Okuvaayo 1:10 - Baibuli Ekibono kya Katonda 2014

¹⁰ Tuteekwa okubasalira amagezi aganaabasobola balobe kweyongera mu bungi, kuba bwe ghaidhagho olutalo basobola okweyimba ku bazigu baife, baatulwanisa era baalumuka mu Misiri.”

Okuvaayo 1:10 ပူးပေါင်းရင်းမြစ်များ

Yobu 5:13

Ategamu abagezi, ng'abita mu magezi gaibwe geene, era yaakomya mangu entegeka edh'abali n'enkwe.

Zabbuli 10:2

Abakozi b'ebibi beebona nga ba ghaigulu era baakiriga abaavu. Emitego gyene gye batega banaibwe, n'egibe gibategemu.

Zabbuli 105:25

Yaakyusa emyoyo gy'Abamisiri baakyagha abantu be, era baatoolera okulya mu bagheereza be abo enkwe.

Ensambo 1:11

Kuba basobola okukoba bati: “Idha tweteege omuntu tumwite, tulumbe omuntu aziraku musango tumugwikirize.”

Ensambo 16:25

Omuntu asobola okugema engira ng'adhuuba ati ntuufu, aye yaamutuusa ku kufa.

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Okubala 22:6

Kale mperaano nkweghembye, oidhe onkolimirire abantu abo, kuba batusinga inho amaani; oba katyo tunaasobola okubaghangula twababingagho. Ndidhi nti omuntu y'osabira enkabi aba wa nkabi, ate y'okolimira yaaba mukolimire.”

Ebikolwa by'Abatume 23:12

Bwe bwakya enkyo, Abayudaaya beekobaana, beefuugha nga bakoba bati tibaja kulya waire okunhwa okutoolaku nga bamaze okwita Paulo.

Ebikolwa by'Abatume 7:19

Yaasalira abantu baife amagezi, yaadaazadaaza badhaadha baife ng'abasuuza abaana baibwe bafe.

1 Samueli 29:4

Aye abaduumizi abo baasungughalira Akishi era baamukoba bati: “Koba omusaadha wo oyo aireyo abe mu kifo kye wamugha. Taidha kuja n'ife mu lutalo, tiikulwa ng'atuuka mu lutalo yaafuuka omuzigu waife. Ghazira kisobola kumutabagania na musengwa we mangu, ekisinga emitwe egy'abasaadha baife ng'abaise.