Okuvaayo 12:14 - Baibuli Ekibono kya Katonda 2014

¹⁴ “Olunaku olwo, mwidha kulwidhukiranga era mulukuzenga nga mukola ekibinuko ekyoleka okusiima kwaimwe eri nze Musengwa Katonda. Ense n'ense edhiriiragho dhiri n'okulukuzanga, era kino kiragiro ekiri n'okugonderwa ebyanda n'ebyanda.”

Okuvaayo 12:14 ပူးပေါင်းရင်းမြစ်များ

2 Bakyabazinga 23:21

Agho kyabazinga Yosia yaalagira abantu ati: “Mukolere Musengwa Katonda waimwe Ekibinuko eky'Okwidhukiriraku Okubitizibwa, nga bwe kyaghandiikibwa mu kitabo kino eky'endagaano.”

Zabbuli 111:4

Musengwa Katonda by'akola byewuunhisa, tabiganha kwerabirwa; wa kivunika era musaasizi.

Zabbuli 135:13

Wo Musengwa Katonda, eriina lisigalagho ebyanda n'ebyanda; abantu ab'ense n'ense baidha kukumanhanga.

Okuvaayo 12:17

Mwidha kukuzanga Ekibinuko eky'Emigaati Egitazimbulukusiibwa, kuba ku lunaku lwene olwo ni kwe natooleraku olukunkumuli lwaimwe Abaisiraeli mu Misiri. Kale muli n'okulukuzanga imwe n'ense dhoonadhoona edhiriiragho. Kino kiragiro ekiri n'okugonderwa ebyanda n'ebyanda.

Okuvaayo 12:24

Mwidha kukolanga omukolo ogwo ng'ekiragiro ekiri n'okugonderwanga imwe, n'abaana, n'abaidhukulu, ebyanda n'ebyanda.

Okuvaayo 12:43

Musengwa Katonda yaakoba Musa ni Aaroni ati: “Gano n'amateeka ge munaajiirangaku nga mulya Ekibinuko eky'Okwidhukiriraku Okubitizibwa: Omuntu ow'endha atali Muisiraeli atakiryangaku.

Okuvaayo 12:6

Ensolo eyo mugikuume okutuusa ku lunaku olweikumi n'eina olw'omwezi guno. Olwo eigulo ery'olunaku olwo Abaisiraeli boonaboona baite ensolo dhoonadhoona dhe baakuuma olw'olunaku olwo.

Okuvaayo 23:15

Ekibinuko ekisooka n'eky'omu mwezi gwa Abibu, omwezi gwe mwaviiramu mu Misiri. Nga bwe nabalagira, bwe mukolanga ekibinuko kino mulyanga migaati gitazimbulukusiibwa gyonka okumala entangama ya nnaku musanvu. Era ghatabangagho aidhanga kunsinza ng'azira kigheebwayo.

Okuvaayo 27:21

Buli igulo Aaroni ni batabane baidha kugikunaanianga bagireke ng'eyaka obutazikira okutuusa ku nkyo, agho mu maiso ga Musengwa Katonda, ku luya kw'olutimbe oluli emberi y'Esanduuku ey'Endagaano, mu Kifo Ekitukuvu Einho, agho mu Weema ey'Okwagaananirangamu ni Musengwa Katonda. Eiteeka eryo linaakuumibwanga Abaisiraeli boonaboona ense n'ense.”

Okuvaayo 5:1

Ebyo nga biwoire, Musa ni Aaroni baaja ye kyabazinga ow'e Misiri baamukoba bati: “Musengwa Katonda, Katonda wa Isiraeli akoba ati, leka abantu be baje mu irungu bakolere eyo ekibinuko eky'okumusinza.”

Ezekieli 46:14

Okwo mwidha kuleeterangaku buli lunaku, kilo ibiri edh'obuwunga ni lita ndala ey'omuzigo ogw'ebibala eby'emiti emyoliva ogw'okutabula mu buwunga obwo ekyo kibe ekigheebwayo eky'emere ey'empeke. Eiteeka erigema ku kigheebwayo kino liidha kubangagho byanda na byanda.

Abalevi 23:6

“Ekibinuko eky'Emigaati Egitazimbulukusiibwa kinaatooleranga ku lunaku olweikumi n'eitaanu olw'omwezi gwene ogwo ogusooka. Munaalyanga emigaati egitazimbulukusiibwa okumala enaku musanvu.

Zekaria 6:14

Heledai, Tobiya, Yedaia ni Yosia mutabane wa Zefania, n'abaidha okulabiriranga engule eyo eidha kubanga mu isinzizo lya Musengwa Katonda ng'ekiidhukizo.”

Okubala 10:8

Bakabona ab'oku lulyo lw'Aaroni n'abanaafuuwanga amagwala ago. Era mwidha kugemanga eiteeka eryo mu buli luse olunairangagho.

Okubala 15:15

Amateeka malala ago n'agaidha okufuganga imwe Abaisiraeli n'abasenze abali mu imwe, era tigaakyukengamu ense n'ense. Imwe n'abasenze mwidha kubisibwanga bulala.

Okubala 16:40

Ekyo kiidha kwidhukizanga Abaisiraeli, ghalobe kubangagho muntu yeenayeena atali kabona wa ku lulyo lw'Aaroni, aseeta mu maiso ga Musengwa Katonda okuniokeza obubbaani; kuba asobola okuzikirizibwa nga Kora ni baine bwe baazikirizibwa. Ebyo byakolebwa nga Musengwa Katonda bweyalagira Eleazari ng'abita mu Musa.

Okubala 18:8

Agho Musengwa Katonda yaakoba Aaroni ati: “Era bona eno, nkughaire ebyo byonabyona ebirekebwagho nga tibyokeibwa ku bigheebwayo ebitukuvu Abaisiraeli bye bampa nze Musengwa Katonda. Mbikughaire iwe ni batabane bo ng'omugabo gwe munaafunanga ebyanda n'ebyanda.

Matayo 26:13

Bwenebwene ka mbakobere: Buli Amawulire Amalungi gano ye galikoberwa, mu nsi yoonayoona, kino omukazi ky'akoze kyona kinaayogerwangaku okumwidhukira.”

Luka 22:19

Olwo yaatoola omugaati yeeyanza Katonda, yaagumegulamegulamu, yaabagha ng'akoba ati: “Guno n'omubiri gwange, [ogugheebwayo ku lwaimwe. Kino mukikolanga okundidhukira.”

Amateeka Agokubiri 16:1

Musa yaakoba Abaisiraeli ati: “Mukuzenga omwezi gw'Abibu, nga mukola Ekibinuko eky'Okwidhukiriraku Okubitizibwa. Kuba mu mwezi ogwo, Musengwa Katonda waimwe gwe yabatooleramu e Misiri obwire.

Amateeka Agokubiri 16:11

Era mwidha kusagambiranga mu maiso ga Musengwa Katonda waimwe, mu kifo ky'aliba ng'asazeegho okumusinzizangamu, ghalala ni batabane baimwe, ni baghala baimwe, n'abagheereza baimwe abasaadha n'abakazi, n'Abalevi ab'omu bibuga byaimwe, n'abasenze, ni bamulekwa, ni banamwandu ababa mu imwe.

Amateeka Agokubiri 6:8

Mubyesibenga ku mikono gyaimwe, era mubyetimbenga mu byeni byaimwe ng'akamanhiso.

Yoshua 4:7

Nga mubakobera muti, ‘Amaadhi ag'omwiga Yorudani gaalekera agho okutambula, Sanduuku y'Endagaano bweyali ng'eri kusala omwiga ogwo.’ Kale amabaale ago ganaabanga kiidhukizo eri abantu Abaisiraeli ebyanda n'ebyanda.”

1 Samueli 30:25

Era okuva n'olwo, eryo lyafuuka iteeka era kiragiro mu Isiraeli, okutuusa ni ye buli eno.