Okuvaayo 12:16 - Baibuli Ekibono kya Katonda 2014

¹⁶ Ku lunaku olusooka ni ku lwomusanvu mu nnaku edho, muneesolozanga olw'okunsinza nze Musengwa Katonda. Era mu nnaku edho mutakolerangamu mulimo gwonagwona okutoolaku okutegeka emere yaimwe ey'okulya.

Okuvaayo 12:16 ပူးပေါင်းရင်းမြစ်များ

Okuvaayo 16:23

Musa yaabakoba ati: “Musengwa Katonda yalagira olwenkyo lube olunaku olw'okuwuumulira irala eyo ni Sabbato ya Musengwa Katonda entukuvu. Kale mannu yoonayoona mugifumbe lwaleero, nga mugigoya oba nga mugitogosa. Etaaliibwe lwaleero mugitereke, mugirye olwaidho.”

Okuvaayo 16:29

Bona eno, nze Musengwa Katonda nabagha Sabbato, era kyenva ni mbagha emere emala enaku eibiri ku lunaku olwomukaaga. Kale ku lunaku olwomusanvu buli muntu asigale ghaka aghazira kuja kukola mulimo gwonagwona.”

Okuvaayo 16:5

Ku lunaku olwomukaaga, obungi obw'emere ye banaasolozanga bwidha kubanga bwa mikuzi ebiri okusinga bwe banaasolozanga ku nnaku edhindi.”

Okuvaayo 20:10

Aye olunaku olwomusanvu, lwa Sabbato yange nze Musengwa Katonda waimwe. Olwo mutalukolerangaku mulimo gwonagwona waire imwe beene, waire batabane baimwe, waire baghala baimwe, waire abairu baimwe abasaadha oba abakazi, waire ensolo dhaimwe, era waire abasenze be musuza;

Okuvaayo 34:18

“Mwidha kukolanga Ekibinuko eky'Emigaati Egitazimbulukusiibwa. Mwidha kulyanga emigaati egyo okumala enaku musanvu, nga bwe nabalagira, mu biseera ebyateebwagho, mu mwezi gwa Abibu. Kuba mu mwezi gwa Abibu ogwo, ni gwe mwaviiramu mu Misiri.

Isaia 1:13

Mulekere agho okuleetanga ebigheebwayo ebiziramu makulu. Obubbaani bwe muniokeza buneenhinhasa, oteeku n'Ebibinuko eby'Okuboneka kw'Omwezi bye mukuza, n'enaku dha Sabbato dhe mukuza, n'okwesoloza kwaimwe okw'okusinza. Tisobola kuguminkiriza bibi byaimwe, ni nguminkiriza na kwesoloza kwaimwe okwo okw'okusinza.

Abalevi 23:21

Ku lunaku olwo munaalangiriranga, mwesoloza okunsinza. Mutakolanga mulimo waire omulala ku egyo gye mukola buliidho. Eiteeka lino munaalikuumanga ebyanda n'ebyanda, mu nse dhoonadhoona, eyo yoonayoona ye munaabanga.

Abalevi 23:27

“Olunaku olweikumi olw'omwezi ogwomusanvu, lunaabanga lwa kutoolebwaku bibi. Ku lunaku olwo, muneebonerezanga, era mwesoloza okusinza, mwaghaayo eri Musengwa Katonda ekigheebwayo ekyokebwa.

Abalevi 23:35

Ku lunaku olusooka ku edho omusanvu, muneesolozanga okusinza, era mutakolanga mulimo waire omulala ku egyo gye mukola buliidho.

Okubala 28:18

Ku lunaku olusooka ku edho omusanvu, mwidha kwesolozanga okunsinza. Mutalukolerangaku mulimo gwonagwona.

Okubala 28:25

Ku lunaku olwomusanvu mwidha kwesolozanga okunsinza. Mutalukolerangaku mulimo gwonagwona.

Okubala 28:26

“Ku lunaku olw'ebirime ebisooka okukungulwa, lwe mugheeraku ekigheebwayo eky'emere ey'empeke ku Kibinuko kyaimwe eky'Amakungula, mwidha kwesolozanga okunsinza. Mutalukolerangaku mulimo gwonagwona.

Okubala 29:1

“Ku lunaku olusooka olw'omwezi ogwomusanvu mwidha kwesolozanga okunsinza, era mutalukolerangaku mulimo gwonagwona. Ku lunaku olwo mwidha kufuuwanga endeka,

Okubala 29:12

“Ku lunaku olweikumi n'eitaanu olw'omwezi ogwomusanvu mwidha kwesolozanga okunsinza, era mutalukolerangaku mulimo gwonagwona okumala enaku musanvu, nga muli ku kibinuko ekyo olw'okugheesa Musengwa Katonda ekitiisa.

Yoanne 19:31

Olunaku lwali lwa kwetegeka. Kale olw'okulobera emirambo okusigala ku misalaba ku lunaku lwa Sabbato ate nga Sabbato eyali eidha yali nkologho, Abayudaaya baaja baasaba Pilato, amagulu g'abaakomererwa ku misalaba gamenhebwe batoolebweku.

Amateeka Agokubiri 16:8

Mu nnaku omukaaga edhinairangaku, mwidha kulyanga emigaati egitazimbulukusiibwa. Ku lunaku olwomusanvu, mwidhanga kwesoloza musinze Musengwa Katonda, oyo Katonda waimwe, era timuulukolerengaku mulimo gwonagwona.”