Okuvaayo 12:19 - Baibuli Ekibono kya Katonda 2014

¹⁹ Mwidha kumalanga enaku musanvu nga timuba na kizimbulukusa mu ndhu dhaimwe. Era omuntu yeenayeena anaalyanga omugaati oguzimbulukusiibwa mu nnaku edho, anaabanga nga takaabalibwa nga Muisiraeli, k'abe musenze oba Muisiraeli.

Okuvaayo 12:19 ပူးပေါင်းရင်းမြစ်များ

Okuvaayo 12:15

“Mwidha kumalanga enaku musanvu nga mulya migaati egitazimbulukusiibwa gyonka. Ku lunaku olusooka mu edho omusanvu, muli n'okutoola mu ndhu dhaimwe kiisi kizimbulukusa kyonakyona. Omuntu yeenayeena anaalyanga omugaati oguzimbulukusiibwa mu nnaku edho omusanvu, anaabanga nga takaabalirwa mu Baisiraeli.

Okuvaayo 12:20

Mutalyanga mugaati gwonagwona mu ndhu dhaimwe oguzimbulukusiibwa. Mulyenga migaati gitazimbulukusiibwa gyonka.”

Okuvaayo 12:43

Musengwa Katonda yaakoba Musa ni Aaroni ati: “Gano n'amateeka ge munaajiirangaku nga mulya Ekibinuko eky'Okwidhukiriraku Okubitizibwa: Omuntu ow'endha atali Muisiraeli atakiryangaku.

Okuvaayo 12:48

Omuntu ow'endha bw'abasengangamu memale n'ayenda okulya ku Kibinuko eky'Okwidhukiriraku Okubitizibwa olw'okusinza Musengwa Katonda, musooka kukeketanga bantu be abasaadha n'abalenzi memale mwamuganha era oyo mumutwalanga ng'Omuisiraeli mwene. Aye omuntu yeenayeena atali mukekete atalyanga ku Kibinuko ekyo.

Okuvaayo 13:3

Musa yaakoba abantu ati: “Mwidhukirenga olunaku luno lwe mwaviiraku mu Misiri, ye mwabanga nga muli bairu. Luno n'olunaku Musengwa Katonda lwe yabatoolera mu nsi eyo, ng'akozesa amaani ge agataloodheka. Mutaluliirangaku migaati gizimbulukusiibwa.

Okuvaayo 13:7

Emigaati egitazimbulukusiibwa ni gyonka eginaalibwanga okumala enaku omusanvu; ezira muntu ku imwe anaikirizibwanga kuba na mugaati oguzimbulukusiibwa era ezira kizimbulukusa kinaikirizibwanga kubonebwa na muntu yeenayeena ow'omu kiketezo kyaimwe.

Okuvaayo 23:15

Ekibinuko ekisooka n'eky'omu mwezi gwa Abibu, omwezi gwe mwaviiramu mu Misiri. Nga bwe nabalagira, bwe mukolanga ekibinuko kino mulyanga migaati gitazimbulukusiibwa gyonka okumala entangama ya nnaku musanvu. Era ghatabangagho aidhanga kunsinza ng'azira kigheebwayo.

Okuvaayo 30:33

Omuntu yeenayeena atabula omuzigo ogugufaananaku oba agukozesa ku muntu atali kabona, anaabanga takaabalirwa mu bantu bange.’ ”

Okuvaayo 34:18

“Mwidha kukolanga Ekibinuko eky'Emigaati Egitazimbulukusiibwa. Mwidha kulyanga emigaati egyo okumala enaku musanvu, nga bwe nabalagira, mu biseera ebyateebwagho, mu mwezi gwa Abibu. Kuba mu mwezi gwa Abibu ogwo, ni gwe mwaviiramu mu Misiri.

Abalevi 23:5

Olw'okubitizibwa kw'Abaisiraeli, lutoolera eigulo ku lunaku olweikumi n'eina, olw'omwezi ogusooka.

Okubala 9:13

Aye omuntu yeenayeena omulongoofu era atali mu lugendo, bw'anaalobanga okukola ekibinuko ekyo aidha kulekeranga okubalirwa mu bantu ba Musengwa Katonda, olw'okuloba okumuleetera ekigheebwayo mu kiseera kyakyo ekyalagirwa. Era omuntu oyo aidha kubonerezebwanga olw'ekibi kye ekyo.

Amateeka Agokubiri 16:3

Ensolo eyo mutagiriirangaku migaati gizimbulukusiibwa. Mwidha kumalanga enaku musanvu nga muli kulya emigaati egitazimbulukusiibwa, nga bwe mwakola nga muva mu bwiru e Misiri, ye mwava embirombiro. Egyo n'emigaati egy'okunakughala. Mwidhanga kugirya, mughange okwidhukiranga mu bulamu bwaimwe bwonabwona olunaku lwe mwaviiraku e Misiri.