Okulira 4:9 - Baibuli Ekibono kya Katonda 2014

⁹ Abaafumitibwanga empiima baafanga bulungiku okusinga abaafanga endhala; kuba bano baalambukanga mpola okutuusa lwe baafanga, olw'okubulwa emere ey'okubabeesaagho nga balamu.

Okulira 4:9 ပူးပေါင်းရင်းမြစ်များ

2 Bakyabazinga 25:3

Ku lunaku olwomwenda mu mwezi ogwokuna, endhala yeekalangula okuluma abantu mu kibuga, nga tibakaali na kya kulya.

Okuvaayo 16:3

“Nguli Musengwa Katonda yatwitira mu Misiri ye twatyamanga ku nsaka edh'emamba ni ku biiwulo eby'emere, ni tulya ni twiguta, ekyo n'ekyandisinzeeku imwe okutuleeta mu irungu lino twenatwena tulambukire muno endhala.”

Isaia 22:2

Iwe ekibuga ekiidhwire okwasiikana, akeegugungo n'okusasamala, abantu bo abaitiibwa, tibaitiibwa mpiima waire okufiira mu lutalo.

Yeremia 16:4

Baja kufanga endwaire embi einho, era ghazira aja kubalira waire okubaziika. Emirambo gyaibwe gija kubanga ku itaka okwo ng'oti mmungo ya busa. Baja kwitibwanga mu ntalo oba balambukenga endhala bafe, n'emirambo gyaibwe giriibwenga enhonhi n'ensolo dh'omu nsiko.

Ezekieli 24:23

Timulireka kusiba bitambaala byaimwe ku mitwe, waire okuleka okuvaala engaito mu bigere olw'enaku. Era timulirira maziga waire okuwowoola. Aye muligoogomba mwawaagho olw'ebibi byaimwe, buli muntu yaasindira mwine enaku.

Ezekieli 33:10

Musengwa Katonda era yankoba ati: “Iwe omuntu, yogera eri ab'eighanga Isiraeli ku ebyo bye bakoba bati, ‘Ebibi byaife n'ensobi dhaife bitutwaliriiza inho, byatugoogombya twaweera mu luwu. Kale tunaaba tutya abalamu?’

Ezekieli 4:16

Era yaayongera okunkoba ati: “Iwe omuntu, bona eno, nja kulekeza emere okwidha mu Yerusalemu. Abantu baidha kulyanga mere mpime bupime nga bali mu kutya kwereere, n'amaadhi goona banhwenga mapime bupime nga beeraliikirivu.

Ezekieli 7:15

Abantu abaliba kuliya baliitagana, n'abaliba mu ndhu baafa endwaire ya kawumpuli n'endhala. Abaliba mu byalo baliitagana, ate abaliba mu kibuga baafa kulambuka ndhala na ndwaire ya kawumpuli.

Abalevi 26:39

Abatono ku abo abanaawonangagho mu nsi y'abazigu baibwe, banaasensemukanga baawaagho olw'ebibi byaibwe, n'olw'ebibi bya badhaadha baibwe.

Amateeka Agokubiri 28:51

Balirya ensolo dhaimwe n'emere yaimwe ye mulimye, aghazira kubalekeragho ngaano, na mwenge gwa mizabbibu, na muzigo gwa bibala bya miti myoliva, oba ente, n'entaama, n'embuzi. Balikola batyo okutuusa lwe balibasaanizaagho irala.