Okuvaayo 1:7 - Baibuli Ekibono kya Katonda 2014

⁷ Aye Abaisiraeli abo, abaana be baaleka baazaalagana inho era baaba ba maani agataloodheka, kumpi baidhuza Misiri yoonayoona.

Okuvaayo 1:7 ပူးပေါင်းရင်းမြစ်များ

Amainhama 1:20

Agho Katonda yaakoba ati: “Amaadhi gabeemu ebitonde ebiramu ebya buli nsambo, era mu ibbanga mubeemu enhonhi nga dhiguluka.”

Amainhama 1:28

Era yaabagha enkabi, yaabakoba ati: “Muzaale, mwale, mwidhuze ensi, mugifuge. Mufugenga ebyenhandha n'enhonhi, na kiisi kiramu ekitambula ku nsi.”

Amainhama 12:2

Ndidha kukugha abaidhukulu kamaala, bafuuke eighanga ery'amaani. Ndidha kukugha enkabi, era ndeetere eriina lyo okumanhikana olwo lighange okugheesanga abandi enkabi.

Amainhama 13:16

Ndidha kufuula baidhukulu bo okuba abangi ng'oti nkungu mu nsi kibe nti ole bw'alisobola okubala enkungu mu nsi, olwo ni baidhukulu bo boona baliba basobola okubalwa.

Amainhama 15:5

Yaamufulumya kuliya, yaakoba ati: “Lingirira ku igulu, obale emuunienie edhiriku, oba nga osobola okudhibala.” Agho yaamukoba ati: “N'abaidhukulu bo batyo bwe baliba obungi.”

Amainhama 17:16

Ndidha kumugha enkabi akuzaalire omwana omulenzi. Ndidha kumugha enkabi abe inhina ow'amaghanga era bakyabazinga baidha kusimukanga mu oyo.”

Amainhama 22:17

bwenebwene ndikugha enkabi, era ndikwaliza abaidhukulu baaba kamaala inho ng'oti n'emuunienie edh'oku igulu, era ng'oti n'omusenho oguli ku mbali okw'enhandha. Era baghangulenga ebibuga by'abazigu baibwe.

Amainhama 26:22

Eyo yaavaayo, yaasima ensulo eyindi, baaloba kugikaayanira; yaagituuma eriina Rehobothi. Yaakoba ati: “Mpegaano Musengwa Katonda atughaire aghagazi, twidha kwala mu nsi.”

Amainhama 26:4

Ndidha kukugha abaidhukulu kamaala inho ng'oti n'emuunienie edh'oku igulu, era mbaghe ebiketezo eby'ensi bino byonabyona. Era mu baidhukulu bo, amaghanga goonagoona ku nsi mwe galigheerwa enkabi;

Amainhama 28:14

Baidhukulu bo baliba bangi ng'oti nkungu ey'oku nsi. Balibuna mu nsonda dhoonadhoona edh'ensi. Era mu iwe, ni mu baidhukulu bo, amaghanga goonagoona mwe galigheerwa enkabi.

Amainhama 35:11

Era yaamukoba ati: “Ninze Katonda Aghanga ebintu byonabyona. Zaala abaana kamaala, mweyongere obungi amaghanga kamaala galisimuka mu iwe, era oliba dhaadha wa bakyabazinga.

Amainhama 46:3

Katonda yaakoba ati: “Ninze Katonda, Katonda oyo owa lata wo. Otatya kuja mu Misiri, kuba baidhukulu bo ndibafuulira eyo eighanga ery'amaani.

Amainhama 47:27

Abaisiraeli baaba mu nsi y'e Misiri, mu kiketezo eky'e Gosheni. Baakombaghalira omwo, era baazaala abaana kamaala, beeyongera okwala.

Amainhama 48:16

Katonda oyo eyatuma malaika n'amponia mu buli kabi koonakoona, abaghe enkabi. Eriina lyange n'erya dhaadha wange Aburahamu, n'erya lata wange Isaaka, gatuumibwenga mu baana baibwe. Bazaalenga abaana kamaala, era bafune abaidhukulu kamaala inho ku nsi.”

Amainhama 48:4

Era yankoba ati, ‘Bona, ndikugha okuzaala abaana kamaala, baidhukulu bo naabafuula amaghanga kamaala. Era ndigha baidhukulu bo ensi eno, yaaba yaibwe ebyanda n'ebyanda.

Amainhama 9:1

Katonda yaagha Noa n'abaana be enkabi, yaabakoba ati: “Muzaale, mwale, mwidhuze ensi.

Nehemia 9:23

Wabagha abaidhukulu kamaala, baayala ng'oti n'emuunienie edh'oku igulu, waabatuusa mu nsi ye wakoba badhaadha baibwe batwale ebe eyaibwe ku bwaibwe.

Zabbuli 105:24

Musengwa Katonda yaabagha okuzaalagana baayala, baaba ba maani okusinga abazigu baibwe.

Zabbuli 107:38

Abagha enkabi baazaala abaana kamaala, n'ebyayo byaibwe byaloba kukendeera naire.

Okuvaayo 1:12

Aye Abamisiri ye baakomya okutuntuza Abaisiraeli, n'Abaisiraeli boona ye baakomya okweyongera okuzaalagana n'okusansaanira mu biketezo ebindi ebya Misiri ye baali bakaali kutuuka. Abamisiri baakyagha Abaisiraeli era nga n'okubatya babatya.

Okuvaayo 12:37

Abaisiraeli baatoolera olugendo lwaibwe ku bigere, era baatambula okuva e Ramesesi baatuuka e Sukkothi. Baali abasaadha ng'oti mitwalo nkaaga (600,000), nga tobaze bakazi na baana.

Okuvaayo 5:5

Era kyabazinga yaakoba ati: “Mubona abantu abagheze obwaga agho mu nsi, nga kabiri mwenda kubawuumuza baleke agho emirimo gye bateekwa okukola!”

Ezekieli 16:7

Kale naakulabirira waakula n'amaani ng'oti n'ekimera eky'omu nimiro. Era waakulira irala waafuuka mughala muguna mwene atoonha obutoonhe. Waasunia amabeere era waakuza n'enviiri, aye ng'oli madu geene, tovaire.

Ebikolwa by'Abatume 13:17

Katonda w'abantu bano Abaisiraeli, yalonda badhaadha baife yaabafuula eighanga eikologho, bwe baali mu buwanganguse e Misiri, era yaabatoolayo n'amaani ge agataloodheka.

Amateeka Agokubiri 10:22

Ebiseera badhaadha baimwe bye baajiiramu e Misiri baali abantu nsanvu bonka. Aye mpegaano Musengwa Katonda waimwe abafiire bangi ng'oti n'emuunienie edh'oku igulu.”

Amateeka Agokubiri 26:5

“Olwo aidha kwogeranga ebibono bino mu maiso ga Musengwa Katonda wo, oti, Dhaadha wange yali Muaramea ng'atambulatambula eyo atyo. Yaja e Misiri yaaba eyo n'ab'omu maka ge abataali bangi naire. Aye bwe baatuuka eyo baayala, baafuuka eighanga eikologho ery'amaani.