Okulira 2:4 - Baibuli Ekibono kya Katonda 2014

⁴ Yadhuumuula akalaso ke n'omukono gwe omusaadha, yaakabalinzaamu ng'oti muzigu waibwe. Yaita abo boonaboona abaabeeyagazanga. Obusungu bwe bwabookya ng'oti muliro.

Okulira 2:4 ပူးပေါင်းရင်းမြစ်များ

2 Ebyomubyanda 34:21

“Muje mwebuuze ku Musengwa Katonda ku lwange ni ku lw'abo abaasigalagho mu Isiraeli ni mu Buyudaaya, ebigema ku ebyo ebighandiikiibwa mu kitabo kino ekizuuliibwa. Obusungu bwa Musengwa Katonda buli kututumbukiraku ng'oti muliro, kuba badhaadha baife tibaagondera bibono bya Musengwa Katonda ebiri mu kitabo kino, ni babikoleraku nga bwe byali n'okukolerwaku.”

2 Ebyomubyanda 34:25

Nga bwe banviireku ni baniokeza obubbaani eri emisambwa, ni bansungughaza n'ebyo byonabyona bye bakoze, obusungu bwange bwidha kutumbukira ku kifo kino ng'oti muliro, era tibulizikira.

Yobu 19:11

Angemeirwa obusungu obwaka ng'oti muliro; ali kumbisa ng'oti ndi muzigu we.

Yobu 6:4

Kuba Katonda Aghanga Ebintu Byonabyona ankubye obusaale bwe bwanhingira mu mubiri, obusagwa bwabwo bwabuna omubiri gwange. Katonda aleese ebitiisa by'ali nabyo, yaabisimbya enhiriri okuntanulaku olutalo.

Zabbuli 37:14

Ababi basowolayo empiima dhaibwe, era baadhuumuula obulaso bwaibwe okusuula abanaku n'abaavu, n'okwita abo abagondera ebiragiro bya Katonda.

Zabbuli 7:13

amaze okutegeka ebiisi eby'okubaitisa, era n'obulaso obwaka omuliro.

Isaia 42:25

Kale kyeyava n'atumaliraku obusungu bwe, era n'atusindikira entalo. Yatutumbukizaaku obusungu bwe ng'oti muliro bwayaka mu Isiraeli mwonamwona, aye twaloba kumanha birigho, bwatwokya aye era twaloba kubaagho ni kye twegamu naire!

Isaia 63:10

Aye baamala beene baadheema, baanakughaza omwoyo gwe omutukuvu. Kale Musengwa Katonda oyo yaakyuka yaafuuka muzigu waibwe, era yaabalwanisa mwene.

Isaia 63:6

Natyankatyanka mu busungu amaghanga, naagamanhiangula n'ekiruyi kyange, naayugha ku itaka omusaayi gw'abantu ogubagha obulamu.”

Yeremia 10:20

Eweema dhaife badhoonoine, n'emigugha egidhibamba gyonagyona gikutwike. Abaana baife batuviireku, tibakaaligho. Ghazira muntu wa kutubambira weema dhaife, na kudhitaamu nsuubo dhaamu.”

Yeremia 21:12

“Imwe baidhukulu ba Daudi, muwulirise nze Musengwa Katonda bye nkoba: Musalenga emisango mu mazima buli lunaku. Omuntu ye bakiriga mumuwonienga ole amukiriga. Olwo ekiruyi kyange kirobe kutumbuka ng'oti n'omuliro omuntu gw'atasobola kuzikiza, olw'ebibi bye mukola.

Yeremia 21:5

Nze mwene nja kukulwanisa n'amaani gange goonagoona, mu busungu obubitirivu, n'ekiruyi era n'obukambwe.

Yeremia 30:14

Abo be mwakolagananga nabo baabeerabira tibakaabafaaku naire. Nze nabalumba imwe ng'oti ndi bwa muzigu waimwe, naababonereza aghazira kusaasira naire, olw'ebibi byaimwe ebingi n'olw'emisango gyaimwe egitaloodheka.

Yeremia 36:7

Oba katyo balitoolera okusabanga Musengwa Katonda, era baakyuka baaleka empisa dhaibwe embi, kuba Musengwa Katonda yeesoomeire okukola ku bantu abo mu busungu n'ekiruyi ebitaloodheka.”

Yeremia 4:4

Mukuume endagaano ye mwakola ninze, nze Musengwa Katonda, era mwegheeyo ye ndi, imwe abantu b'omu Buyudaaya n'ab'omu Yerusalemu, ekiruyi kyange kirobe kutumbuka ng'oti n'omuliro omuntu gw'atasobola kuzikiza, olw'ebibi bye mwakola.”

Yeremia 42:18

“Musengwa Katonda Afuga Amagye, Katonda wa Isiraeli, akoba ati, ‘Nga bwe namalira obusungu bwange n'ekiruyi kyange ku bantu b'omu Yerusalemu, era ntyo bwe ndibimalira ni ku imwe, bwe musalagho okuja e Misiri. Mulifuuka ekintu ekitiisa einho, abantu baaboogerangaku nga babayeeyereza bwe babavuma. Era balikozesanga eriina lyaimwe ng'ekikolimo. Era timuliira kabiri mu Buyudaaya naire.’”

Yeremia 7:20

Kale ni bona eno, obusungu bwange n'ekiruyi kyange ndidha kubimalira ku kifo kino, ni ku bantu, ni ku nsolo, ni ku miti, ni ku birime, ng'oti n'omuliro omuntu gw'atasobola kuzikiza.”

Okulira 1:13

Yagheereza omuliro nga guva ghaigulu, gwantuukira mu magumba gwagamamula. Yataagho olutuula lwangema ebigere, lwanzingamya naabula ghe nja, naasigala agho nga gampoire nga ndi mu bulumi obutasalaku ekiseera kyonakyona.

Okulira 2:5

Musengwa yafuuka ng'oti muzigu wa Baisiraeli yaabazikiriza; yaazikiriza ebisaagaati eby'abakungu byonabyona era yaamenhamenha ebifo eby'okwewogomamu byafuuka bifulukwa byereere. Yaaleetera okulira mu Bayudaaya okweyongera.

Okulira 3:3

Bwenebwene yanfunta ebifunsi n'omukono gwe olunaku lwonalwona, ng'aziramu na kusaasira.

Okulira 4:1

Ha, nga kyewuunhisa engeri zaabu ye yalekeramu okumesunkana; zaabu mwenemwene omukenenule n'afuukafuuka! Amabaale geenegeene agaabanga mu kifo ekitukuvu, okwagaanibwa mu nguudo dhoonadhoona edh'omu kibuga nga masuulesuule.

Okulira 4:11

Musengwa Katonda yadhuuna obutalekamu, era obusungu bwe bwayaka ng'oti muliro yaateera oluyiira olwayokya Sioni okutuukira irala ku misingi gyakyo.

Ezekieli 13:13

“Musengwa Katonda kyava n'akoba ati: Mu busungu obungi ndisindika empewo ey'amaani, naaleetera n'ekire eky'amaadhi ekinene kyayuyika nga kirimu n'amabaale ag'omugozi amakologho, byasaaniagho ekimante ekyo.

Ezekieli 20:34

Mu busungu obubitirivu ndikozesa obuyinza bwange obungi n'amaani gange agataloodheka, naabatoolayo eyo mu maghanga, naabasolozaayo eyo mu nsi ye mwasansaanira.

Ezekieli 22:22

Nga feeza bw'asaanuukira mu kyokero, boona bwe balisaanuukira mu Yerusalemu, memale baamanha nga nze Musengwa Katonda mwene, ninze mbamaliireku obusungu bwange.”

Ezekieli 24:25

Era Musengwa Katonda yankoba ati: “Iwe omuntu, olunaku lulituuka naabatoolaku eisinzizo eribaleetera okwebona nga ba maani era nga ba bitiibwa, beesuuta, era lyabasanhusa okulingirira, beegomba okulingiramu. Era ku lunaku olwo ndibatoolaku n'abaana baibwe.

Ezekieli 36:18

Kale, nze kyenava ni mbamaliraku obusungu bwange, olw'obutemo bwe baakola mu nsi eyo, n'olw'okwonoona ensi eyo nga basinza ebitali nze Katonda.

Ezekieli 5:13

“Obusungu bwange butyo bwe bulibaidhira. Ndibamaliraku ekiruyi kyange, memale naasiima. Era bwendimala okubamaliraku ekiruyi kyange, olwo mulimanha nga nze Musengwa Katonda, ninze ndhogeiza enkikidi imwe abantu bange ye mwandeetera okuba nayo olw'obutaba beesigwa ye ndi.

Ezekieli 6:12

Abo abali eghala baja kufa endwaire ya kawumpuli abo abali okumpi bafiire mu lutalo ate abo abaliwonagho balambuke endhala bafe. Ntyo bwe ndibamaliraku ekiruyi kyange.

Ezekieli 7:14

Eigwala livuze basobole okutegekebwa, aye ghazira ali kuseguka kuja mu lutalo kuba boonaboona Katonda abasungughaliire.

Abalevi 26:17

Imwe ndibeefuulaku, mwaghangulwa abazigu baimwe, mwafugibwa abantu abatabenda. Munaabanga n'entiisa, mwalumuka nga ghazira n'ali kubabinga.

Nahumu 1:2

Musengwa Katonda wa nkikidi, tayenda bantu be kusinza bakatonda bandi. Abatakola nga bw'ayenda ababonereza; abamutakania abasungughalira era yaabasasulamu ebibonerezo ebikakali.

Nahumu 1:6

Bw'asungughala ghazira abaagho nga mulamu, era ghazira aghanga kugumira busungu bwe obuli ng'oti muliro. Obusungu bwe obwo bwe butumbuka, ni bwe luba olubaale lumenhekamenheka, lwesa ng'oti nkungu.

Amateeka Agokubiri 32:22

Obusungu bwange bwidha kutumbuka ng'oti muliro, bwokye kiisi kiri ku nsi kyonakyona. Bwidha kwaka okutuuka e magombe ghansi eyo, bwokye emisingi gy'ensozi.

1 Samueli 28:16

Agho Samueli yaamukoba ati: “Memale lwaki obuuza nze, oba nga Musengwa Katonda akulekuliire agho era ng'afuuse muzigu wo?