Okulira 3:3 - Baibuli Ekibono kya Katonda 2014

³ Bwenebwene yanfunta ebifunsi n'omukono gwe olunaku lwonalwona, ng'aziramu na kusaasira.

Okulira 3:3 ပူးပေါင်းရင်းမြစ်များ

Yobu 16:12

Nali nga ntyamiisa, aye yaidha yankontakonta yangema mu mamiro, yankuba ekigwo ghansi yaamaniangula. Yantaagho ng'ekintu eky'okwegeraku endeega,

Yobu 19:21

Munsaasire, munsaasire imwe bakagwa bange, kuba Katonda ankubye.

Yobu 31:21

Tikupankupaniangaku mulekwa, nga neesiga nti abalamuzi baidha kumbeera.

Yobu 6:4

Kuba Katonda Aghanga Ebintu Byonabyona ankubye obusaale bwe bwanhingira mu mubiri, obusagwa bwabwo bwabuna omubiri gwange. Katonda aleese ebitiisa by'ali nabyo, yaabisimbya enhiriri okuntanulaku olutalo.

Zabbuli 38:2

Onfumiite n'obulaso bwo era wankuba n'omukono gwo.

Isaia 1:25

Ndidha kubakolaku, mbasaanuuse ng'oti bwe basaanuusa ekyuma, era mbakenenule mbamaliremu irala ebidomboodo byonabyona ebibalimu.

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Isaia 63:10

Aye baamala beene baadheema, baanakughaza omwoyo gwe omutukuvu. Kale Musengwa Katonda oyo yaakyuka yaafuuka muzigu waibwe, era yaabalwanisa mwene.

Amateeka Agokubiri 29:20

Musengwa Katonda enkikidi y'egema ku lw'abantu be, taidha kusonighanga muntu oyo. Aidha kumutumbukizangaku obusungu bwe ng'oti muliro, ebikolimo byonabyona ebighandiikiibwa mu kitabo kino bimwidhirenga, okutuusa Musengwa Katonda lw'anaamusaanizangagho irala, ni yeerabirwa ku nsi.