Okuvaayo 10:15 - Baibuli Ekibono kya Katonda 2014

¹⁵ Kuba dhaaghemba ku nsi yoonayoona, yairugala olw'enzige edho, dhaalya ebimera byonabyona ebyali mu Misiri, n'ebibala ebyali ku miti byonabyona omugozi bye gutaakunkumula. Ghazira muti gwonagwona, oba ekimera ekindi kyonakyona, waire nga kya mu nsiko, ekyasigazaaku olwa kiragala mu nsi yoonayoona Misiri.

Okuvaayo 10:15 ပူးပေါင်းရင်းမြစ်များ

Zabbuli 78:46

Yaasindika ebisiisa mu nimiro dhaibwe, byalya ebirime ebyava mu maani gaibwe.

Okuvaayo 10:12

Olwo Musengwa Katonda yaakoba Musa ati: “Golola omukono gwo ng'ogwolekeza ensi Misiri, enzige dhiidhe dhirye kiisi kimera ekirimu ebyo byonabyona omugozi bye gutaakuba.”

Okuvaayo 10:5

Era dhija kughemba ku nsi yo yoonayoona, omuntu abe nga taghanga kubona ku itaka era dhija kulya kiisi kintu kyonakyona ekyaimwe ekyasigala, omugozi kye gutaakuba, era na kiisi muti gwaimwe gwonagwona ogw'omu nsiko.

Ensambo 30:27

Enzige dhizira kyabazinga, aye dhijiira mu bikunsu ng'oti baisirukale

Yoeli 1:4

Ebikuukuulu n'ebikuukuulu eby'enzige byaidha, byagwa ku bisimbe; nga buli kikuukuulu ekisookagho kirya nga bwe kisobola, ate bye kireseegho byaliibwa ekikuukuulu ekindi ekiiragho.

Yoeli 2:25

Ndibairizaagho bye mwafiirwa ebyaliibwa ebikuukuulu n'ebikuukuulu eby'enzige edhaidha, nze mwene dhe nasindika okubalumba ng'eigye eryange eikologho.

Amosi 7:2

Enzige bwe dhaamala okulya eisubi lyonalyona eryali buli ghantu, naakoba nti: “Wo Musengwa Katonda, nkweghembye sonigha abantu bo! Abaisiraeli banaawonera gha, ate nga batono era banafu?”

Okubala 22:5

yaatuma abakwenda ye Balaamu mutabane wa Beori e Pethori, ekiri okumpi n'omwiga Eufurate mu kiketezo ekyetebwa Amawa. Bamukobe bati: “Bona eno, abantu ab'eighanga eiramba baava e Misiri, baidha baasiisira era baamaamira ekiketezo kyaife, era bali ghano kumpi n'ife.