Okulira 4:3 - Baibuli Ekibono kya Katonda 2014

³ Ni bwebiba ebibe, biyonsa era byalabirira ebyana byabyo, aye abantu bange bakambughala baaba ng'oti ni maaya edh'omu irungu edhitafa ku baana baadho.

Okulira 4:3 ပူးပေါင်းရင်းမြစ်များ

1 Bakyabazinga 3:21

Bwe nasitukagho enkyo okwonsa omwana wange, naja okubona ng'afiire. Aye bwe namwekalirisa obukalamu, naja okubona nga ti n'omwana wange ye nazaala.”

Isaia 13:22

Empiti dhinaabwigukiranga mu minaala gyayo, n'ebibe byaboigokeranga mu ndhu dhaayo enkalamu. Ekiseera kya Babiloni eky'enkomerero kituuse! Enaku dhaakyo dhinaatera okuwaaku!”

Isaia 34:13

Endhu dhaayo dirimeramu amawa, n'ebifo byayo eby'okwewogomamu byameramu ensiko n'enkandwa. Era biribangamu bwa bibe na biwigulu.

Isaia 49:15

Musengwa Katonda oyo yaabairamu ati: Omukazi asobola okwerabira omwana we ayonka, yaaloba kugemerwa kisa mwana we oyo ye yazaala? Aye waire ng'omukazi asobola okwerabira, nze tiribeerabira naire.

Yeremia 19:9

Abazigu balizingiza ekibuga kino okukyezunguluza nga benda okwita abantu baamu. Okuzingiza ekibuga kino kuliba kukambwe inho, abantu abaliba munda baatuuka n'okulya banaibwe, era n'okulya abaana baibwe beene.’ ”

Okulira 2:20

Wo Musengwa Katonda, tulingirire obone bwe tudaaga. Naani ye waali obisiisaaku oti? Kibangaghooku abakazi okulya abaana abaibwe beene, be baakuza obukalamu nga babagonza? Kibangaghooku bakabona n'abalanzi okwitirwa mu kifo kya Musengwa ekitukuvu?

Okulira 4:10

Mu biseera abantu bange bye baazikiriramu, abakazi beenebeene abaamanhibwa okuba abasaasizi, baatuuka okufumba abaana baibwe beene baabafuula emere.

Ezekieli 5:10

Abazaire b'omu Yerusalemu balirya abaana baibwe, n'abaana baalya abazaire baibwe. Ndibasalira imwe omusango gwabasinga naababonereza, era naasansaaniza ku ndhuyi dhoonadhoona abo abaliba basigairegho nga balamu.

Abalevi 26:29

Endhala ey'amaani einho eidha kubalumanga, mutuuke n'okulyanga abaana baimwe.

Ab'e Roma 1:31

Basirusiru, tibeesigwa, tibagonzania era bazira kusaasira.