Okuvaayo 12:37 - Baibuli Ekibono kya Katonda 2014

³⁷ Abaisiraeli baatoolera olugendo lwaibwe ku bigere, era baatambula okuva e Ramesesi baatuuka e Sukkothi. Baali abasaadha ng'oti mitwalo nkaaga (600,000), nga tobaze bakazi na baana.

Okuvaayo 12:37 ပူးပေါင်းရင်းမြစ်များ

Amainhama 12:2

Ndidha kukugha abaidhukulu kamaala, bafuuke eighanga ery'amaani. Ndidha kukugha enkabi, era ndeetere eriina lyo okumanhikana olwo lighange okugheesanga abandi enkabi.

Amainhama 15:5

Yaamufulumya kuliya, yaakoba ati: “Lingirira ku igulu, obale emuunienie edhiriku, oba nga osobola okudhibala.” Agho yaamukoba ati: “N'abaidhukulu bo batyo bwe baliba obungi.”

Amainhama 46:3

Katonda yaakoba ati: “Ninze Katonda, Katonda oyo owa lata wo. Otatya kuja mu Misiri, kuba baidhukulu bo ndibafuulira eyo eighanga ery'amaani.

Amainhama 47:11

Agho Yosefu yaagha ise ni baganda be eitaka mu nsi y'e Misiri, baasenga aghasinga kuba ghalungi mu kiketezo ky'e Ramesesi, nga kyabazinga bweyalagira.

Okuvaayo 1:11

Kale baabataaku Abamisiri abaabasaliranga amakatala, baabakozesanga emirimo emikalangufu. Batyo Abaisiraeli baazimbira Kyabazinga wa Misiri ebyagi ebikologho eby'okuterekangamu emere mu bibuga Pithomu ni Raamusesi.

Okuvaayo 10:9

Musa yaamwiramu ati: “Twidha kuja abakulu n'abato, era tuje ni batabane baife ni baghala baife. Twidha kutwala entaama, n'embuzi, n'ente dhaife, kuba tuteekwa okukola ekibinuko eky'okwoleka nga tusiima Musengwa Katonda.”

Okuvaayo 13:20

Agho Abaisiraeli baava e Sukkothi baatambula baatuuka mu Ethamu ku mbali okw'eirungu, baasimba agho weema dhaibwe.

Okuvaayo 38:26

Buli muntu eyali agheza emyaka amakumi abiri egy'obukulu oba okusingagho eyabalibwa, yali n'okughaayo omughendo ogumusabibwa ng'ajiira ku mbala entongole ey'eisinzizo. Era abantu abo baali abantu emitwalo nkaaga n'enkumi isatu na bitaanu n'ataanu.

Okubala 1:2

“Mubale Abaisiraeli boonaboona abali mu buli kika ni mu buli nda. Mughandiike amaina ag'abasaadha boonaboona

Okubala 1:46

baali emitwalo nkaaga n'enkumi isatu na bitaanu n'ataanu (603,550).

Okubala 11:21

Musa yaakoba Musengwa Katonda ati: “Oba nga abantu be ndi nabo baghera emitwalo nkaaga (600,000), memale iwe oghanga otya okukoba oti oidha kubagha emamba ebamala okulya omwezi omulamba?

Okubala 2:32

Abo n'Abaisiraeli abaabalibwa nga bajiira ku nda dhaibwe ni ku bikunsu byaibwe. Baali emitwalo nkaaga n'enkumi isatu na bitaanu n'ataanu (603,550).

Okubala 26:51

Agho Abaisiraeli boonaboona abaabalibwa, baaba emitwalo nkaaga na lukumi na lusanvu n'asatu (601,730).

Okubala 33:3

Abaisiraeli baasitula okuva e Ramesesi mu Misiri, ku lunaku olweikumi n'eitaanu olw'omwezi ogusooka mu mwaka ogwo. Olwo n'olunaku olwairirira Ekibinuko eky'Okwidhukiriraku Okubitizibwa. Era Abaisiraeli baajiira mu kitiibwa ng'Abamisiri boonaboona babona.

Okubala 33:5

Kale Abaisiraeli baasitula okuva e Ramesesi, baaja baatuuka e Sukkothi, baasimba agho weema dhaibwe.