Okulira 2:8 - Baibuli Ekibono kya Katonda 2014

⁸ Musengwa yasalagho nga mumalirivu okuzikiriza ekimante ekyezungulwire ekibuga Sioni. Yasooka kukipima n'oluwuuzi olupima, ghabule akasigalagho nga tikamenheibwa. Yakizikiriza n'omukono gwe gwene, ng'obona ebituuti ebirengererwaku n'ebimante ebyali byezungulwire ekibuga nga biri ng'oti biri kulira maziga, era byaba agho bityo nga gabiwoire.

Okulira 2:8 ပူးပေါင်းရင်းမြစ်များ

2 Samueli 8:2

Bwe yamala yaaghangula Abamoabu. Yaabalambaaza ghansi mu nhiriri isatu. Olwo yaitaku enhiriri eibiri, yaalekagho lulala. Agho Abamoabu baafuuka bagheereza ba Daudi, era nga bamughanga omusolo.

2 Bakyabazinga 21:13

Ndibonereza Yerusalemu ng'oti bwe nabonereza Samaria, era ng'oti bwe nabonereza kyabazinga Ahabu owa Isiraeli n'ab'endhu ye. Ndisaaniagho abantu mu Yerusalemu, ng'oti n'omuntu bw'asiimuula esowaani n'agikaza, ate n'amala n'agifundika.

Yobu 13:21

Lekera agho okumbonereza, era olobe kuneeraliikiriza na bintu bintiisa.

Isaia 22:5

Kino kiseera kya kutya kungi, kutyankirirwa, na kusoberwa, ebyo nga Musengwa Katonda Afuga Amagye by'atutuusiisaaku mu Kiiko kino eky'Okubonekerwa. Ebimante by'ekibuga kyaife babiguumwireguumwire byagwa ghansi, abantu baakubira enduulu eyo mu nsozi nga benda babayambe.

Isaia 28:17

Okukola amazima n'okulifuuka olukoba olupima, ate obutuufu bwaba akagugha akatereeza ekisenge ekizimbibwa.” Kiwunga alimu omugozi alyeyaagho obuguya bwaimwe bwe mwesiga, amaadhi ag'omwidhuzo gaazikiriza ebyo bye mwesiguliraku.

Isaia 3:26

Endhigi dha Yerusalemu dhiriwowoola amaziga, dhaagegenga. Ate ekibuga Yerusalemu kyene kiriba ng'oti n'omukazi enaku y'ekubye, n'atyama obwagho ku itaka amadu.

Isaia 34:11

Ebiwigulu n'amakoova n'enhonhi edhindi, n'ebirifuuka byenemu okubanga omwo. Musengwa Katonda alireeta mu nsi eyo okutabukatabuka, yaaleetera n'abakungu baayo okufuuka ng'oti bintuntu eyo bityo ebitakaali na mugaso naire.

Isaia 5:5

Mpegaano ka mbakobere kye nja okukolera eisamba lyange eryo: Nja kulitoolaku olukomera olulyezungulwire, mmenhegho n'ekigo ekirikuuma, ensolo dhiriire omwo era dhirityankirire.

Yeremia 14:2

“Ensi Buyudaaya eri mu kulira, ebibuga byamu biri kufaagho. Abantu baamu balambaala ku itaka olw'okunakughala. N'ab'omu Yerusalemu baawowoola ebitaloodheka.

Yeremia 5:10

Ndidha kukoba abazigu baibwe nti, ‘Mubitebite mu masamba gaibwe ag'emizabbibu, muje nga mugazikiriza, aye mutagamalaagho. Mukookole ensaga mudhitooleku, kuba ensaga edho ti dhange.’

Yeremia 52:13

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Okulira 2:17

Musengwa alwire eira yaatuukiriza ekigendererwa kye, nga bwe yatwesoomera. Era nga bwe yasalagho eira einho, azikiriiza ng'aziramu na kusaasira. Aghaire abazigu baife okusagamba olw'obughanguzi, yaabongera okuba ab'amaani einho.

Okulira 2:18

Imwe abantu ab'omu Sioni, muwowoole Musengwa abawulire! Muwowoole amaziga gakuuluule ng'oti mwiga omusana n'obwire! Mutaganha kuwoleeraku naire waire okumalaku akaseera ng'amaiso gaimwe gabakaze amaziga.

Okulira 2:2

Musengwa yazikiriza ebibuga eby'Abaisiraeli ng'aziramu kusaasira naire. Olw'obusungu yamenhamenha ebifo Abayudaaya mwe beewogomanga. Yaasuula obwakyabazinga n'abafuzi baamu ghansi.

Okulira 2:5

Musengwa yafuuka ng'oti muzigu wa Baisiraeli yaabazikiriza; yaazikiriza ebisaagaati eby'abakungu byonabyona era yaamenhamenha ebifo eby'okwewogomamu byafuuka bifulukwa byereere. Yaaleetera okulira mu Bayudaaya okweyongera.

Ezekieli 20:22

Aye neefuga, ekyo naaloba kukikola ku lw'eriina lyange, olwo lirobe kunhoomebwa mu maghanga ge baalimu, kuba ab'omu maghanga ago baabona nga ndi kubatoola mu nsi Misiri.