Okuvaayo 12:29 - Baibuli Ekibono kya Katonda 2014

²⁹ Mu bwire ghagati Musengwa Katonda yaita abaana abalenzi ababeri boonaboona ab'Abamisiri, okuviira irala ku muberi wa kyabazinga, ali ku kityamo kye eky'obwakyabazinga, okutuukira irala ku muberi ow'omusibe ali mu ikomera. Era yaita n'ensolo dhoonadhoona enume edhaazaalibwa mu nzaalo edhaasooka.

Okuvaayo 12:29 ပူးပေါင်းရင်းမြစ်များ

Amainhama 15:14

Aye ndibonereza eighanga eryo eriribafuula abairu, era baliva mu ighanga eryo nga bafunie n'ebintu kamaala.

Yobu 34:20

Abantu bafa mu kaseera buseera, mu bwire ghagati. Katonda abakuba baabulagho. Ab'amaani batoolebwagho nga ghazira na muntu abagemyeku.

Zabbuli 105:36

Yaita abaana ababeri abalenzi mu nsi omwo boonaboona, abasooka mu kiisi ndhu.

Zabbuli 135:8

Oyo n'eyaita abaana boonaboona ababeri ab'Abamisiri, n'ensolo dhoonadhoona edh'Abamisiri edhaazaalibwa mu luzaalo olusooka.

Zabbuli 136:10

Oyo n'eyaita abaana ababeri ab'Abamisiri; okugonza kwe tikukoma, kubaagho byanda na byanda.

Zabbuli 78:50

Tiyalobera busungu bwe kubaakiraku waire okubasaasira balobe kufa, aye yabasindikira kawumpuli yaabaita.

Zabbuli 78:51

Katonda yaita abaana ab'Abamisiri abalenzi ababeri boonaboona, ab'amaani, abasooka mu kiisi ndhu ya Hamu.

Okuvaayo 11:1

Agho Musengwa Katonda yaakoba Musa ati: “Ekaasigaireyo ekibamba kirala kye nja okusindikira kyabazinga n'Abamisiri boonaboona era ng'ekyo kiwoire aja kubaleka muve muno. Ate mu butuufu aja bwa kubabingira irala okuva mu Misiri.

Okuvaayo 12:12

kuba obwire obwo ndidha kubita mu Misiri nje nga ndhita abaana abalenzi ababeri boonaboona Abamisiri. Era ndhite n'ensolo dhaibwe enume dhoonadhoona edhaazaalibwa mu nzaalo edhisooka. Era ndidha kubonereza emisambwa egy'omu Misiri gyonagyona. Ninze Musengwa Katonda.

Okuvaayo 12:28

Baaja baakola nga Musengwa Katonda bweyalagira Musa ni Aaroni.

Okuvaayo 13:15

kuba kyabazinga ow'e Misiri bweyakalanguka omwoyo n'aloba okutuleka tuve mu Misiri, Musengwa Katonda yaita abaana abalenzi ababeri boonaboona ab'Abamisiri era yaita n'ensolo dhaibwe enume dhoonadhoona edhaazaalibwa mu luzaalo olusooka. Kale kye tuva ni tughaayo eri Musengwa Katonda omusengo ogw'ensolo enume dhoonadhoona edhizaalibwa mu luzaalo olusooka aye abaana baife ababeri boonaboona tubanunula.’

Okuvaayo 4:23

era ndi kukukoba nti leka omwana wange oyo aje ampeereze. Aye bw'onaaloba okumuleka ndidha kwita mutabane wo omuberi.’ ”

Okuvaayo 9:6

Olunaku olwairirira Musengwa Katonda yaakola nga bweyakoba. Ensolo dhoonadhoona edh'Abamisiri dhaafa, aye ku dh'Abaisiraeli kwaloba kufaaku naire ndala eti.

Isaia 24:22

Musengwa Katonda alibasolokeza ghalala mu lwina ng'oti basibe. Alibasibira mu ikomera, yaamala yaababonereza ng'ekiseera kituuse.

Isaia 41:11

Bona eno, abo boonaboona abakuliku enzigu, ensoni dhiribagema baaswala. Abo abakulwanisa balizikirira baasaanagho.

Isaia 51:14

Abo abali mu bunhage baidha kulekulwa mangu; tibaidha kufa kuja mu magombe, waire okubulwa emere ye balya.

Yeremia 38:13

Bampaluza bantoolayo mu nsulo. Era baamala bankuumira mu luya olw'ekisaagaati kya kyabazinga.

Yeremia 38:6

Kale bangema bantwala, bandhisa n'emigugha mu nsulo eyali mu luya olw'ekisaagaati kya kyabazinga, nga mwene yo n'omulangira Malakia. Ensulo eyo tiyaliimu maadhi, aye yalimu bwa bitosi. Era naadimira mu bitosi omwo.

Habakkuku 3:5

Asindika obulwaire bwamukulembera, yaalagira okufa kwamunonereza.

Zekaria 9:11

Musengwa Katonda akoba ati: “Olw'endagaano ye nakola n'imwe, n'eteebwaku n'akamanhiso ak'omusaayi ogw'ensolo edh'emisengo, ndirekula abantu baimwe baaba ba idembe, naabatoola mu biina ebitaalingamu maadhi, mwe baabasibiranga nga bali mu bunhage.

Okubala 3:13

kuba buli mwana muberi yeenayeena wange. Ku lunaku lwe naitiraku abaana ababeri boonaboona mu Misiri, nayawula kiisi kizaalibwa mu luzaalo olusooka mu Isiraeli kibenga kyange, k'abe omuntu oba ensolo. Ninze Musengwa Katonda.”

Okubala 33:4

Baalekanga ng'Abamisiri bali kuziika abaana baibwe ababeri, Musengwa Katonda be yaita n'ayoleka nga bw'ali n'obuyinza okusinga emisambwa gyaibwe.

Okubala 8:17

Bwe naita abaana ababeri boonaboona ab'Abamisiri, natukuza omwana omulenzi omuberi mu buli maka ag'omu Isiraeli, era na buli nsolo ezaalibwa mu luzaalo olusooka olwa inhaayo.

Abaheburayi 11:28

Okwikiriza n'okwamuleetera okutaagho Ekibinuko ky'Okubitizibwa, yaamansira omusaayi, olwo Namuzisa alobe kwita baana baibwe abalenzi ababeri.

Abaheburayi 12:23

Mwidhie mu lwekobaano olw'abaana ababeri abaaghandiikibwa mu igulu, ni ye Katonda omulamuzi w'abantu boonaboona, era ni y'emyoyo gy'abatuufu abaafuulibwa abatuukiriire.