Okulira 4:7 - Baibuli Ekibono kya Katonda 2014

⁷ Abakungu ab'omu Yerusalemu baali nga batukula okusinga amabaale ag'omugozi era nga beeru okusinga amata; emibiri gyaibwe nga gya maani era nga ginherengeta okusinga eibaale ery'omughendo eryetebwa korali, era nga baboneka bulungi inho ng'oti n'eibaale ery'omughendo eryetebwa saffiro.

Okulira 4:7 ပူးပေါင်းရင်းမြစ်များ

Yobu 28:16

Zaabu omulungi ow'e Ofiri tayagayaga nago mughendo, waire amabaale ag'omughendo ageetebwa onikisi ni saffiro.

Yobu 28:18

Amagezi ga mughendo inho okusinga amabaale ag'omughendo ageetebwa korali oba kurisitalo.

Zabbuli 144:12

Batabane baife nga bali kwisuka bagwananga baaba oti bisimbe ebikula n'amaani ni baghala baife baaba ng'oti n'empango endholige, edhigemerera endhu ya kyabazinga mu nsonda.

Zabbuli 51:7

Nnaazaaku ebibi ndidha kutukula; era onhamule ndidha kuba mweru okusinga n'omugozi.

Okuvaayo 24:10

baabona Katonda wa Isiraeli. Ghansi gh'ebigere bye nga ghali ng'oti ni ghe baayaliira amabaale ag'omughendo ageetebwa saffiro, aga langi ya bbululu omutangaavu obukalamu ng'eigulu.

Olwembo 5:10

Omugonzi wange anhirira era aboneka bulungi; mu bantu omutwalo omulamba (10,000), yenka n'abonekamu.

Olwembo 5:15

Amagulu ge malungi ng'oti n'empango dhe baakola mu mabaale ag'omughendo agamirimiinha, ni badhita mu bikolo ebya zaabu. Era wa kitiibwa ng'oti n'ensozi edh'e Lebanoni, n'emiti gyaku emivule egyegombebwa.

Danieli 1:15

Enaku eikumi bwe dhaawaaku, abaisuka abo baaba nga baboneka bulungi era nga banherengeta okuwula abaisuka bale abaalyanga ku mere kyabazinga mwene ye yalyangaku.

Luka 1:15

Kuba aliba mukulu mu maiso ga Musengwa era talinhwa mwenge gwa mizabbibu oba ekitamiiza kyonakyona. Aliidhuzibwa Mwoyo Mutukuvu ng'akaali mu nda ya inhina.

Abalamuzi 13:5

kuba bona, oidha kutoola enda ozaale omwana omulenzi. Omwana oyo taasalengaku nviiri ku mutwe gwe, kuba aidha kugheebwayo ye Katonda abe Munaziri okuva lw'alizaalibwa. Oyo n'alitoolera omulimo ogw'okununula isiraeli mu mikono gy'Abafilisiti.”

Abalamuzi 13:7

Aye ankobye ati, ‘Bona, oidha kutoola enda ozaale omwana mulenzi. Kale ni otanhwanga mwenge gwa mizabbibu oba ekitamiiza kyonakyona, waire okulya ekintu kyonakyona ekitali kirongoofu kuba omwana oyo aliba Munaziri, okuva lw'alizaalibwa okutuusa lw'alifa.’ ”

Abalamuzi 16:17

Kale yaamukobera byonabyona, ati: “Tibansalangaku nviiri ku mutwe, kuba ndi Munaziri okuviira irala mu nda ya maama. Enviiri dhange bwe badhisalaku, amaani gange ganvaaku, naaba munafu ng'oti n'omuntu owundi yeenayeena.”

1 Samueli 16:12

Era yaatuma omuntu yaamuleeta. Yali anhirira, ng'ali n'amaiso amalungi era ng'aboneka bulungi. Agho Musengwa Katonda yaakoba Saulo ati: “Situka omusiige omuzigo, kuba n'oyo.”