Okuvaayo 10:7 - Baibuli Ekibono kya Katonda 2014

⁷ Abakungu baakoba kyabazinga bati: “Ono omusaadha aja kulekera li okutweraliikiriza? Leka abasaadha Abaisiraeli baje, basinze Musengwa Katonda waibwe. Tobona nga Misiri eri kufafaagana?”

Okuvaayo 10:7 ပူးပေါင်းရင်းမြစ်များ

Zabbuli 107:34

Eribaire eitaka eigimu alifuula ery'oluunhu erizira muganhulo, olw'obubi bw'abo abalityamaku.

Okuvaayo 12:33

Agho Abamisiri baagwidhubania Abaisiraeli bave mu Misiri mu bwangu nga bakoba bati: “Bwe mutaja tuja kufa tuweegho.”

Okuvaayo 23:33

Otalekanga bantu abo ni baba mu nsi yaimwe, kuba baghanga okubaleetera okwonoona ye ndi. Kuba bw'onaasinzanga emisambwa gyaibwe, onaabanga ng'okagwireku.”

Okuvaayo 7:5

Ku lunaku olwo lwe ndigolola omukono gwange ni nkuba Abamisiri, era ni mbatoolamu abantu bange Abaisiraeli, Abamisiri abo lwe balimanha nga ninze Musengwa Katonda.”

Okuvaayo 8:19

Abalogo baakoba kyabazinga bati: “Ago maani ga Katonda.” Aye omwoyo gwa kyabazinga gwasigala nga mukalangufu ogutatya, era tiyawulira nga Musengwa Katonda bweyakoba.

Ensambo 29:6

Omuntu omubi, ebibi by'akola bimugemya ng'oti mutego, aye ole akola ebituufu abaagho ng'asagamba era ng'ayemba.

Omulangirizi 7:26

Nazuula ekintu ekikakali okusinga n'okufa kwene: oyo nga n'omukazi akwenda n'akugemya ng'oti mutego oba ng'oti lutuula, n'akusiba mu mikono gye ng'oti ndhegere. Omuntu akola Katonda by'ayenda asobola okuwona omukazi oyo, aye omwonooni amugwa bwa mu ngalo.

Isaia 14:20

Nga bwe wazikiriza ensi yo n'oita abantu bo, toliziikibwa ng'oti ni bakyabazinga baino. Eizaire lyo eikozi ly'ebibi ligwananga lyaweekereragho lyaloba kwidhukirwa.

Isaia 51:9

Wo Musengwa Katonda, situka otuyambe. Kozesa obuyinza bwo otuwonie, nga bwe wabukozesa mu biseera ebyabita, eira einho. Niiwe wafumita ogusota ogwetebwa Rahabu, era waagutematemamu.

Yeremia 48:4

Ensi Moabu bagizikiriiza! Wulira abaana baayo bwe balira!

Yeremia 51:8

Aye buti egwire mangu inho yaazikirira! Mugiririre inho amaziga! Mugifunireyooku ku bulezi olw'obulumi bw'erimu, oba katyo enaawona.

Zefania 1:18

Ku lunaku olwo Musengwa Katonda lw'aliragiraku obusungu bwe ezira kirisobola kubawonia, waire feeza ni zaabu waibwe yeenayeena. Obusungu bwe obuli ng'oti muliro, obuva ku nkikidi y'ali nayo ku lw'abantu be, buja kuzikiriza ensi yoonayoona. Aja kutuusa abantu boonaboona ababa ku nsi, ku nkomerero yaibwe eriba ya mangu inho ng'oti kutemya na kuzibula.

1 Ab'e Korintho 7:35

Kino ndi kukikoba olw'obulungi bwaimwe. Tirikugezaaku kubakaluubiriza, aye nhenda mukole ekintu ekituufu era ekikalamu, era mwegheereyo irala okukola omulimo gwa Musengwa n'omwoyo omulala.

Yoshua 23:13

olwo mumanhanga nga Musengwa Katonda waimwe aliba takaabingagho maghanga ago mu buli kiketezo ghe munaatuukanga. Amaghanga ago gaja kubafuukira ekizibu ng'oti lutuula oba olwina oluleeyi. Era ng'obulumi bwe gabaleetera buli ng'oti bwa muntu ye bakubye enkoba mu mugongo, oba ali n'eiwa mu liiso, okutuusa lwe mulizikirira ni muva ku nsi eno enungi, Musengwa Katonda waimwe ye yabagha.

1 Samueli 18:21

Saulo yaakoba mule ati: “Ka mmumughe, mmweyambise ng'omutego, era neeyambise n'Abafilisiti balwanise Daudi oyo.” Kale Saulo yaakoba Daudi omukuzi ogwokubiri ati: “Oidha kuba mukoirume wange.”

1 Samueli 5:11

Agho baatuma, baayeta abafuzi ab'Abafilisiti boonaboona, baabakoba bati: “Mwizeeyo Esanduuku ey'Endagaano ya Katonda wa Isiraeli mu kifo kyayo y'eba, erobe kutwita ife n'abantu baife.” Ghaaligho okutya einho ekibitiriire mu kibuga kyonakyona, kuba Katonda yali ali kubabonereza inho.