Okuvaayo 12:28 - Baibuli Ekibono kya Katonda 2014

²⁸ Baaja baakola nga Musengwa Katonda bweyalagira Musa ni Aaroni.

Okuvaayo 12:28 ပူးပေါင်းရင်းမြစ်များ

2 Samueli 5:25

Daudi yaakola nga Musengwa Katonda bwe yamulagira, yaaja ng'aita Abafilisiti okuva e Geba okutuuka e Gezeri.

1 Bakyabazinga 17:5

Kale Eliya yaakola nga Musengwa Katonda bwe yamulagira. Yaaja yaaba okumpi n'akaiga Kerithi, e buvandhuba wa Yorudani.

Okuvaayo 12:27

Mubairangamu muti, ‘Ogwo n'omusengo ogugheebwayo olw'okwebaza Musengwa Katonda olw'Okutubitiza, kuba yabitiza endhu edh'Abaisiraeli nga tuli mu Misiri, lwe yaita abaana abalenzi ababeri ab'Abamisiri n'atulekera abaife nga balamu.’ ” Agho Abaisiraeli baakuba amakiryaivu baasinza Musengwa Katonda.

Okuvaayo 12:29

Mu bwire ghagati Musengwa Katonda yaita abaana abalenzi ababeri boonaboona ab'Abamisiri, okuviira irala ku muberi wa kyabazinga, ali ku kityamo kye eky'obwakyabazinga, okutuukira irala ku muberi ow'omusibe ali mu ikomera. Era yaita n'ensolo dhoonadhoona enume edhaazaalibwa mu nzaalo edhaasooka.

Okuvaayo 12:35

Abaisiraeli baali bamaze okukola nga Musa bweyabakoba, kuba baali bamaze okusaba Abamisiri ebintu ebyakolebwa mu feeza ni mu zaabu era n'ebivaalo.

Okuvaayo 14:4

Mu kiseera n'ekirala ndidha kumukalangusa omwoyo alobe kutya, atoolere okubabinga ng'ayenda okubagema, aye kye nja okukola kyabazinga n'abalwani be kija kumpeesa ekitiisa, era Abamisiri balimanha nga ninze Musengwa Katonda.” Abaisiraeli baakola nga Musengwa Katonda bweyabakoba.

Okuvaayo 36:1

“Bezalelo, ni Oholiabu, na kiisi muntu yeenayeena aghanga okukola, Musengwa Katonda b'aghaire obusobozi n'okutegeera ebyetaagisa mu kukola Weema entukuvu, baidha kukola ebyo byonabyona nga Musengwa Katonda bweyalagira.”

Okuvaayo 39:32

Agho omulimo ogw'okukola Eweema ey'Okwagaananirangamu ni Musengwa Katonda gwawa. Abaisiraeli baakola ebyo byonabyona nga Musengwa Katonda bweyalagira Musa.

Okuvaayo 39:42

Abaisiraeli baakola omulimo ogwo gwonagwona nga Musengwa Katonda bweyalagira Musa.

Okuvaayo 39:43

Musa yaakebera byonabyona bye baakola, yaabona nga bwenebwene baabikola nga Musengwa Katonda bweyalagira. Musa yaabasabira enkabi.

Okuvaayo 7:10

Kale Musa ni Aaroni baaja ye kyabazinga, baakola nga Musengwa Katonda bweyabalagira. Aaroni yaasuula omwigo gwe ghansi mu maiso ga kyabazinga n'abakungu be, gwafuuka omusota.

Okuvaayo 7:6

Musa ni Aaroni baakola nga Musengwa Katonda bweyabalagira.

Abalevi 24:23

Agho Musa ng'amaze okukobera ebyo Abaisiraeli, baatwala oyo eyakolima mu kifo aghazira weema dha bantu, baamukuba amabaale yaafa. Mu nsambo eyo Abaisiraeli baakola nga Musengwa Katonda bweyakoba Musa.

Okubala 1:54

Kale Abaisiraeli abo baakola byonabyona Musengwa Katonda bye yalagira Musa.

Okubala 31:31

Musa ni Eleazari kabona n'abakulu baakola nga Musengwa Katonda bweyalagira Musa.

Okubala 31:41

Musa yaatoola empooza eyo eyali ng'ekigheebwayo eri Musengwa Katonda, yaagigha Eleazari kabona, nga Musengwa Katonda bweyalagira Musa oyo.

Okubala 31:47

Ku mugabo ogwo Abaisiraeli abaasigalagho gwe baafuna, Musa yatoolaku omuntu mulala mulala ku buli bantu amakumi ataanu, era yaatoola n'ensolo ndala ndala ku buli nsolo amakumi ataanu, yaabigha Abalevi abalabirira Eweema ya Musengwa Katonda. Musa ekyo yakikola nga Musengwa Katonda oyo bweyamulagira.

Okubala 5:4

Kale Abaisiraeli baakola batyo nga Musengwa Katonda bweyabalagira, baabinga mu kifo ghe baasimba weema dhaibwe abantu abatali balongoofu boonaboona.

Amateeka Agokubiri 34:9

Yoshua mutabane wa Nuni yali ng'aidhwire amagezi, kuba Musa yali ng'amaze okumutaagho aire mu kifo kye. Kale ni Abaisiraeli baawuliranga Yoshua oyo, era baakolanga nga Musengwa Katonda bwe yalagira Musa.

Abaheburayi 11:28

Okwikiriza n'okwamuleetera okutaagho Ekibinuko ky'Okubitizibwa, yaamansira omusaayi, olwo Namuzisa alobe kwita baana baibwe abalenzi ababeri.

Yoshua 14:5

Abaisiraeli baagabana eitaka nga Musengwa Katonda bwe yalagira Musa.

Yoshua 2:21

Agho yaabakoba ati: “Ndidha kukola nga bwe munkobye.” Yaabasiibula baaja. Era nga bamaze okuja, yaasiba akawuuzi kale ak'olugoye lw'erangi ya kasaayisaayi mu dinisa.

Yoshua 4:8

Abaisiraeli baakola byonabyona Yoshua bye yabalagira era nga Musengwa Katonda bwe yamulagira. Baabbeeda amabaale ikumi n'abiri ng'ebika byaibwe bwe byali, baagatoola ghagati mu mwiga Yorudani, baaja nago okugatuusa mu kifo ghe baasula obwire obwo, baagaisa agho.