Okulira 4:8 - Baibuli Ekibono kya Katonda 2014

⁸ Aye buti mu maiso bairugavu okusinga enziro, era ole ni bw'abaagaana mu ngira takaabamanha. Emibiri gyaibwe gyabakala ng'oti muti mukalu, era gyabeeriipira ku magumba.

Okulira 4:8 ပူးပေါင်းရင်းမြစ်များ

Yobu 19:20

Omubiri guneeriipye ku magumba, mponeire ghatono obutafa.

Yobu 2:12

Bwe baamulengera, tibaamutegeereragho. Aye bwe baamutegeera, baawowoola era baalira amaziga. Baakanula ebivaalo byaibwe olw'okunakughala, beeyugha enkungu mu mitwe, nga bwe bagimansa ghaigulu.

Yobu 30:30

Omubiri gundhirugaire, era gundhokerera ng'oti muliro.

Yobu 33:21

Omubiri gumuwaaku yaagoogomba; amagumba ge agataabonekanga, gaakukunala.

Zabbuli 102:11

Obulamu bwange buwaagho ng'oti n'ekinsense ekyeigulo ng'endhuba egwire. Ndi ng'oti isubi erikala ni liwaagho.

Zabbuli 119:83

Nze nafuuka ng'oti n'endyanga ey'oluwu etakaagasa; aye tyerabirangaku biragiro byo naire.

Zabbuli 32:4

Wambonerezanga omusana n'obwire, amaani gampweramu irala ng'oti n'ebisimbe bwe bikala okw'endoboozi.

Zabbuli 38:3

Ku mubiri gwange kuzira ghalamu olw'obusungu bwo; ni ku magumba gange kuzira iramu olw'ebibi byange.

Isaia 52:14

Abantu kamaala baamwewuunhia inho, okumubona ng'ayonooneibwa emboneka ye okusinga omuntu owundi yeenayeena bwe yaali ayonooneibwaku. Yali afuusefuuse nga takaafaanana bantu.

Okulira 5:10

Emibiri gitusuuyiriire ng'oti n'abali gha ziiko, olw'endhala etuleetera okwokererwa.

Yoeli 2:6

Abantu bwe badhirengera nga dhija ye bali, batya inho baasiiwuuka n'okusiiwuuka.

Nahumu 2:10

Nineve kizikiriire, kirekeibwa agho kityo, era kiwolongeire. Abantu emyoyo gyabawaamu ira, amagulu gabadhugumira budhugumire, mu mikono muzira maani, n'ensaya dhaabalekuka.

Luka 10:11

‘N'enkungu ey'omu kibuga kyaimwe etugemye ku bigere byaife tugibakunkumuliire aye mumanhe kino muti, Obwakyabazinga bwa Katonda buseese.’