Okulira 3:57 - Baibuli Ekibono kya Katonda 2014

⁵⁷ Bwe nakulirira waseeta kumpi ninze era wankoba oti, ‘Otatya.’

Okulira 3:57 ပူးပေါင်းရင်းမြစ်များ

Amainhama 26:24

Musengwa Katonda yaamubonekera obwire obwo, yaakoba ati, “Ninze Katonda wa lata wo Aburahamu. Otatya, kuba ndi n'iwe. Ndikugha enkabi, era naakugha abaidhukulu kamaala, olw'omugheereza wange Aburahamu.”

2 Bakyabazinga 19:6

Isaia yaabakoba okwirayo ye musengwa waibwe, bamukobe bati: “Musengwa Katonda akoba ati, ‘Otatya bibono by'owuliire, abakungu ba kyabazinga w'e Assiria bye boogeire nga banvuma.

Zabbuli 138:3

Olunaku lwe nakulirira waidha wambeera, waayongera okundhizaamu amaani.

Zabbuli 145:18

Abo abasaba Musengwa Katonda, Musengwa Katonda oyo tabasuulirira, abo ababa nga bamusabye n'omwoyo omulala.

Zabbuli 69:18

Ndhiruukirira omponie, era nteekuluza abazigu bange.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 41:14

Musengwa Katonda Omununuzi wo era Omutukuvu wo, iwe Isiraeli ninze nkoba ati: Otatya, waire ng'oli mugoogombe era omunafu ng'oti lugereegere. Nze ndidha kukuyamba.

Isaia 58:9

Bwe munandhetanga ndidha kuvugiranga, era bwe munandiriranga ndidhanga kubairamu nti, ‘Ndi ghano!’ “Bwe mulyetoolamu omuze ogw'okutuntuza banaimwe, okubanhoomerera, n'okuboogeraku ebibi,

Yeremia 1:17

Iwe mperaano situkiramu, weesibe weenhweze, oje obakobe ebyo byonabyona bye nnaakulagira okubakoba. Otabatya naire, tiikulwa nga nkutiisa nga bali kubona, ng'ojiire ye bali.

Ebikolwa by'Abatume 18:9

Lwali lulala, Musengwa yaabonekera Paulo obwire yaamukoba ati: “Otatya aye yogera era otasirika.

Ebikolwa by'Abatume 27:24

era yankoba ati, ‘Paulo, otatya, oteekwa okwemerera mu maiso ga Kaisari. Era olwa iwe Katonda aidha kukuuma n'abo boonaboona abali n'iwe mu lyato.’

Abaheburayi 7:19

kuba Amateeka ghazira kye gatuukiriza. Aye mperaano tuli n'eisuubi erisingaku obukalamu mwe tubita okuseeta ye Katonda.

Yakobo 4:8

Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.

Okwolekebwa 1:17

Bwe namubona neeyala gha bigere bye nga ndi ng'oti n'afiire. Aye yangemaku n'omukono gwe omusaadha, yankoba ati: “Totya, ninze entoolo era enkomerero

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.