Okulira 4:5 - Baibuli Ekibono kya Katonda 2014

⁵ Abo abaalyanga ebiiwulo ebigwanira okuliibwa bakyabazinga, buti balambukira ku nguudo edh'ekibuga; n'abo abaakuzibwa ng'abaana b'abakombe, buti obaagaana nga bali kwebuguya ku mmungo dh'ebikaba.

Okulira 4:5 ပူးပေါင်းရင်းမြစ်များ

Luka 16:19

“Ghaaligho omusaadha omukombe eyavaalanga ebivaalo bya nakasooma nga byakolebwa mu ngoye mpegheevu, era nga buli lunaku yabanga oti ali ku mbaga.

Luka 15:16

Era yeegombanga okulya ku bimere eby'embiidhi, nga ghazira abimugha.

1 Timotheo 5:6

Aye namwandu oyo ajiira ku by'amasanhu aba mufu, waire aba ng'akaatambula.

Luka 7:25

Bwenebwene kiki ekyabatwala okubona? Muntu avaire amadholobera? Abavaala amadholobera era nga bali mu kwedhalabya baba mu bisaagaati bya bakyabazinga.

Ensambo 31:21

Ebiseera eby'ekiinhogogo tibimweraliikiriza, kuba ab'omu maka ge baba n'ebivaalo ebizito ebisuugha.

2 Samueli 1:24

Imwe baghala b'Abaisiraeli mulire Saulo, eyabavaazanga ebivaalo eby'ebitiibwa ni mutoonha, era eyabavaazanga ebyamadholobera ebya zaabu.

Yobu 24:8

Amaadhi gagwa gaababoleza mu nsozi, beegema ku lubaale olw'okubulwa ghe bageigama.

2 Bakyabazinga 18:27

Omukungu Omuassiria yairamu ati: “Mulowooza muti musengwa wange yantuma okukobera ebibono ebyo musengwa waimwe n'imwe mwenka? Busa, yantuma okubikobera n'abantu abo abatyaime ku kimante, abanaatuuka n'okulya obubi obwaibwe bwene n'okunhwa enkali eyaibwe yeene, ng'oti n'imwe bwe munaakola.”

Okulira 1:11

Abantu baamu boonaboona baagala eky'okulya nga bali mu nnaku. Baafaanisaamu ebintu byaibwe eby'omughendo einho basobole okufunamu emere, balobe kulambuka ndhala. Agho baalirira Musengwa bati: “Wo Musengwa Katonda, lingirira obone nga bwe tuli kunhoomebwa!”