Okulira 4:4 - Baibuli Ekibono kya Katonda 2014

⁴ Baleka abaana baibwe enimi dhaabakalira mu kanwa mwaibwe olw'endiwo ey'amaadhi; abaana baasaba emere aye ghaabula agibagha.

Okulira 4:4 ပူးပေါင်းရင်းမြစ်များ

2 Bakyabazinga 18:27

Omukungu Omuassiria yairamu ati: “Mulowooza muti musengwa wange yantuma okukobera ebibono ebyo musengwa waimwe n'imwe mwenka? Busa, yantuma okubikobera n'abantu abo abatyaime ku kimante, abanaatuuka n'okulya obubi obwaibwe bwene n'okunhwa enkali eyaibwe yeene, ng'oti n'imwe bwe munaakola.”

2 Bakyabazinga 25:3

Ku lunaku olwomwenda mu mwezi ogwokuna, endhala yeekalangula okuluma abantu mu kibuga, nga tibakaali na kya kulya.

Zabbuli 137:6

Bwenebwene bwe ntakwidhukiranga iwe Yerusalemu, ni ndoba okukutwala nga niiwe ondeetera eisanhu lyenelyene, olulimi lugwananga lwaneesibira ku kibuno, naaloba kwiramu kukwembera.

Zabbuli 22:15

Amaani gankaze ng'oti n'olujo olukalanga, olulimi lwaneesibira ku kibuno naasigala agho mu nkungu ng'omufu.

Isaia 5:13

Kale abantu bange kye baliva ni batwalibwa mu bunhage, olw'obutaba na kumanha. Abakungu baibwe endhala eribaita, n'abantu baibwe boonaboona baafa olw'endiwo.

Yeremia 14:3

Abakungu batuma abagheereza baibwe banone amaadhi. Abagheereza baaja baatuuka ku bidiba aye baayagaana nga muziramu maadhi; baira n'ensugha dhaibwe nga nkaya. Ensoni dhaabagema, beeghemba mu maiso nga baswaire.

Okulira 1:11

Abantu baamu boonaboona baagala eky'okulya nga bali mu nnaku. Baafaanisaamu ebintu byaibwe eby'omughendo einho basobole okufunamu emere, balobe kulambuka ndhala. Agho baalirira Musengwa bati: “Wo Musengwa Katonda, lingirira obone nga bwe tuli kunhoomebwa!”

Luka 10:11

‘N'enkungu ey'omu kibuga kyaimwe etugemye ku bigere byaife tugibakunkumuliire aye mumanhe kino muti, Obwakyabazinga bwa Katonda buseese.’

Amateeka Agokubiri 28:48

Kale ni aidha kubasindikiranga abazigu, imwe mufuuke bagheereza baibwe, endhala n'endiwo bibalumenga, nga muli madu era nga muzira kintu kyonakyona kye muli nakyo. Musengwa Katonda oyo aidhanga kubaleetera okutuntuzibwa einho, okutuusa lwe mulizikirizibwa.

Amateeka Agokubiri 32:24

Baidha kufanga endhala n'omusuudha, bazikirizibwenga endwaire edhitiisa. Ndidha kubasindikangaku ensolo enkambwe dhibalye, n'emisota egy'obusagwa gibamoodhe.