Okuvaayo 12:4 - Baibuli Ekibono kya Katonda 2014

⁴ Ab'omu maka ge bwe baba nga batono nga tibamalaagho ntaama eyo oba mbuzi eyo, aidha kweyimba ku muliraanwa we, bagabane ensolo ndala nga buli maka gatwala emamba emala abantu abagalimu.

Okuvaayo 12:4 ပူးပေါင်းရင်းမြစ်များ

2 Samueli 19:35

Buti ndi ku myaka kinaana (80) egy'obukulu. Nkaasobola okwawulagho ekisanhusa n'ekitasanhusa? Nze omugheereza wo nkaasobola okuwoomerwa bye ndi kulya oba bye ndi kunhwa? Nkaasobola okuwulirisa amamiro ag'abasaadha n'ag'abakazi abali kwemba? Kale lwaki nze omugheereza wo neeyongera ku mugugu gw'oli nagwo, iwe Isebantu kyabazinga?

Okuvaayo 12:3

Era kobera Abaisiraeli boonaboona nga beesoloiza, oti omwezi guno ng'enaku ikumi, kiisi musaadha wa maka aidha kutoola entaama ento oba embuzi ento olwa ab'omu maka ge.

Okuvaayo 12:5

Entaama oba embuzi ye muba musazeegho okwita, eteekwa kuba nga nume ey'omwaka omulala era ng'eziraku kikyamu kyonakyona.

Matayo 26:19

Abeegeresebwa baakola nga Yesu bwe yabakoba, baategeka Ekibinuko eky'Okwidhukiriraku Okubitizibwa.