Okuvaayo 12:21 - Baibuli Ekibono kya Katonda 2014

²¹ Agho Musa yaayetesa abakulu ab'ebikunsu mu Isiraeli yaabakoba ati: “Buli muntu atoole mu byayo bye entaama oba embuzi ento ndala, eja mu bantu ab'omu maka ge, agiite ng'ekigheebwayo olw'okwidhukiriraku Okubitizibwa.

Okuvaayo 12:21 ပူးပေါင်းရင်းမြစ်များ

2 Bakyabazinga 23:21

Agho kyabazinga Yosia yaalagira abantu ati: “Mukolere Musengwa Katonda waimwe Ekibinuko eky'Okwidhukiriraku Okubitizibwa, nga bwe kyaghandiikibwa mu kitabo kino eky'endagaano.”

Ezera 6:20

Bakabona ghalala n'Abalevi baali bamaze okwetukuza, nga boonaboona balongoofu. Kale baita entaama ento edhigheebwayo ku Kibinuko eky'Okwidhukiriraku Okubitizibwa ku lw'abo boonaboona abaira okuva mu bunhage, ni ku lwa bakabona banaibwe, ni ku lwaibwe beene.

Okuvaayo 12:11

Mugiryanga mu bwangu era nga mumaze n'okuvaalira irala ng'abaja mu lugendo, nga muvaire engaito mu bigere, mugemye n'omwigo mu ngalo. Ekyo n'Ekibinuko eky'Okubitizibwa eky'okwebaza nze Musengwa Katonda olw'okubabitiza,

Okuvaayo 12:20

Mutalyanga mugaati gwonagwona mu ndhu dhaimwe oguzimbulukusiibwa. Mulyenga migaati gitazimbulukusiibwa gyonka.”

Okuvaayo 12:3

Era kobera Abaisiraeli boonaboona nga beesoloiza, oti omwezi guno ng'enaku ikumi, kiisi musaadha wa maka aidha kutoola entaama ento oba embuzi ento olwa ab'omu maka ge.

Okuvaayo 17:5

Musengwa Katonda yaamwiramu ati: “Toola abandi ku bakulu ab'ebikunsu mu Isiraeli, muje mwesookenga abantu emberi. Era ja n'omwigo gwo gwe wakuba ku mwiga Kiyira.

Okuvaayo 19:7

Kale Musa yaaja yaayeta abakulu ab'ebikunsu mu Isiraeli, yaabakobera ebibono ebyo nga Musengwa Katonda bweyamulagira.

Okuvaayo 3:16

Ja oyete abakulu ab'ebikunsu mu Isiraeli beesoloze ghalala obakobe oti, ‘Musengwa Katonda, Katonda wa badhaadha baimwe, Katonda wa Aburahamu, owa Isaaka era owa Yakobo yambonekera yankoba ati mbalingiriire, naabona bye babakola mu Misiri.

Okubala 11:16

Agho Musengwa Katonda yaakoba Musa ati: “Nsololeza abantu nsanvu boidhi nga bakulu ba bikunsu mu Isiraeli era abakulembeze, obaleete mu Weema ey'Okwagaananirangamu ni Musengwa Katonda, beemerere agho ghalala n'iwe.

1 Ab'e Korintho 10:4

era baanhwanga eky'okunhwa kirala eky'omwoyo. Baanhwanga ku lubaale olw'omwoyo olwatambulanga nabo, era olubaale olwo ni Kurisito.

Abaheburayi 11:28

Okwikiriza n'okwamuleetera okutaagho Ekibinuko ky'Okubitizibwa, yaamansira omusaayi, olwo Namuzisa alobe kwita baana baibwe abalenzi ababeri.

Yoshua 5:10

Abaisiraeli bwe baali nga bakaagumbye agho e Giligali mu biketezo by'e Yeriko eby'omuseetwe, olw'eigulo baakola Ekibinuko eky'Okwidhukiriraku Okubitizibwa, ng'enaku edh'omwezi ikumi na ina.