Okuvaayo 1:20 - Baibuli Ekibono kya Katonda 2014

²⁰ Kale Katonda yaaba mulungi eri abazaalisa abo. Abaisiraeli baazaalagana, beeyongera okuba kamaala era n'okuba n'amaani.

Okuvaayo 1:20 ပူးပေါင်းရင်းမြစ်များ

Zabbuli 103:11

Ng'eigulu bwe liri eghala einho n'ensi, n'okugonza kwe eri abo abamutya kutyo ye kukoma okuba okungi.

Zabbuli 111:5

Abo abamutya abafunira eky'okulya, era tiyeerabira ndagaano ye.

Zabbuli 145:19

Abo boonaboona abamutya awulira okulira kwaibwe yaabawonia, era yaabagha bye benda.

Zabbuli 61:5

Iwe Katonda wange ompuliire nga neeyama, era ompaire omugabo ku ebyo by'oterekera abakutya.

Zabbuli 85:9

Mu butuufu bwene mwetegefu okulokola abo abamugha ekitiisa, olwo ekitiisa kye kibe nga kibonebwa mu nsi yaife.

Okuvaayo 1:12

Aye Abamisiri ye baakomya okutuntuza Abaisiraeli, n'Abaisiraeli boona ye baakomya okweyongera okuzaalagana n'okusansaanira mu biketezo ebindi ebya Misiri ye baali bakaali kutuuka. Abamisiri baakyagha Abaisiraeli era nga n'okubatya babatya.

Okuvaayo 1:19

Abazaalisa baamwiramu bati: “Abakazi Abaheburayi tibali ng'oti bakazi Bamisiri. Kuba bazira buzibu mu kuzaala, era bazaala ng'omuzaalisa akaali na kubatuukaku.”

Okuvaayo 1:7

Aye Abaisiraeli abo, abaana be baaleka baazaalagana inho era baaba ba maani agataloodheka, kumpi baidhuza Misiri yoonayoona.

Ensambo 11:18

Omukozi w'ebibi yeerimba ati katyo anaabifunamu empeera emugasa, aye ate omuntu omutuufu n'afuna empeera yeene egasa.

Ensambo 19:17

Agemerwa omwavu ekivunika aba ng'oti awoze Musengwa Katonda, era Musengwa Katonda oyo aja kumusasula olw'ekikolwa kye ekyo.

Omulangirizi 8:12

Aye waire ng'omwonooni asobola okukola ebibi emikuzi kamaala ate yaaghangaala inho, nze ndidhi nti abo abatya Katonda baidha kubanga bukalamu olw'okumutya.

Isaia 3:10

Mukobere abatuufu muti ebyaibwe birungi, kuba baidha kuganhulwanga mu biva mu kukola kwaibwe.

Matayo 10:42

Era yeenayeena aligha omulala ku bato bano olwendo olw'amaadhi amainhogovu okunhwa, olw'okuba Mwegeresebwa wange, bwenebwene mbakobera nti taliroba kufuna mpeera ye.”

Matayo 25:40

“Agho Kyabazinga alibairamu ati, ‘Bwenebwene ka mbakobere buli kye mwakolera omulala ati ku baganda bange bano abato, mwakikolera nze.’

Luka 1:50

Ekisa kye ku bamutya kirigho ku nse n'ense.

Abaheburayi 6:10

Kuba Katonda ti n'omubi einho okusobola okwerabira omulimo gwe mwakola, n'okugonza kwe mwayoleka mu buyambi bwe mwagha, era bwe mukaagha abatuukirivu ni ye buli eno.