Okuvaayo 10:9 - Baibuli Ekibono kya Katonda 2014

⁹ Musa yaamwiramu ati: “Twidha kuja abakulu n'abato, era tuje ni batabane baife ni baghala baife. Twidha kutwala entaama, n'embuzi, n'ente dhaife, kuba tuteekwa okukola ekibinuko eky'okwoleka nga tusiima Musengwa Katonda.”

Okuvaayo 10:9 ပူးပေါင်းရင်းမြစ်များ

Amainhama 50:8

Era yaaja n'ab'omu ndhu ye boonaboona, ni baganda be, n'ab'omu ndhu ya lata we boonaboona. Abaana baibwe abato, n'entaama, n'embuzi, n'ente dhaibwe, ni byonka bye baaleka mu kiketezo ky'e Gosheni.

Okuvaayo 10:10

Agho kyabazinga yaabakoba ati: “Musengwa Katonda anaaba ng'ali n'imwe bwembalekanga bwenebwene ni muja, imwe abakulu n'abato! Kuba muteekwa okuba nga muli n'ekigendererwa ekibi mu myoyo gyaimwe.

Okuvaayo 10:26

Kale tuli n'okutwala n'ensolo dhaife dhoona, aghazira kulekaku naire ndala. Tuli n'okudhitwala, kuba tuli n'okudhikozesa mu kusinza Musengwa Katonda. Ate, nga tukaali kutuuka ghale ghe tuja okusinziza, titughanga kumanha nsolo ki dhe tuteekwa okughaayo.”

Okuvaayo 12:32

Mutwale entaama dhaimwe, n'embuzi, n'ente, mugolole. Mbasaba zeena munsabire enkabi.”

Okuvaayo 12:37

Abaisiraeli baatoolera olugendo lwaibwe ku bigere, era baatambula okuva e Ramesesi baatuuka e Sukkothi. Baali abasaadha ng'oti mitwalo nkaaga (600,000), nga tobaze bakazi na baana.

Okuvaayo 12:38

Olukunkumuli olw'abantu abandi abatali Baisiraeli lwabeeyimbaku baaja nabo. Baaja n'entaama n'embuzi n'ente, n'endogoyi, nga byonabyona biri mu bungi.

Okuvaayo 13:6

Mwidha kumalanga enaku musanvu nga mulya migaati egitazimbulukusiibwa gyonka, era ku lunaku olwomusanvu mwidha kukuzanga ekibinuko eky'okusiima Musengwa Katonda.

Okuvaayo 3:18

Baidha kwikiriza ky'onaabakoba. Ng'olwo iwe n'abakulu ab'ebikunsu abo muja ye kyabazinga w'e Misiri nga mumukoba muti, ‘Musengwa Katonda, Katonda w'Abaheburayi yatweyolekera era buti tuli kukusaba otuleke tuje mu irungu nga tutambula olugendo olumala enaku eisatu, tugheereyo eyo omusengo eri Musengwa Katonda waife oyo.’

Okuvaayo 5:1

Ebyo nga biwoire, Musa ni Aaroni baaja ye kyabazinga ow'e Misiri baamukoba bati: “Musengwa Katonda, Katonda wa Isiraeli akoba ati, leka abantu be baje mu irungu bakolere eyo ekibinuko eky'okumusinza.”

Okuvaayo 5:3

Baamukobera bati: “Katonda ow'Abaheburayi yatweyolekera era buti tuli kukusaba otuleke tuje mu irungu nga tutambula olugendo olumala enaku eisatu, tugheereyo eyo omusengo eri Musengwa Katonda waife oyo; kuba bwe tutakola tutyo asobola okutusindikira obulwaire obubi, oba okutusindikira olutalo baatwita baatumalagho.”

Ensambo 3:9

Oghanga Musengwa Katonda ekitiisa ng'omugha ebisinga bulungi ku by'ofuna byonabyona, era ng'omugha ku byonabyona ebisooka okukungulwa eby'omu misiri gyo.

Omulangirizi 12:1

Idhukiranga Omutonzi ng'okaali mwisuka, enaku embi nga dhikaali kutuuka n'emyaka nga gikaali kutuuka mw'olikobera oti: “Tikaanhumirwa bulamu.”

Okubala 29:12

“Ku lunaku olweikumi n'eitaanu olw'omwezi ogwomusanvu mwidha kwesolozanga okunsinza, era mutalukolerangaku mulimo gwonagwona okumala enaku musanvu, nga muli ku kibinuko ekyo olw'okugheesa Musengwa Katonda ekitiisa.

Ab'Efeso 6:4

Imwe abazaire, mutasoononkerezanga baana baimwe kubaleetera kunakughala, aye mubakuze nga mubagalagira era nga mubeegeresa ebya Musengwa.

Yoshua 24:15

Aye oba nga timuli beetegefu kugheereza Musengwa Katonda, musalegho olwaleero luno ye munaagheerezanga: oba musalagho kugheereza bakatonda badhaadha baimwe be baasinzanga nga bakaali eruuyi ere ng'osomoike omwiga, oba bakatonda ab'Abamori abaali beene kiketezo kino buti ghe muli. Aye nze ku lwange n'ab'endhu yange twidha kugheerezanga Musengwa Katonda.”