonza badhaadha baimwe, yalonda imwe baidhukulu baibwe, era yaakozesa obuyinza bwe obungi, mwene yaabatoola mu Misiri.

Yoshua 24:5

Nga ghabiseegho ekiseera naatuma Musa ni Aaroni, okubatoola mu Misiri, era naata ku Misiri obuzibu obutakobeka, naabatoolayo.

Yuda 1:5

Mperaano nhenda okubaidhusa, waire nga mukiidhi bukalamu, nti oyo eyazaawula Abaisiraeli okuva mu Misiri, yamala yaazikiriza abo abataali na kwikiriza.