Okuvaayo 11:5 - Baibuli Ekibono kya Katonda 2014

⁵ abaana abalenzi ababeri boonaboona ab'omu Misiri bafe: okuva ku muberi wo iwe kyabazinga oli ku kityamo eky'obwakyabazinga, okutuuka ku muberi ow'omwiru omukazi asa ku lubengo. Era n'ensolo dhaimwe dhoonadhoona enume edhaazaalibwa mu nzaalo edhaasooka, dhoona dhija kufa.

Okuvaayo 11:5 ပူးပေါင်းရင်းမြစ်များ

Zabbuli 105:36

Yaita abaana ababeri abalenzi mu nsi omwo boonaboona, abasooka mu kiisi ndhu.

Zabbuli 135:8

Oyo n'eyaita abaana boonaboona ababeri ab'Abamisiri, n'ensolo dhoonadhoona edh'Abamisiri edhaazaalibwa mu luzaalo olusooka.

Zabbuli 136:10

Oyo n'eyaita abaana ababeri ab'Abamisiri; okugonza kwe tikukoma, kubaagho byanda na byanda.

Zabbuli 78:51

Katonda yaita abaana ab'Abamisiri abalenzi ababeri boonaboona, ab'amaani, abasooka mu kiisi ndhu ya Hamu.

Okuvaayo 12:12

kuba obwire obwo ndidha kubita mu Misiri nje nga ndhita abaana abalenzi ababeri boonaboona Abamisiri. Era ndhite n'ensolo dhaibwe enume dhoonadhoona edhaazaalibwa mu nzaalo edhisooka. Era ndidha kubonereza emisambwa egy'omu Misiri gyonagyona. Ninze Musengwa Katonda.

Okuvaayo 12:29

Mu bwire ghagati Musengwa Katonda yaita abaana abalenzi ababeri boonaboona ab'Abamisiri, okuviira irala ku muberi wa kyabazinga, ali ku kityamo kye eky'obwakyabazinga, okutuukira irala ku muberi ow'omusibe ali mu ikomera. Era yaita n'ensolo dhoonadhoona enume edhaazaalibwa mu nzaalo edhaasooka.

Okuvaayo 13:15

kuba kyabazinga ow'e Misiri bweyakalanguka omwoyo n'aloba okutuleka tuve mu Misiri, Musengwa Katonda yaita abaana abalenzi ababeri boonaboona ab'Abamisiri era yaita n'ensolo dhaibwe enume dhoonadhoona edhaazaalibwa mu luzaalo olusooka. Kale kye tuva ni tughaayo eri Musengwa Katonda omusengo ogw'ensolo enume dhoonadhoona edhizaalibwa mu luzaalo olusooka aye abaana baife ababeri boonaboona tubanunula.’

Okuvaayo 4:23

era ndi kukukoba nti leka omwana wange oyo aje ampeereze. Aye bw'onaaloba okumuleka ndidha kwita mutabane wo omuberi.’ ”

Isaia 47:2

Ja ku lubengo ogeme enso, ose ensaano. Weeghembule mu maiso ekitambaala, otoolemu ekivaalo kyo eky'oku ngulu, ofungize ku bikooyi byo, oje odooke emiiga osomoke.

Okulira 5:13

Bakaka abaisuka baife okusa ku mmengo, abalenzi abato baayuuga n'ebinhwa by'enku ebizito.

Matayo 24:41

Ababiri abaliba basa ku lubengo, omulala alitwalibwa owundi yaalekebwa.

Abaheburayi 11:28

Okwikiriza n'okwamuleetera okutaagho Ekibinuko ky'Okubitizibwa, yaamansira omusaayi, olwo Namuzisa alobe kwita baana baibwe abalenzi ababeri.

Abalamuzi 16:21

Abafilisiti baamugema, baamutundulamu amaiso. Era baamutwala e Gaza, baamusibisa endhegere edh'ekyuma eky'ekikomo, baamuta ku mulimo ogw'okuseeranga ku lubengo mu ikomera.