Okuvaayo 12:15 - Baibuli Ekibono kya Katonda 2014

¹⁵ “Mwidha kumalanga enaku musanvu nga mulya migaati egitazimbulukusiibwa gyonka. Ku lunaku olusooka mu edho omusanvu, muli n'okutoola mu ndhu dhaimwe kiisi kizimbulukusa kyonakyona. Omuntu yeenayeena anaalyanga omugaati oguzimbulukusiibwa mu nnaku edho omusanvu, anaabanga nga takaabalirwa mu Baisiraeli.

Okuvaayo 12:15 ပူးပေါင်းရင်းမြစ်များ

Amainhama 17:14

Omusaadha yeenayeena atali mukekete, ataakeketebwa luwutu lwa mubiri gwe, aidha kwawulwanga ku bantu be, kuba anaabanga amenhie endagaano yange.”

2 Ebyomubyanda 30:21

Agho Abaisiraeli abaali beesololeiza mu Yerusalemu, baamala enaku musanvu nga bali kukola embaga ey'Ekibinuko eky'Emigaati Egitazimbulukusiibwa mu kusagamba okungi. Abalevi ni bakabona baasaakanga Musengwa Katonda buli lunaku, nga bakuba ebivuga n'amaani gaibwe goonagoona.

Ezera 6:22

Baakola embaga ey'Ekibinuko eky'Emigaati Egitazimbulukusiibwa okumala enaku musanvu nga basagamba kuba Musengwa Katonda yakyusa omwoyo gwa kyabazinga ow'e Assiria, yaamuleetera okuyamba Abaisiraeli abo ku mulimo ogw'okuzimba eisinzizo lya Katonda oyo owa Isiraeli.

Okuvaayo 12:8

Obwire obwo emamba eri n'okwokebwa ku muliro, eriibwe n'emigaati egitazimbulukusiibwa era n'eiva erikaagha.

Okuvaayo 13:3

Musa yaakoba abantu ati: “Mwidhukirenga olunaku luno lwe mwaviiraku mu Misiri, ye mwabanga nga muli bairu. Luno n'olunaku Musengwa Katonda lwe yabatoolera mu nsi eyo, ng'akozesa amaani ge agataloodheka. Mutaluliirangaku migaati gizimbulukusiibwa.

Okuvaayo 23:15

Ekibinuko ekisooka n'eky'omu mwezi gwa Abibu, omwezi gwe mwaviiramu mu Misiri. Nga bwe nabalagira, bwe mukolanga ekibinuko kino mulyanga migaati gitazimbulukusiibwa gyonka okumala entangama ya nnaku musanvu. Era ghatabangagho aidhanga kunsinza ng'azira kigheebwayo.

Okuvaayo 30:33

Omuntu yeenayeena atabula omuzigo ogugufaananaku oba agukozesa ku muntu atali kabona, anaabanga takaabalirwa mu bantu bange.’ ”

Okuvaayo 30:38

Omuntu yeenayeena alikozesa entabula eyo ng'akola bizigo bya kwesiiga bwesiige, anaabanga takaabalirwa mu bantu bange.”

Okuvaayo 31:14

Mwidha kukuzanga olunaku lwa Sabbato, kuba lutukuvu. Ole ataalutwalenga nga lutukuvu wa kwitibwanga, era omuntu yeenayeena anaalukolerangaku omulimo gwonagwona anaabanga takaabalirwa mu bantu bange.

Okuvaayo 34:18

“Mwidha kukolanga Ekibinuko eky'Emigaati Egitazimbulukusiibwa. Mwidha kulyanga emigaati egyo okumala enaku musanvu, nga bwe nabalagira, mu biseera ebyateebwagho, mu mwezi gwa Abibu. Kuba mu mwezi gwa Abibu ogwo, ni gwe mwaviiramu mu Misiri.

Okuvaayo 34:25

“Bw'oghangayo ensolo eitiibwa ng'omusengo ogugheebwayo ku Kibinuko eky'Okwidhukiriraku Okubitizibwa, otaleeterangaku mugaati guzimbulukusiibwa. Era otalekangagho yindi ku mamba ey'ensolo egheereibwayo ng'omusengo n'etuusa enkyo ery'olunaku olwiririra.

Abalevi 17:10

“Omuisiraeli oba omusenze yeenayeena eyasenga mu Isiraeli bw'anaalyanga ku musaayi, ndidha kumukyaghanga era mbenga nga tikaamubalira mu bantu bange.

Abalevi 17:14

Kuba obulamu bwa buli kintu ekiri n'omubiri, buba mu musaayi. Kye nviire ni nkoba Abaisiraeli nti, ‘Mutalyanga ku musaayi gwa kintu waire ekirala ekiri n'omubiri, kuba obulamu bwakyo, n'omusaayi gwakyo. Kiisi anaagulyangaku, nnaabanga nga tikaamubalira mu bantu bange.’

Malaki 2:12

Musengwa Katonda agwananga yaatoola mu Baisiraeli omuntu yeenayeena eyakola ekyo, era yaaloba kwirayo kumuganha kweyimba na bantu ba ighanga lyaife nga baleeta ebigheebwayo eri Musengwa Katonda Afuga Amagye.

Okubala 28:17

Ku lunaku olweikumi n'eitaanu olw'omwezi gwene ogwo, ekibinuko ekinaamalanga enaku omusanvu lwe kinaatooleranga. Enaku edho omusanvu mwidha kulyanga migaati gitazimbulukusiibwa gyonka.

Okubala 9:13

Aye omuntu yeenayeena omulongoofu era atali mu lugendo, bw'anaalobanga okukola ekibinuko ekyo aidha kulekeranga okubalirwa mu bantu ba Musengwa Katonda, olw'okuloba okumuleetera ekigheebwayo mu kiseera kyakyo ekyalagirwa. Era omuntu oyo aidha kubonerezebwanga olw'ekibi kye ekyo.

Matayo 16:12

Agho ni baategeera bati takobye kwegendereza kizimbulukusa kya migaati, aye ebyegeresebwa Abafarisaayo n'Abasaddukaayo.

Luka 12:1

Mu kiseera ekyo abantu baali nga beesoloiza kamaala inho era nga bali na kuniinaganaku. Agho Yesu yaasookera ku Beegeresebwa be yaakoba ati: “Mweghale ekizimbulukusa eky'Abafarisaayo nkoba obuguya bwaibwe.

Luka 2:43

Enaku bwe dhaawaaku, nga bali kwirayo, omwana Yesu yaasigala mu Yerusalemu. Aye abazaire be tibaamanha,

Ebikolwa by'Abatume 12:3

Bwe yabona nga Abayudaaya bakisiimye yeeyongera, yaagema ni Petero. Kino kyabaagho mu nnaku edh'emigaati egitazimbulukusiibwa.

Ab'e Galatia 5:12

Abantu abo ababatabula, kye mbendeza kweketeraku irala!

Amateeka Agokubiri 16:3

Ensolo eyo mutagiriirangaku migaati gizimbulukusiibwa. Mwidha kumalanga enaku musanvu nga muli kulya emigaati egitazimbulukusiibwa, nga bwe mwakola nga muva mu bwiru e Misiri, ye mwava embirombiro. Egyo n'emigaati egy'okunakughala. Mwidhanga kugirya, mughange okwidhukiranga mu bulamu bwaimwe bwonabwona olunaku lwe mwaviiraku e Misiri.

Amateeka Agokubiri 16:5

“Mutagheeranga musengo ogw'Ekibinuko eky'Okwidhukiriraku Okubitizibwa nga muli eyo mu bibuga byaimwe Musengwa Katonda waimwe by'abagha.

Amateeka Agokubiri 16:8

Mu nnaku omukaaga edhinairangaku, mwidha kulyanga emigaati egitazimbulukusiibwa. Ku lunaku olwomusanvu, mwidhanga kwesoloza musinze Musengwa Katonda, oyo Katonda waimwe, era timuulukolerengaku mulimo gwonagwona.”