Okuvaayo 11:3 - Baibuli Ekibono kya Katonda 2014

³ Agho Musengwa Katonda yaaleetera Abamisiri okutya Abaisiraeli. Ate ekindi, Abamisiri abo ng'otwaliizaamu n'abakungu ba kyabazinga beene, baatwalanga Musa okuba omuntu omukologho.

Okuvaayo 11:3 ပူးပေါင်းရင်းမြစ်များ

Amainhama 12:2

Ndidha kukugha abaidhukulu kamaala, bafuuke eighanga ery'amaani. Ndidha kukugha enkabi, era ndeetere eriina lyo okumanhikana olwo lighange okugheesanga abandi enkabi.

Amainhama 39:21

Aye Musengwa Katonda yaabanga ni Yosefu oyo, yaamwoleka nga bw'amugonza obutalekera, yaaleetera omukuumi w'eikomera okumugemerwanga ekivunika.

2 Samueli 7:9

Naabanga ghalala niiwe buli ye wajanga, naasaaniangagho abazigu bo ng'oli kumpi okutuukayo. Era ndidha kukufuula mukologho obe ng'oti n'abantu abakologho ab'oku nsi.

Zabbuli 106:46

Yaleetera abo boonaboona abaali babakiriga, okubagemerwa ekivunika.

Okuvaayo 12:35

Abaisiraeli baali bamaze okukola nga Musa bweyabakoba, kuba baali bamaze okusaba Abamisiri ebintu ebyakolebwa mu feeza ni mu zaabu era n'ebivaalo.

Okuvaayo 12:36

Era, nga ni Musengwa Katonda amaze okuleetera Abamisiri okutya Abaisiraeli, kale kiisi kye baasabanga nga bakibagha. Mu nsambo ng'oti n'eyo, Abaisiraeli baatwala eby'obukombe eby'Abamisiri mu magezi.

Okuvaayo 3:21

Era ndidha kuleetera Abamisiri okutya Abaisiraeli, Abaisiraeli abo balobe kuva mu Misiri na ngalo ndhereere.

Isaia 60:14

Era abaana b'abo abaakutuntuzanga, baliidha baakukubira amakiryaivu; n'abo boonaboona abaakunhoomanga balikotesa emitwe gyaibwe agho gha bigere byo, baakweta ‘Ekibuga kya Musengwa Katonda,’ baakweta ‘Sioni, Ekibuga kya Katonda, Omutukuvu wa Isiraeli.’

Ebikolwa by'Abatume 7:22

Musa yaayegeresebwa amagezi ag'Abamisiri, yaaba wa maani mu bibono ni mu bikolwa.

Amateeka Agokubiri 34:10

Okuva ku olwo tighabangaghooku kabiri mulanzi mu Isiraeli ali ng'oti ni Musa, Musengwa Katonda ye yamanha n'ayogeranga naye maiso ku maiso.

Amateeka Agokubiri 34:11

Ghazira mulanzi wundi eyakola ebyewuunhio n'ebyewuninkiriza, ng'oti n'ebyo Musengwa Katonda bye yatuma Musa okukola ku kyabazinga w'e Misiri, ni ku bakungu be, ni ku bantu b'ensi eyo boonaboona.

Yoshua 4:14

Ku lunaku olwo, Musengwa Katonda yayoleka Abaisiraeli boonaboona nga Yoshua bweyali n'ekitiisa ekya ghaigulu, era okuva n'olwo baamutya enaku dhoonadhoona edh'obulamu bwe, ng'oti ni bwe baatyanga Musa.

Okwolekebwa 3:9

“Kale abo abeesoloza okusinza Sitaani, abeeyeta Abayudaaya ate nga ti Bayudaaya, aye nga baguya, ndibaleeta mu maiso go, baakuba amakiryaivu gha bigere byo, bamanhe bati nkugonza.