Okuvaayo 12:27 - Baibuli Ekibono kya Katonda 2014

²⁷ Mubairangamu muti, ‘Ogwo n'omusengo ogugheebwayo olw'okwebaza Musengwa Katonda olw'Okutubitiza, kuba yabitiza endhu edh'Abaisiraeli nga tuli mu Misiri, lwe yaita abaana abalenzi ababeri ab'Abamisiri n'atulekera abaife nga balamu.’ ” Agho Abaisiraeli baakuba amakiryaivu baasinza Musengwa Katonda.

Okuvaayo 12:27 ပူးပေါင်းရင်းမြစ်များ

1 Ebyomubyanda 29:20

Agho Daudi yaakoba abantu boonaboona abaali beesoloiza ati: “Musaake Musengwa Katonda, oyo Katonda waimwe.” Kale abantu boonaboona abaali beesoloiza baasaaka Musengwa Katonda, Katonda wa badhaadha baibwe. Baakuba amakiryaivu era baakutama n'ebyeni byatuuka ku itaka, baasinza Musengwa Katonda era baagha ni kyabazinga ekitiibwa.

2 Ebyomubyanda 20:18

Agho Yehoshafati yaakuba amakiryaivu era yaakutama n'ekyeni kyatuuka ku itaka. N'abantu boonaboona ab'omu Buyudaaya n'ab'omu Yerusalemu baakuba amakiryaivu mu maiso ga Musengwa Katonda, baamusinza.

2 Ebyomubyanda 29:30

Kyabazinga Hezekia n'abakungu be baalagira Abalevi okwemba enhembo edhisaaka Musengwa Katonda, edhaayiiyizibwa Daudi ni Asafu omulanzi. Baayemba enhembo edhisaaka nga basangaavu, era baakuba amakiryaivu, baasinza.

Nehemia 8:6

Ezera oyo yaasaaka Musengwa Katonda, Katonda omukologho. Abantu boonaboona bairamu bati: “Amiina, Amiina,” nga basituliire emikono gyaibwe ghaigulu. Era baakuba amakiryaivu, baakutama n'ebyeni byatuuka ku itaka, baasinza Musengwa Katonda.

Zabbuli 44:1

Wo Katonda waife, twawulira n'amatu gaife nga badhaadha baife batukobera ebyo bye wakolanga mu nnaku dhaibwe, mu biseera ebyabita.

Zabbuli 78:5

Yateeragho abantu ba Isiraeli amateeka, yaateeragho baidhukulu ba Yakobo ebiragiro yaakoba badhaadha baife beegeresenga ebyo abaana baibwe.

Okuvaayo 10:2

musobole mwena okukobera abaana baimwe n'abaidhukulu engeri ye nsirughaizaamu Abamisiri, n'ebyewuunhio bye mbakozeemu. Mwenamwena musobole okumanha nga ninze Musengwa Katonda.”

Okuvaayo 12:11

Mugiryanga mu bwangu era nga mumaze n'okuvaalira irala ng'abaja mu lugendo, nga muvaire engaito mu bigere, mugemye n'omwigo mu ngalo. Ekyo n'Ekibinuko eky'Okubitizibwa eky'okwebaza nze Musengwa Katonda olw'okubabitiza,

Okuvaayo 12:23

kuba Musengwa Katonda aja kubita mu Misiri ng'aita abaana abalenzi ababeri ab'Abamisiri. Kale bw'anaabonanga omusaayi ku myango, aidha kubitizanga omulyango ogwo alobe kuganha lumbe kwingira mu ndhu dhaimwe kubaitaku baana baimwe.

Okuvaayo 12:28

Baaja baakola nga Musengwa Katonda bweyalagira Musa ni Aaroni.

Okuvaayo 13:14

Era mu biseera eby'omu maiso eyo, abaana baimwe bwe balibabuuzanga bati, ‘Kino kitegeeza ki?’ Mubainhonholanga muti, ‘Musengwa Katonda yatutoola mu Misiri mu bwiru ng'akozesa amaani ge agataloodheka,

Okuvaayo 13:8

Ku lunaku olwo olw'ekibinuko, mwidha kwinhonholanga abaana baimwe muti, ‘Tulukuza olw'ebyo Musengwa Katonda bye yatukolera lwe twava mu Misiri.’

Okuvaayo 34:25

“Bw'oghangayo ensolo eitiibwa ng'omusengo ogugheebwayo ku Kibinuko eky'Okwidhukiriraku Okubitizibwa, otaleeterangaku mugaati guzimbulukusiibwa. Era otalekangagho yindi ku mamba ey'ensolo egheereibwayo ng'omusengo n'etuusa enkyo ery'olunaku olwiririra.

Okuvaayo 34:8

Amangu ago Musa yeeyala ku itaka yaasinza.

Okuvaayo 4:31

Agho abakulu ab'ebikunsu abo baikiriza, era bwe baawulira nga Musengwa Katonda bweyabalumirwa ng'aboine okudaazibwadaazibwa kwaibwe, baakuba amakiryaivu baamusinza.

1 Ab'e Korintho 5:7

Mwetoolemu ekizimbulukusa ekikaire eky'ekibi, olwo mube engaano empyaka omuzira kizimbulukusa nga bwe muli bwenebwene. Kuba Kurisito, entaama yaife ey'Ekibinuko eky'Okubitizibwa yamala okwitibwa.

Amateeka Agokubiri 16:2

Mwidha kujanga mu kifo Musengwa Katonda ky'aliba ng'alonzeegho okumusinzizangamu, mugheerengayo eyo omusengo ogw'Ekibinuko eky'Okwidhukiriraku Okubitizibwa, nga mwita ku nte dhaimwe, oba ku ntaama dhaimwe, oba ku mbuzi dhaimwe.

Amateeka Agokubiri 16:5

“Mutagheeranga musengo ogw'Ekibinuko eky'Okwidhukiriraku Okubitizibwa nga muli eyo mu bibuga byaimwe Musengwa Katonda waimwe by'abagha.