Okulira 2:9 - Baibuli Ekibono kya Katonda 2014

⁹ Endhigi dhaakyo dhaagwa era ebiwumpu byadheebungaku, n'eminhololo egyadhisibanga gyamenhekamenheka. Kyabazinga waamu n'abakungu be bali eyo mu maghanga mu bunhage, era mu kibuga ekyo timukaalimu mateeka. Abalanzi baamu tibakaabonekerwa Musengwa Katonda.

Okulira 2:9 ပူးပေါင်းရင်းမြစ်များ

2 Bakyabazinga 25:7

Baitira batabane be mu maiso ge ng'alingiriire ati. Era mwene baamutundulamu amaiso, baamusiba mu ndhegere, baamutwala e Babilonia.

2 Ebyomubyanda 15:3

Abaisiraeli baamala ekiseera kinene nga bazira Katonda mwenemwene, era nga bazira kabona ayegeresa, waire okuba n'amateeka.

Nehemia 1:3

Bankoba bati: “Abo abaawonagho ni bava mu bunhage, bali mu buzibu obw'amaani era baswavu inho. Ekimante ekyezungululanga ekibuga Yerusalemu kyamenhebwa n'emiryango gyakyo gyayokebwa omuliro.”

Zabbuli 74:9

Titukaabona bumanhiso bwaife obutukuvu, abalanzi baawaagho ira era ghazira aidhi bino ghe birikoma.

Isaia 24:12

Ekibuga kisigaire agho kityo, nga kiri bwa bifulukwa byereere. Emiryango gyakyo bagikubyekubye, baagireka nga gimenheikemenheike.

Yeremia 14:14

Aye Musengwa Katonda yankoba ati: “Abalanzi abo balanga bya buguya mu liina lyange. Nze tibatumangaku oba okubalagira ekintu kyonakyona, waire okwogera nabo. Okubonekerwa kwe boogeraku kwa buguya, ni bye balagula biziramu makulu, babiyiiya buyiiye beene.

Yeremia 23:16

“Agho Musengwa Katonda Afuga Amagye yaakoba abantu b'e Yerusalemu ati: ‘Mutawulirisa balanzi bye babakoba, nga babasuubiza ebizirayo. Ebyo bye babakobera babiyiiya buyiiye mu myoyo gyaibwe, se ti ebyo nze bye mbakoba.

Yeremia 39:2

Ku lunaku olwomwenda olw'omwezi ogwokuna, mu mwaka gwa Zedekia ogweikumi n'omulala nga ni kyabazinga, Abababilonia abo baawomola ekituli mu kimante ky'ekibuga.

Yeremia 39:8

Era Abababilonia baayokya ekisaagaati kya kyabazinga, n'endhu dh'abantu, n'ekimante eky'oku kibuga Yerusalemu baakikontakontagho.

Yeremia 51:30

Abalwani Abababilonia ab'amaani baleseeyo okulwana, baasigala bwa mu bifo byaibwe eby'okwewogomamu. Amaani gabawoiremu, baafuuka banafu inho. Emiryango egy'ekibuga abazigu bagimenhiegho, n'endhu dhoonadhoona baadhikunaaniaku omuliro.

Yeremia 52:14

Era eigye ery'Abababilonia eryali naye, lyamenhagho ekimante ekyezungulwire Yerusalemu.

Okulira 1:3

Abantu ab'omu kibuga ekyo n'ab'omu Buyudaaya mwonamwona baatwalibwa mu bunhage era eyo ye bali mu bwiru. Baba eyo mu maghanga agandi etali waibwe era ye batawuliriraku miraala naire. Beezungulwirwa abazigu be batasobola kunuuka.

Okulira 4:15

Nga kiisi muntu ababonaku abasama busame ati: “Ja ere. Oli mwonoonefu. Ja, ja, ja. Tongema naku.” Kale baatambulatambulanga eyo batyo nga bazira ghe baba, era nga mu nsi dhoonadhoona ezira abasangaaza.

Okulira 4:20

Baasima ebiina okutega kyabazinga, oyo Musengwa Katonda ye yasiiga omuzigo abenga obugheereso bwaife, era baamala baamugemya. Ate ng'oyo ye twali tudhuuba tuti n'anaatulwaniriringa nga tulumbiibwa.

Ezekieli 12:13

Ndimutega naamugemya mu lutuula lwange, naamutwala mu kibuga Babiloni mu nsi ey'Abakaladea, yaafiira eyo aye nga ekibuga ekyo takiboineeku naire.

Ezekieli 17:20

Ndimutega naamugemya mu lutuula lwange, naamutwala mu Babilonia. Naamusalira eyo omusango gwamusinga, era naamubonereza olw'obutaba mwesigwa ye ndi.

Ezekieli 7:26

Akabi olulibanga okuvaagho kati ng'akandi kairagho, era mulibanga mwakamala okuwulira olubono olwogeirwa nga kabiri muwulira n'olundi. Mulisaba abalanzi babakobere bye bafunie mu kubonekerwa. Bakabona baliba tibakaali na mateeka ge basomesa bantu, n'abantu abakulu balibulwa amagezi ge bagha.

Hosea 11:6

Abazigu balirumba ebibuga byaibwe, baamenhamenha endhigi dhaabyo. Era balibazikiriza olw'okukola ebyo beene bye baayendanga.

Hosea 3:4

Mu nsambo ng'oti n'eyo, Abaisiraeli boona balimala ekiseera kireeyi nga bazira kyabazinga waire omukulembeze, nga bazira misengo gye baghaayo waire okuba n'empango dh'amabaale edhisinzibwa, nga bazira bivaalo bakabona bye bakozesa mu kulagula waire okuba n'ebifaananie ebisinzibwa ebyetebwa terafimu.

Amosi 1:5

Era nja kumenha olwigi olwigala ekibuga ekyo Damasiko, nzikirize abantu ababa mu kiiko ekyetebwa Aveni, n'omufuzi ow'e Bethedeni. Abantu ab'e Siria baja kutwalibwa mu nsi Kiri nga banhage.”

Amateeka Agokubiri 28:36

“Musengwa Katonda aidha kubatwalanga mu ighanga erindi imwe ni badhaadha baimwe lye mutabangamuuku. Aidha kubatwalanga ghalala ni kyabazinga ye munaabanga nga mutairegho okubafuga. Mu ighanga eryo ye mulisinziza bakatonda abaabaadhibwa mu miti ni mu mabaale.

Amateeka Agokubiri 28:63

Nga Musengwa Katonda bwe yasanhuka okubakolera ebirungi n'okubafuula abangi, atyo bw'aidha n'okubasaaniagho abamalegho mu nsi ye muli kuja okutwala.

1 Samueli 28:6

Era yeebuuza ku Musengwa Katonda, aye Musengwa Katonda yaaloba kumwiramu, ka mube mu birooto, oba mu kukozesa Urimu, oba waire ng'abita mu balanzi.