Okuvaayo 1:12 - Baibuli Ekibono kya Katonda 2014

¹² Aye Abamisiri ye baakomya okutuntuza Abaisiraeli, n'Abaisiraeli boona ye baakomya okweyongera okuzaalagana n'okusansaanira mu biketezo ebindi ebya Misiri ye baali bakaali kutuuka. Abamisiri baakyagha Abaisiraeli era nga n'okubatya babatya.

Okuvaayo 1:12 ပူးပေါင်းရင်းမြစ်များ

Amainhama 46:3

Katonda yaakoba ati: “Ninze Katonda, Katonda oyo owa lata wo. Otatya kuja mu Misiri, kuba baidhukulu bo ndibafuulira eyo eighanga ery'amaani.

Nehemia 9:23

Wabagha abaidhukulu kamaala, baayala ng'oti n'emuunienie edh'oku igulu, waabatuusa mu nsi ye wakoba badhaadha baibwe batwale ebe eyaibwe ku bwaibwe.

Yobu 5:2

Bwenebwene okweraliikirira kwita omusiru, n'ensaalwa eita azira magezi.

Zabbuli 105:24

Musengwa Katonda yaabagha okuzaalagana baayala, baaba ba maani okusinga abazigu baibwe.

Zabbuli 107:38

Abagha enkabi baazaala abaana kamaala, n'ebyayo byaibwe byaloba kukendeera naire.

Okuvaayo 1:20

Kale Katonda yaaba mulungi eri abazaalisa abo. Abaisiraeli baazaalagana, beeyongera okuba kamaala era n'okuba n'amaani.

Okuvaayo 1:7

Aye Abaisiraeli abo, abaana be baaleka baazaalagana inho era baaba ba maani agataloodheka, kumpi baidhuza Misiri yoonayoona.

Okuvaayo 1:9

Yaakoba abantu be ati: “Bona eno, abantu bano Abaisiraeli bali kamaala inho ekibitiriire, era batusingira ghala amaani.

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Ensambo 27:4

Waire ng'omuntu aliku ekiruyi n'obusungu aba mukambwe era wa kabi, aye tatuuka ku wa nsaalwa.

Okubala 22:3

Abamoabu baatya inho Abaisiraeli era baafootookerera, olw'okubona ng'Abaisiraeli abo baali bangi inho.

Yoanne 12:19

Agho Abafarisaayo baakoba bati: “Mubone, titukaasobola kuba ensi yoonayoona eri kuja y'ali!”

Ab'e Roma 8:28

Twidhi nga mu buli kintu Katonda akola olw'obukalamu bw'abo abamugonza, era abaayetebwa nga bwe yayenda.

Amateeka Agokubiri 26:5

“Olwo aidha kwogeranga ebibono bino mu maiso ga Musengwa Katonda wo, oti, Dhaadha wange yali Muaramea ng'atambulatambula eyo atyo. Yaja e Misiri yaaba eyo n'ab'omu maka ge abataali bangi naire. Aye bwe baatuuka eyo baayala, baafuuka eighanga eikologho ery'amaani.