Okulira 2:7 - Baibuli Ekibono kya Katonda 2014

⁷ Musengwa yazira alutaari ye, yaalekulira agho eisinzizo lye. Era yaganha abazigu baamenha ebisenge byalyo. Abazigu baakubira mu ndhu ya Musengwa emizira egy'obughanguzi, ng'oti n'Abaisiraeli beene bwe baakubirangamu emizira egy'embaga edh'ebibinuko ebyalagirwa.

Okulira 2:7 ပူးပေါင်းရင်းမြစ်များ

2 Bakyabazinga 25:9

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

2 Ebyomubyanda 36:19

Yaayokya eisinzizo, yaamenhagho ekimante ekyali kyezungulula Yerusalemu, yaayokya amayumba gaamu goonagoona, era yaazikiriza n'ebintu byamu ebirungi byonabyona.

Zabbuli 89:39

Osaziizaamu endagaano yo n'omugheereza wo, n'engule ye waagifuuta mu itaka.

Isaia 64:9

Kale ni otatusungughalira kibitiriire, waire okutuvunaana ebibi byaife ebyanda n'ebyanda. Tugemerwe ekivunika, kuba twenatwena nga bw'otubona tuli bantu bo.

Yeremia 21:4

“Muje mukobe Zedekia muti Musengwa Katonda, Katonda wa Isiraeli akoba ati, ‘Nja kughangula eigye lyo eriri kulwanisa kyabazinga w'e Babilonia n'eigye lye eribazingiiza okubeezunguluza. Era nja kusolokeza eby'okulwanisa byaimwe ghagati mu kibuga.

Yeremia 26:18

“Hezekia bwe yali nga ni kyabazinga wa Buyudaaya, omulanzi Mika eyabanga e Moreshethi yakobera abantu ati Musengwa Katonda Afuga Amagye akoba ati, ‘Olusozi Sioni balirulima ng'oti nimiro; ekibuga Yerusalemu kirifuuka mmungo dha bifunfugu, n'olusozi lwonalwona oluliku eisinzizo lwafuuka kibira.’

Yeremia 26:6

Era bwemutaalekere agho kubanga badheemu, nja kukola eisinzizo lino kye nakola Shilo. Olwo amaghanga goonagoona ku nsi, gaidha kukozesanga eriina ery'ekibuga kino nga gakolima.”

Yeremia 32:29

Baidha kukikunaaniaku omuliro bakyokye kyonakyona, ghalala n'endhu edho abantu mwe bansungughalizanga nga baniokeza obubbaani ghaigulu ku busolya bwadho nga babuniokereza omusambwa Baali, era nga bafukira bakatonda baibwe ebigheebwayo eby'okunhwa.

Yeremia 39:8

Era Abababilonia baayokya ekisaagaati kya kyabazinga, n'endhu dh'abantu, n'ekimante eky'oku kibuga Yerusalemu baakikontakontagho.

Yeremia 4:26

Naalingirira nti, naabona ng'ensi eyali engimu efuuse irungu; nga n'ebibuga byamu babizikiriiza byafuuka bifulukwa byereere. Kuba Musengwa Katonda yabasungughalira ekibitiriire.

Yeremia 4:27

Musengwa Katonda akoba ati: “Ensi eyo yoonayoona eidha kusigala agho etyo, ng'eri bwa bifulukwa byereere. Aye era tirigizikiriza yoonayoona kuwaagho.

Yeremia 50:28

“Wulira! Abaalumwike e Babilonia ni bawona, baize e Yerusalemu baloodhe nga Musengwa Katonda waife bwe yeesasuuza olw'ebyo Abababilonia bye baakola eisinzizo lye.

Yeremia 52:13

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Okulira 1:4

N'enguudo edhingira mu kibuga ekyo Sioni dhirira bulire, kuba abantu tibakaidha ku mbaga dha bibinuko bya kusinza Katonda ebyalagirwa. Emiryango gyakyo giwuubaire, ghazira akaabitamu. Bakabona baamu bali mu nnaku. Abaghala baamu abaayembanga bali agho badaaga budaage. Ekibuga kyonakyona kiri mu bulumi obutaloodheka.

Okulira 2:1

Ha, Musengwa asungughaire era yeesoomeire okubonereza ekibuga Sioni! Ebintu byamu abantu bye baatwalanga okuba eby'omughendo, abiswire ghansi ng'oti bikaba. Waire ng'ekibuga ekyo n'ekibaire ekityamo eky'obwakyabazinga bwe, Musengwa oyo akirekuliire agho olw'okuba asungughaire.

Okulira 2:5

Musengwa yafuuka ng'oti muzigu wa Baisiraeli yaabazikiriza; yaazikiriza ebisaagaati eby'abakungu byonabyona era yaamenhamenha ebifo eby'okwewogomamu byafuuka bifulukwa byereere. Yaaleetera okulira mu Bayudaaya okweyongera.

Ezekieli 24:21

mbakobere imwe abantu ab'eighanga Isiraeli nti: Bona eno, ndyonoona eisinzizo lyange, eribaleetera okwebona nga muli ba maani, ni libasanhusa okulingirira, ni mwegomba okulingiramu. N'abaana baimwe be mwaleka mu Yerusalemu, balifiira mu lutalo.

Ezekieli 7:24

ndireeta amaghanga agasingayo okuba amabi einho gaatwala endhu dhaimwe, dhaafuuka dha bantu baago. Ndinafuya abalwani baimwe ab'amaani, naaleetera amaghanga ago okwonoona ebifo byaimwe ebitukuvu.

Abalevi 26:31

ndidha kusaaniagho ebibuga byaimwe, n'ebifo mwe musinziza, ndobe na kusiimanga misengo gyaimwe.

Abalevi 26:44

Aye waire ng'ebyo binaabanga bityo, bwe banaabanga nga bakaali mu nsi y'abazigu baibwe, tiibalekulirenga agho oba okubakyagha obujiiririire, ni mmenhagho ndagaano ye nakola nabo; kuba ninze Musengwa Katonda waibwe.

Amosi 2:5

Kale nja kusindika omuliro gwokye Abayudaaya abo, era gusenkeenhe ebifo byaibwe eby'okwewogomamu eby'omu Yerusalemu.”

Mika 3:12

Kale ni ku lwaimwe, olusozi Sioni balirulima ng'oti nimiro, ekibuga kya Katonda Yerusalemu kyasigala agho nga mmungo ya bifunfugu n'olusozi lwonalwona oluliku eisinzizo lwafuuka kibira.

Matayo 24:2

Yaabakoba ati: “Ebyo byonabyona timuli kubibona? Bwenebwene ka mbakobere: Ghano tighaliba ibaale lirisigala ku liinaalyo nga tirisuuliibwa ghansi.”