Okuvaayo 12:12 - Baibuli Ekibono kya Katonda 2014

¹² kuba obwire obwo ndidha kubita mu Misiri nje nga ndhita abaana abalenzi ababeri boonaboona Abamisiri. Era ndhite n'ensolo dhaibwe enume dhoonadhoona edhaazaalibwa mu nzaalo edhisooka. Era ndidha kubonereza emisambwa egy'omu Misiri gyonagyona. Ninze Musengwa Katonda.

Okuvaayo 12:12 ပူးပေါင်းရင်းမြစ်များ

1 Ebyomubyanda 14:12

Abafilisiti baalumuka, baaleka n'agho ebifaananie byaibwe bye baasinzanga. Daudi yaalagira abasaadha be baabyokya.

Zabbuli 135:8

Oyo n'eyaita abaana boonaboona ababeri ab'Abamisiri, n'ensolo dhoonadhoona edh'Abamisiri edhaazaalibwa mu luzaalo olusooka.

Zabbuli 82:1

Katonda atyama mu kityamo kye mu lwekobaano olw'omu igulu; emisambwa gyesoloza yaagisalira omusango ati:

Zabbuli 82:6

Nkoba nti, ‘Muli bakatonda, mwenamwena muli baana ba oyo Ali Ghaigulu Yeene.’

Zabbuli 91:7

Abantu olukumi basobola okwitibwa baagwa ku luuyi lwo olundi, ate omutwalo baagwa ku mukono gwo omusaadha, aye iwe akabi tikalikutuukaku.

Zabbuli 95:3

kuba Musengwa Katonda ni Katonda mwene omukologho, era ni Kyabazinga omukologho asinga bakatonda ab'amaghanga agandi.

Okuvaayo 12:23

kuba Musengwa Katonda aja kubita mu Misiri ng'aita abaana abalenzi ababeri ab'Abamisiri. Kale bw'anaabonanga omusaayi ku myango, aidha kubitizanga omulyango ogwo alobe kuganha lumbe kwingira mu ndhu dhaimwe kubaitaku baana baimwe.

Okuvaayo 18:11

Buti ntegeire nga Musengwa Katonda wa maani okusinga bakatonda boonaboona, kuba yatoola abantu be mu ngalo edh'Abamisiri abaabeeyagalirangaku nga tibababonamu ka buntu.”

Okuvaayo 21:6

musengwa we amutwalanga mu isinzizo yaamwemereza gha lwigi oba gha mwango, yaamufuwula kutu owundi ng'akozesa olugera olusongovu. Olwo omwiru oyo anaabanga mwiru we okutuusa okufa.

Okuvaayo 22:28

“Otavumanga Katonda oba okukolimira omufuzi ow'abantu bo.

Okuvaayo 6:2

Agho Katonda yaayogera ni Musa, yaamukoba ati: “Ninze Musengwa Katonda.

Okuvaayo 9:6

Olunaku olwairirira Musengwa Katonda yaakola nga bweyakoba. Ensolo dhoonadhoona edh'Abamisiri dhaafa, aye ku dh'Abaisiraeli kwaloba kufaaku naire ndala eti.

Isaia 19:1

Buno n'obukwenda obugema ku Misiri. Bona, Musengwa Katonda atyaime ku kire ekirumuka embiro, ali kukivuga ng'aja e Misiri. Ebisinzibwa ebitali Katonda eby'e Misiri bija kudhugumira mu maiso ge, n'Abamisiri emyoyo gija kubatekemuka.

Yeremia 43:12

Ndikunaania omuliro ku masabo aga bakatonda b'e Misiri, era kyabazinga w'e Babilonia alyokya bakatonda abo, oba yaababbeeda yaaja nabo. Era ng'omwayi bw'alondalonda ensekere ku kivaalo kye n'adhimaliraku irala, ni kyabazinga w'e Babilonia atyo bw'alirondalonda buli kantu mu nsi Misiri, n'agitukuza. Memale yaatambula yaaja nga ghazira n'amukobaku.

Yeremia 43:13

Kyabazinga oyo alimenhamenha empango dh'amabaale edh'ebiidhukizo edhiri e Heliopoli mu nsi Misiri, era yaayokya n'amasabo ga bakatonda baayo.”

Yeremia 46:25

Musengwa Katonda Afuga Amagye, Katonda wa Isiraeli, akoba ati: “Nja kubonereza Amoni katonda ow'ekibuga Thebesi, ghalala n'ensi Misiri yoonayoona ni bakatonda baayo, era ni bakyabazinga baayo. Nja kutoola kyabazinga wa Misiri n'abo abamwesiga,

Ezekieli 12:16

Aye ndirekaghooku abatono baawona okwitibwa mu ntalo, n'okulambuka endhala, n'okufa endwaire ya kawumpuli. Olwo basobole okutegeera, eyo ye baliba mu maghanga, nga baakola ebyenhinhalwa. Era olwo bamanhe nga ninze Musengwa Katonda.”

Amosi 5:17

Abantu baliwowoola mu masamba g'emizabbibu mu kifo eky'okuzaanha n'okuseka, kuba ndidha kubabonereza nze Musengwa Katonda mwene.”

Zefania 2:11

Musengwa Katonda oyo aja kubatiisa inho ekibitiriire. Bwenebwene emisambwa gyonagyona aja kugifuula ebintu ebiziramu kantu, era olwo buli ighanga lirisinza mwene nga liri mu kiketezo kyalyo.

Okubala 33:4

Baalekanga ng'Abamisiri bali kuziika abaana baibwe ababeri, Musengwa Katonda be yaita n'ayoleka nga bw'ali n'obuyinza okusinga emisambwa gyaibwe.

1 Samueli 5:3

Abantu ab'omu Ashidodi bwe baasitukagho ku nkyo ku lunaku olwairirira, baaja okubona ng'ekiwumbe eky'omusambwa Dagoni kigwire n'obweni bwakyo bwatuuka ku itaka, emberi w'Esanduuku ey'Endagaano ya Musengwa Katonda. Agho baakibbeeda baakiiza mu kifo kyakyo.

1 Samueli 6:5

Kale ni mukole ebiwumbe ebifaanana ng'oti n'ebizimba byaimwe n'ebindi ebifaanana ng'oti n'empube dhaimwe edhiri kwitaitana ensi. Olwo mwise ekitiisa mu Katonda wa Isiraeli, memale katyo oba anaalekera agho okubabonereza imwe, n'emisambwa gyaimwe, era n'ensi yaimwe.